१ पत्रुस् 2:21 - ल्होमी21 हज्यरङ् भो़बे धो़न् दी इक् हुन्दुक् झ्यीबे ढीक्लरङ् बेत्। ख्रीष्ट्की इक् हज्यरङ्गी ढीक्ल दुक्स्यी गुर्न खोङ्गी तीङ्ल कङ्ज्ये दीत्न युङ्ज्ये यो़प्पल हज्यरङ्ल ॱमीदे तो़न्न स्यक्न यो़क्केन् बेत्। Faic an caibideil |
१ पत्रुस् 2:21
30 Iomraidhean Croise
खीत्रङ् ङदङ् मत् ढेब देत्न ॱनी, खीत्रङ्ल ॱसीम् दीव युङ्गेन् बेत्। हुगो युङ्ज्येल ङे केच्च्य घयेत् हीगो ॱस्येत्न स्यक्पेन्। जम्बुलीङ् हीदु खीत्रङ्ल दुक्प अयेक्प नोङ्गेन् बेत्। ॱनी हीन्न अक्, हुल खीत्रङ् ॱलोप्स्यीक् छ्यीजो़त् झ्यीन दो़च्च्यीत्। घन्ड हीन् सीन्न जम्बुलीङ् हीले ङ ज्यला थो़न् छर बेत् झ्यीब बेत्।
हुगी सार् ॱसुम्बु दीन येशुगी ॱलोप्टुक्ल स्युन यो़प्प घयेत्ल पावल्सो़ ॱलोप्स्यीक् टेत्न छ्य स्यक्पे लम्ल थीरी दो़च्च्यीत् सीन्न ॱस्येप्प बेत्। को़न्ज्योक्की ज्यागक्ल स्युक्पल हज्यरङ्ल दुक्स्यी गज्येन् नोङ्गेन् बेत्। ॱनी हुगी दुक्स्यी हुगो गुर्न डो गोगेन् बेत् सीन्न ॱस्येत्न स्यक्प बेत्।
को़न्ज्योक्की च्यप्को़ल्ल को़न तङे ख्रीष्ट्ल दुक्स्यी गुर् गो़ ॱस्यर्केन् बेत्। ॱनी ढोङ् गो़ ॱस्यर्केन् बेत्। हुनी यङ् ॱसोम्बुल लोङ्गेन् बेत् सीर हीगो ॱसुङ्रप्ल आक् दुक् सीन्न पावल्की ॱसुङ्रप्की धो़न् ॱस्येत्न टेप्प बेत्। हुगी ख्रीष्ट् दी ङे खीत्रङ्ल ॱस्येत्न टो़क्केन् येशु बेत् सीन्न पावल्की ॱस्येत्न टेप्प बेत्।
मी गज्येन् को़न्ज्योक्की भीज हीम्बल सो़न तो़त्वङ्गी ओ़च्च्य झ्यीस्सल ठीक्केन् दी खोङ् बेत्। हीन घङ् यो़प्प घयेत् हीगो जेङ् को़न्ज्योक्की खोङ् रोरङ्गी ढीक्ल धङ्बु छ्यादु ची़प्प बेत्। ॱनी येशु मी घयेक्की थर्वे लम्बाल युङ्ज्ये यो़प्पल खोङ्गी दुक्स्यी गुर हुगी लम्नी को़न्ज्योक्की फी़न्सुम् छङल सो़ब बेत्।
हुगो डस्सी ख्रीष्ट्की इक् दुक्स्यी गुर्न, हज्यरङ् मी घयेक्की दीक्पे ढीक्ल धङ् हज्यरङ्ल फु काब तोङ्ल फेम्ब युङे ढीक्ल खोङ् लेन् च्यीक् ढोङ बेत्। हीगो हज्यरङ् को़न्ज्योक् च्याल ठीक् छुज्ये यो़प्पल खोङ् ढङ्बु हीन्ज्यङ्, हज्यरङ् मत् ढङा घयेक्की छप्पुल ढोङ बेत्। खोङ् ॱस्यस्सी़ल यो़प्पे यङ्ल मी घयेक्की ॱसेत्न आक्, यङ् धम्बे थुगी खोङ् ॱसोम्बुल ॱलोङ बेत्।
येशु ख्रीष्ट्की हज्यरङ्गी ढीक्ल खोङ् रोरङ्गी ॱरोक् दीरङ् च्येब बेत्। हुल तेनी क, दीम्बरङ्गी झ्यम्ब दी घन्दुक् झ्यीब युङ्गेन् बेक्क हुगो हज्यरङ्गी ॱह घो छुगेन् बेत्। ॱनी हीगो डस्सीगी झ्यम्ब दी क हज्यरङ्गी इक् पी़न्ज्या नङ्गी पी़ङ्गी ढीक्ल ॱरोक्रङ् ॱसोङ्न आक्, च्यो़ छुब युङ् गोगेन् बेत्।
Sanasan