१ पत्रुस् 4:17 - ल्होमी

¹⁷ ह को़न्‍ज्‍योक्‍की ठीम् च्‍येत्‍न छ्‌येप्‍प को़बे धी़ ॱलीत् छर बेत्। खोङ्‌गी ठीम् दी गोम रोरङ्‌गी मीजङ्‌नी झ्‍यीन च्‍यो़क्‍केन् बेत्। ॱनी खोङ्‌गी ठीम् दी हज्‍यरङ्‌नी एल्‍ला झ्‍यीन च्‍यो़क्‍को़त्‍न ॱनी, को़न्‍ज्‍योक्‍की ॱसुङ्‌रप् ॱनेम्‍बुल मीत् नेङ्‌गेन् घयेत्‍ल ॱसुम्‍ब तीङ्‌ला घन्‍दुक् झ्‍यीबे गोल ॱलीक्‍को़दङ्?

१ पत्रुस् 4:17 Iomraidhean Croise

लुका 23:31

हीगी मी घयेत् हीबे हुन्‍दो हीन दोङ्‌बु ॱङोम्‍बुल आक् त हीन्‍दुक् झ्‍यीक्‍केल्‍ल ॱनी कम्‍बुल ॱसुम्‍ब घन्‍दुक् झ्‍यीबे छ्‌येप्‍प छ्‌यीय फोक्‍को़दङ् सीन्‍न ॱसुङ बेत्।

रोमी 1:1

को़न्‍ज्‍योक्‍की केच्‍च्‍य ॱनेम्‍बु ॱस्‍यो़क्‍केल्‍ल दम्‍न ठीक्‍नलल भो़न यो़क्‍केन् ख्रीष्‍ट् येशुगी ॱयोक्‍पु ङ पावल्‍की हीगो ढीन तोङ्‌गो़त्।

रोमी 2:9

ॱनी अयेक्‍प झ्‍यीक्‍केङ्‌गी मील रीदङ् रील गोम दी यहुदील, हुनी ज्‍यी़त् ॱयोङ् ॱयोङ्‌गी मील दुक्‍प नोङ्‌न ॱसीम् च्‍योय युङ्‌गेन् बेत्।

गलाती 3:1

ॱवे गलातीया घुर्तीङ घयेस्‍सो, खीत्‍रङ्‌ल ख्रीष्‍ट् कुरुस्‍ल ढोङे धो़न् ङे एल्‍लादु खीत्‍रङ्‌गी ॱमीक्‍की दोङ्‌दु गन्‍दीक्‍म ॱस्‍येत्‍न स्‍योक्‍कीन् स्‍योक्‍कीन् हुन्‍दो खीत्‍ल ॱसी़ ॱङुव ज्‍यप्‍न सुक्‍च्‍युङ?

गलाती 5:7

खीत्‍रङ् एल्‍ला छ्‌य स्‍यक्‍पे लम् दील गङ्‌ज्‍येन् ज्‍युन डोगुक्। ॱनी हुन्‍दो खीत्‍ल दीम्‍बे लम्‍नी ॱसी़ क च्‍येत्‍न च्‍यी़ज्‍युङ?

गलाती 6:10

घङ् झ्‍यीत् छु छु मी कुरीक्‍ल गये ले झ्‍यीदोङ्। ॱनी मो़स्‍स्‍योल हज्‍यरङ् छ्‌य स्‍योक्‍केन् नङ्‌जोदु झ्‍यीत् गोगेन् बेत्।

१ तीमोथी 3:15

घन्‍ड हीन् सीन्‍न पीन ङ ढीम्‍सी युङ् ॱमत् छुब झ्‍युङ्‌न ॱनी, ॱसोम्‍बु हीम्‍बे को़न्‍ज्‍योक्‍की छ्‌यो़ छो दीम्‍बे का धङ् ॱसप्‍तेन् झ्‍यीनी खोङ्‌गी ढोङ्‌बे मीजङ् घयेक्‍की मीजीगी छ्‌यलु दी घन्‍दुक् झ्‍यीब युङ् गोगेन् बेक्‍क हुगो रङ्‌गी ॱस्‍यीज्‍ये यो़प्‍पल ङे हीगो ढीगो़त्।

