Biblia Todo Logo
Bìoball air-loidhne

- Sanasan -




१ पत्रुस् 4:14 - ल्होमी

14 छ्‌यी मी घयेक्‍की खीत्‍रङ्‌ल ख्रीष्‍ट्‌की छेङ्‌गी ढीक्‍ल ङेन्‍दम् लप्‍च्‍युङ्‌न ॱनी, खीत्‍रङ् ॱसोदी च्‍येम्‍मल ॱनेगेन् बेगो। घन्‍ड हीन् सीन्‍न तो़त्‍वङ्‌गी ओ़च्‍च्‍य छ्‌यीम्‍मु च्‍येम्‍मे को़न्‍ज्‍योक्‍की थु खीत्‍रङ्‌ल स्‍युन यो़क्‍केन् बेत्।

Faic an caibideil Dèan lethbhreac




१ पत्रुस् 4:14
37 Iomraidhean Croise  

ङे ढीक्‍ल खीत्‍रङ्‌ल मी ॱयोङ्‌मागी ॱमो़म्‍बी़त् धङ् दुक्‍प अयेक्‍प तङ्‌न खीत्‍रङ्‌ल ॱएलमे तम् अयेक्‍प लप्‍न युङल खीत्‍रङ् ॱसोदी च्‍येम्‍मल ॱनेगेन् बेगो।


हुगो डस्‍सी खीत्‍रङ्‌गी मेङ्‌ग दी इक् मी घयेक्‍की घुङ्‌दु बर्च्‍ये यो़प्‍प झ्‍यीज्‍यीत्। हुनी खीत्‍रङ्‌गी गये ले घयेत् दी मी कुरीक्‍की थोङ्‌नी, हुबे हस्‍सो़त् तेङ् यी़न स्‍युगेन् खीत्‍रङ्‌गी यप्‍ल तो़प्‍प पुगेन् बेत्।


कोलीमीगी ॱरेबी़ धो़ल्‍ल खीत्‍रङ्‌ल मी ॱयोङ्‌गी ड झ्‍यीन ॱमो़म्‍बी़त् तङ्‌न पी़त्‍न स्‍यक्‍न खीत्‍रङ्‌गी मीङ्‌ल ॱङीङ्‌मदुक् झ्‍यीन युङ्‌न ॱनी, हुगो झ्‍यीबल खीत्‍रङ् ॱसोदी च्‍येम्‍मल ॱनेगेन् बेगो।


ङ तोङ्‌गेन् खोङ् हुबे ङु ॱमीत् ॱस्‍यीबल खीत्‍रङ्‌ल ङे ढीक्‍ल हुबे हुन्‍दुक् झ्‍यीक्‍केन् बेत्।


हुनी हुगी यहुदी छ्‌यीया दीबे येशुल रङ् सामरीयागी मी रङ्‌ल ॱनो़प्‍प अयेक्‍प स्‍यीम्‍ब हीङ्‌गो़प्‍पेत्। बेगङ् ॱनी? झ्‍यीब बेत्।


हुनी हुबे हुल छ्‌यस्‍सी़क्‍की केच्‍च्‍यल हुगी ॱलोप्‍टुक् रङ्‌रङ् झ्‍यी। ङीत् मोशागी ॱलोप्‍टुक् हीन्।


ॱनी हुगी फरीसी दीबे हुल रङ् त कीये यङ्‌नीरङ् दीक्‍च्‍येल्‍ल हरुङ्‌द ङीत्‍ल ॱलोप्‍केन् सीक्‍केन्? सीन्‍न हुबे हुगो छ्‌यील दीत् तङ बेत्।


ॱनी मी छेत्‍मीत् जोम्‍न युङ थोङ्‌नी हुगी यहुदी घयेत् दीब सीगुक् लङ्‌न पावल्‍की तम् ॱस्‍येप्‍पल मेम्‍बेत् सीन्‍न हुल ॱमो़म्‍बी़त् तङ बेत्।


