१ पत्रुस् 2:9 - ल्होमी9 खीत्रङ् हुब डस्सी मेम्ब, को़न्ज्योक्की दम्बे मीस्सीर्, ख्रीष्ट् ज्याबी़ छ्यो़प्पो़न्, को़न्ज्योक्की खोङ् रोरङ्गी ढीक्ल पी़प्पे ज्यी़त् धङ् खोङ् रोरङ्गी दुङ्ज्यी़त् बेत्। खीत्रङ् खो़च्च्ये दी खीत्रङ् मेन्नक्नी यम् छेम्मे मेङ्गल भो़क्केन् को़न्ज्योक्की जेप्पे ले छ्यीम्मु घयेत् मी कुरीक्ल ॱस्यो़च्च्येगी ढीक्ल बेत्। Faic an caibideil |
१ पत्रुस् 2:9
50 Iomraidhean Croise
हुब घयेक्की ॱसीम्बे ॱमीक् दी भीदु ची़त्न मेन्नक्नी मेङ्गल, शैतान्गी लक्नी को़न्ज्योक् ङो़ल युङ्ज्येल धङ् ङल छ्य स्यक्पे लम्नी दीक्प घयेत् धक्न को़न्ज्योक्की धक्पर् हीम्बल सो़बे मी घयेक्की घुङ्दु हुब घयेत् युङ् छुज्ये यो़प्पल ङे रङ् हुब घयेत् च्याल तोङ्गेन् सीन्न ॱङाज्युङ्।
हज्यरङ् मीस्सीर् घयेत् दक्पु जेक्केन् को़न्ज्योक्की हज्यरङ् घयेत्ल थर्वे फक् दीम्बरङ् थोप्केन् हीम्बे ढीक्ल धम्बे थु हज्यरङ् हीनी तीङ्ला ॱली़न डोये यङ्गी धी़ थुक्ल बयीनाल ॱनङ्न यो़क्केन् बेत्। ॱनी हीगो को़न्ज्योक्ल तो़त्न, खोङ्ल तो़त्वङ् दी हरुङ् ज्यीक्तु युङ्ज्ये यो़प्पे ढीक्ल बेत्।
हीन्दुक् झ्यीन मी ॱसी़ को़न्ज्योक् ङो़गी केच्च्य ॱस्यो़क्को़दङ् हुगी को़न्ज्योक्की ॱनङे ॱसुङ्स्येत् ॱस्यो़क्केन् हीम्ब डस्सी ॱस्यो़त् गोगेन् बेत्। ॱनी यङ् मी ॱसी़ ॱयोङ्ल फेम्बे ले झ्यीक्को़दङ् हुगी को़न्ज्योक्की ॱनङे ॱस्यीक्की झ्यीत् गोगेन् बेत्। हुन्दुक् झ्यीन क, हस्सो़त् येशु ख्रीष्ट्की लम्नी झ्यीबे लेमु घन् दीनी इक् को़न्ज्योक्ल तो़प्प युङ्गेन् बेत्। खोङ्ल तो़त्वङ् धङ् ॱवङ्ग धी़ नम ज्यी़न्दु युङ् युङ युङ्ज्ये यो़प्प स्योक्च्यीत्। आमेन्।
गोम ॱएन्स्युक्ल ॱसोम्बुल लोङ्ज्ये ॱनोङे मी घयेत् हुब ॱसोदी छ्यीम्मु च्येम्म को़न्ज्योक्की मी चङ्म हीम्ब युङ्गेन् बेत्। घन्ड हीन् सीन्न हुब घयेत् ॱस्यीव तीङ्मागी ॱवङ्गी होक्ल ॱमीत् ॱस्योर, हुब को़न्ज्योक् धङ् ख्रीष्ट्की छ्यो़प्पो़ल्ल खो़त्न, ख्रीष्ट्तङ् दल लोङ तोङ्डक् च्यीक् थुक् ॱवङ् च्योङ्ज्ये ॱनोङ्गेन् बेत्।
Sanasan