हीब्रु 11:8

को़न्‍ज्‍योक्‍की अब्राहाम् भो़न रङ्‌ल ङे लुङ्‌ब च्‍यीक् टेत् योङ्। ॱनी रङ् हुल ज्‍युक् सीन्‍न ॱसुङ बेत्। ॱनी हुगी ॱसने दी घनल यो़प्‍प हुगो ॱस्‍यो़च्‍च्‍ये मीत्‍न अक्, हुल नेन्‍न छ्‌य स्‍यक्‍पे लम्‍नी अब्राहाम् हुनी थो़न्‍न फीम्‍ब बेत्।

हीब्रु 2:2

धङ्‌बु को़न्‍ज्‍योक्‍की खोङ् रोरङ्‌गी तेङ् यी़गी भङ्‌ज्‍येम्‍ब घयेक्‍की लम्‍नी घङ् ॱसुङे केच्‍च्‍य घयेत् दी धक्‍तेन् यो़क्‍केन् बेत्। हुगो झ्‍यीनी ॱसी़ हुगी कल ॱमत् चीयेक्‍क, ॱसी़ हुल ॱमत् ॱसम्‍बेक्‍क हुल ओ़बे छ्‌येप्‍प हुबल फोक्‍प बेत्।

हीब्रु 2:4

हुबे केच्‍च्‍य हीगो धक्‍तेन् हीन् धङ् मेल्‍ल को़न्‍ज्‍योक्‍की यीक् छ्‌यीम्‍मी़ लेगी ता, यम् छेम्‍मे ले, ॱस्‍यीक् छ्‌यीम्‍मी़ ले गज्‍येन् झ्‍यीत्‍तु ची़प्‍प धङ् खोङ्‌गी थुल यो़प्‍पल पीब धम्‍बे थुगी कबप् मी घयेत्‍ल खोङ्‌गी ॱनङ्‌न धक्‍पर् जेप्‍प बेत्।

हीब्रु 3:6

ॱनी ख्रीष्‍ट् को़न्‍ज्‍योक्‍की ढोङ्‌बदु ॱवङ् च्‍येम्‍मे ॱरेबु बेत्। खोङ् घन्‍डल अक् तेम्‍बर् यो़क्‍केन् बेत्। ॱनी हज्‍यरङ्‌गी ॱआर् झ्‍यीन ङोम्‍रीन् छ्‌योक्‍पे रीगोल स्‍युक् थम थुक्‍ल थीरी देत्‍न ॱनी, हज्‍यरङ् को़न्‍ज्‍योक्‍की ढोङ्‌बे मीजङ् हीम्‍बल डोगेन् बेत्।

हीब्रु 5:9

हुनी खोङ् फी़न्‍सुम् छङल थो़न्‍नी, हुनी झ्‍यीब दी खोङ्‌गी कल चीगेन् घयेत्‍ल फु तक्‍पे छी थर्व ॱनङ्‌गेल्‍ल खोङ् झ्‍युङ्‌न यो़क्‍केन् बेत्।

१ पत्रुस् 2:5

ॱनी हीगो डस्‍सी खीत्‍रङ् ॱअङ् दो ॱसोम्‍बु बेत्। धम्‍बे थु स्‍युसे स्‍युगङ् दी खीत्‍रङ् घयेत्‍नी सोगेन् बेत्। खीत्‍रङ् को़न्‍ज्‍योक्‍की ढीक्‍ल पी़प्‍पे छ्‌यो़प्‍पो़न् चङ्‌म दी बेत्। खीत्‍रङ्‌गी ॱसीम्‍नी पुबे छ्‌यो़प्‍प दी येशु ख्रीष्‍ट्‌की लम्‍नी को़न्‍ज्‍योक्‍की स्‍यागी स्‍यीगेन् बेत्।

१ पत्रुस् 2:8

ॱनी हरुङ् हीगी ढीक्‍ल ॱसुङ्‌रप्‍ल मी घयेत् हीगी दो हील ॱनत्‍त दुगेन् बेत्। मी घयेत् हीगी ढक् हील थुक्‍न दप्‍केन् बेत् सीर यो़क्‍केन् बेत्। (यशैया ८:१४) हुब घयेत् ॱसुङ्‌रप्‍ल ॱमत् चीये छ्‌यीत्‍तु, दुन दप्‍केन् बेत् ॱनो़ब को़न्‍ज्‍योक्‍की थुल यो़क्‍केन् बेत्।