ॱनी हुगी यहुदी घयेत् दी पावल्‍की डल लोङ्‌न ॱमो़म्‍बी़त् तङ बेत्। हुनी रो हुबदङ् घीन डोज्‍येमल रोरङ्‌गी घो़ दी पीक्‍न दप्‍न हुब घयेत्‍ल खीत्‍रङ्‌गी ङीबे गेन् दी खीत्‍रङ्‌गी गोल खीगेन् बेत्। हीगी गेन् दी ङे मेम्‍ब, खीत्‍रङ्‌गीरङ् बेत्। ह हीनी झ्‍यीब दी ङ ज्‍यी़त् ॱयोङ् ॱयोङ्‌गी मी घयेत् च्‍याल ॱस्‍यो़त्‍तु डोगेन् सीन्‍न झ्‍यीब बेत्।


ॱनी रङ्‌गी ॱनो़बे केच्‍च्‍य घन्‍ड यो़प्‍प ङीत्‍ल ॱस्‍यो़त्‍लेत्। ङीत् हुगो नेङ्‌गीन् थेक्‍कुक्। ङीक्‍की ॱह घोवल हीगी छ्‌यो़लु ङो़गी मी घयेत्‍ल घदु उक् डल लोङ्‌गुक् सीर उजो़त् च्‍यीक् मेन्‍द, ङीत्‍ल ॱयोङ् ॱस्‍यो़च्‍च्‍ये मीत् सीन्‍न झ्‍यीब बेत्।


हुनी ठीक्‍नल दीब हुगी छोक्‍तेन् छ्‌यीम्‍मु दीनी छ्‌यील थो़न्‍न युङ बेत्। ॱनी येशुगी छेङ्‌गी ढीक्‍ल रोरङ्‌सो ॱम पप्‍न युङल हुगो ओ़ब झ्‍युङ को़न्‍ज्‍योक्‍की ॱसम्‍गेन् झ्‍यीनी, हुल हुब गेस झ्‍यीब बेत्।


हुगो झ्‍यीनी ख्रीष्‍ट्‌की धो़ङ्‌गी ढीक्‍ल ङ ज्‍यीक्‍च्‍ये मीप्‍प युङल, ॱम पप्‍न युङल, दुक्‍स्‍यी नोङल, ड घयेक्‍की दुक्‍प अयेक्‍प तङल, खम्‍द घाबोक्‍म युङल गव झ्‍यीन दो़क्‍को़त्। घन्‍ड हीन् सीन्‍न हीगो डस्‍सी ज्‍यीक्‍च्‍ये मीप्‍पे कप्‍ल ङ ज्‍यीक्‍पोक्‍मल थो़ङ्‌गो़त्।


येशु ढोङ डस्‍सी ङीत् इत् घल फीन्‍न आक्, ह त ॱसो़क्‍को़ट्‌टो ॱनो़ब छ्‌यर्न डोगो़त्। ॱनी हीगो येशु ॱसोम्‍बु यो़प्‍प हीम्‍ब कुरीक्‍की ॱह घोज्‍येल ङीत् ॱमत् ॱस्‍यीय हीगी तो़ङ्‌गो़त्।


हुगो झ्‍यीनी ङीत्‍ल ॱअयु ॱमीत् छ्‌यक्‍प यो़त्। ङीक्‍की सी़बु दी घी़त्‍न योक्‍तु योक्‍तु ॱसोङ्‌न आक्, ॱसीम्‍ल यङ् ङीन् रीम फो़स्‍स्‍यी ॱस्‍यीक् ॱङीत्‍न गदु डोगुक्।


ङ ज्‍युर्न युङे ढीक्‍ल हुबे को़न्‍ज्‍योक्‍ल तो़प्‍प पुब हीङ्‌गो़प्‍प बेत्।


हुगो मोशागी इगीगी ॱलल तेन मीस्‍रे लुङ्‌बे तीर् धङ् नोर् झ्‍यीप्‍पले त ख्रीष्‍ट्‌की ढीक्‍ल नोङे ॱमो़म्‍बी़त् दी नोर् छ्‌यीया हीम्‍ब ॱसम्‍ब बेत्।


छो़त्‍लीङ्‌गी दुक्‍प युङ गुर्न ॱसु थीरीय दो़क्‍कुक्‍क हुगो ॱसोदी च्‍येम्‍म युङ्‌गेन् बेगो। घन्‍ड हीन् सीन्‍न हुगो गुर् थेक्‍प झ्‍यीन हुनी थो़न्‍नी, को़न्‍ज्‍योक्‍की खोङ् रोरङ्‌ल झ्‍यम्‍ब यो़प्‍प च्‍येम्‍म घयेत्‍ल टो़प्‍पे छ्‌यो़त्‍तुम् झ्‍यीबे छीये ज्‍येगी स्‍यमुङ् दी हुल थोप्‍केन् बेत्।


