१ पत्रुस् 4:10 - ल्होमी10 खीत्रङ् रीदङ् रील को़न्ज्योक् च्यानी थोबे थुज्यीगी कबप् दी च्यीक्तङ् च्यीक्ल फेन्दो युङे ढीक्ल झ्यीज्यीत्। खीत्रङ्ल को़न्ज्योक्की कबप् ॱनजो ॱनङ दी खीत्रङ्गी गन्दीक्म झ्यीन खो़न युङ् गोगेन् बेत्। Faic an caibideil |
१ पत्रुस् 4:10
29 Iomraidhean Croise
हीगो रोसो़ ॱलो़लङ्गी दी़न स्यक्तुक्। ॱनी म दी हुबल यहुदी घयेक्की ढीन् छक्न यो़क्केन् बेत्। घन्ड हीन् सीन्न ज्यी़त् ॱयोङ् ॱयोङ्गी मी घयेत्ल ॱसीम्ल फेम्बे ॱमेल्लम् घयेत् दी यहुदी घयेत् च्येन्नी युङ बेत्। हीगो झ्यीनी यहुदी घयेत्ल सी़ल फेम्बे खोज्येत् घयेत् दी ज्यी़त् ॱयोङ् ॱयोङ्गी मी घयेक्की टो़त् गोगेन् बेत्।
ॱनी हीन्न अक्, ङ हुन्दो घन्दुक् झ्यीबे मील झ्युङ बेक्क हुगो को़न्ज्योक्की थुज्यीगी लेगी झ्युङ बेत्। ङल खोङ्गी थुज्यी ॱनङ दी धो़म्मीत्ल ॱमत् ॱसोङ, ठीक्नल ॱयोङ्मा घयेत्ले ङे मङा कले च्येत्न युङेन्। ॱनी हुगो म दी ङे ङरङ्गी झ्यीब मेम्ब, ङे दगुल यो़क्केन् को़न्ज्योक्की थुज्यीगी जेप्पे ले बेत्।
को़न्ज्योक्की ढीक्ल खीत्रङ्गी घङ् झ्यीबे ले घयेत्, खोङ्गी मी चङ्म घयेत्ल स्यप्च्यी़ ज्युब हुगो धङ् ॱनी हुन्दो ओक् ज्युन खोङ्ल हुन्दुक् झ्यीन झ्यम्ब यो़प्प हुगो खोङ्गी टोक् मत् ज्यीब यो़क्केन् बेत्। ॱनी खोङ् ढीन्ज्येन् यो़क्केन् झ्यीनी, हुगी लेन् खीत्रङ्ल ॱनङ्गेन् बेत्।
थुज्यी छ्यीम्मु च्येम्मे को़न्ज्योक्की ख्रीष्ट्तङ् मत् ढेबल खीत्रङ् खोङ् रोरङ् झ्यीस्स, फुस तक्पे तो़त्वङ्गी ओ़च्च्य च्येम्मे ॱसज्यल भो़न यो़क्केन् बेत्। खीत्रङ्ल हुन्दो ॱरीप्चो़त् च्यीक् दुक्प नोङ हुगो गुर्नी, हुनी खोङ्गी खीत्रङ्ल ॱलोप्स्यीक् ॱनङ्न चव छुदु ची़त्न डम्बोक्मल सोगेन् बेत्।
Sanasan