तेदे हुबे गुर् थेक्‍पे धु हुल तेन हुब घन्‍दुक्‍मे गव च्‍येम्‍मे मी बेक्‍क सीन्‍न हज्‍यरङ्‌गी सीक्‍केन् बेत्। अय्‍युब्‍गी घन्‍दुक्‍मे गुर् थेक्‍पे धु छ्‌यीय च्‍यङ बेक्‍क हुगो खीत्‍रङ्‌गी ॱह घोव यो़ट्‌टो। ॱनी स्‍युक्‍तु अय्‍युब्‍ल चोव ज्‍यीन्‍दक्‍की घन्‍दुक्‍मे लेमु जेप्‍प बेक्‍क हुगो ओक् खीत्‍रङ्‌गी थोङ् यो़ट्‌टो। चोव ज्‍यीन्‍दक् थुज्‍यी धङ् ॱङीङ्‌ज्‍यी छ्‌यीम्‍मु च्‍येम्‍म यो़क्‍केन् बेगो।


को़न्‍ज्‍योक् ॱस्‍यो़च्‍च्‍ये मीप्‍पे मी ॱयोङ्‌म घयेक्‍की घुङ्‌दु खीत्‍रङ्‌गी मीजीगी छ्‌यलु दी गङ्‌ज्‍येन् युङ झ्‍यीज्‍यीत्। हुनी खीत्‍रङ्‌गी गङ्‌ज्‍येन् झ्‍यीप्‍प दी खीत्‍रङ्‌ल नक् कोप्‍केन् छ्‌यी मी घयेक्‍की थोङ्‌नी येशु झ्‍यो़म्‍बे ङीङ्‌गी यङ्‌ल हुबे को़न्‍ज्‍योक्‍ल तो़प्‍प पुगेन् बेत्।


ॱनी हीन्‍न अक्, ढङ्‌बु झ्‍यीबे ढीक्‍ल दुक्‍प नोङ्‌ज्‍युङ्‌न ॱनी, खीत्‍रङ् ॱसोदी च्‍येम्‍म युङ्‌गेन् बेगो। दुक्‍प तोङ्‌गेन् हुबल खीत्‍रङ् ज्‍यीब धङ् ज्‍यीक्‍टक् मत् झ्‍यीज्‍यीत्। (यशैया ८:१२)


ॱनी तम् ॱस्‍यो़प्‍पे यङ्‌ल ॱम ॱयुङ्‌बोक्‍म झ्‍यीन को़न्‍ज्‍योक्‍ल ज्‍यीब खुर्न, ॱनोङ् लङ् मीत् गो़गेङ्‌गी लेमु झ्‍यीन ॱस्‍यो़त् गोगेन् बेत्। हुनी खीत्‍रङ् ख्रीष्‍ट्‌की लम्‍ल युङे छ्‌यलु गङ्‌ज्‍येन् झ्‍यीप्‍प दी खीत्‍रङ्‌ल ङीब कोप्‍केन् हुबे थोङ्‌नी, हुबे रोरङ्‌सो़ तम् अयेक्‍प लब घयेत् दी मत् धक्‍प ॱह घोनी, हुब ङु छ डोगेन् बेत्।


खीत्‍रङ् ख्रीष्‍ट्‌यान् हीम्‍बे ढीक्‍ल खीत्‍रङ्‌ल दुक्‍प नोङल ॱसु उक् ङु छय मत् झ्‍यीप्‍प, बोर हुगी मीङ्‌गी ढीक्‍ल को़न्‍ज्‍योक्‍ल तो़प्‍प पुज्‍यीत्।


छ्‌येल ॱस्‍योर्नर हुबे तीङ्‌ल मी गज्‍येन् डोगेन् बेत्। हुबे झ्‍यीत् झ्‍यीक्‍की दीम्‍बे लम्‍ल ॱमेस्‍येत् तोङ्‌गेल्‍ल सोगेन् बेत्।


Lean sinn:

Sanasan


Sanasan