१ पत्रुस् 2:20 - ल्होमी

²⁰ खीत्‍रङ्‌गी ङीब झ्‍यीबे ढीक्‍ल खीत्‍रङ्‌ल दुङ्‌दक् नोङ्‌न ॱनी, हुगो खीत्‍रङ्‌गी गुर् थेक्‍परङ् झ्‍यीन अक्, हुगी खीत्‍रङ्‌ल घन्‍डे तो़प्‍प दी युङ्‌गेन्? ॱनी यङ् खीत्‍रङ्‌गी गा झ्‍यीन गा झ्‍यीबे ढीक्‍ल दुक्‍प नोङ्‌न, हुगो खीत्‍रङ्‌गी गुर् थेक्‍प झ्‍यीन ॱनी, हील को़न्‍ज्‍योक् गुगेन् बेत्।

१ पत्रुस् 2:20 Iomraidhean Croise

मत्‍ती 26:67

हुनी हुब घयेक्‍की खोङ्‌गी झ्‍येत्‍ङेल छ्‌युप्‍स्‍या कप्‍न खोङ्‌ल मुर्चोक् बेम्‍ब बेत्। ॱनी यरीगी यङ् डम्‍ज्‍यक् बेन्‍न

मत्‍ती 5:47

खीत्‍रङ्‌गी खीत्‍रङ् पी़न्‍ज्‍या नङ्‌गी पी़न् ठेप्‍पे यङ्‌ल तम् ॱनेन्‍सी लप्‍री चीयल हीगो खीक्‍की ॱल्‍हक्‍मु गस्‍सी च्‍यीक् झ्‍यीक्‍को़त् ॱनो़गुक्‍क? हीगो डस्‍सीगी लेमु त को़न्‍ज्‍योक् ॱस्‍यो़च्‍च्‍ये मीप्‍पे ज्‍यी़त् ॱयोङ् ॱयोङ्‌गी मी घयेक्‍की इक् झ्‍यीक्‍केन् मेम्‍बेक्‍क ॱनी?

मर्कुस् 14:65

ॱनी हुब यरीगी खोङ्‌ल छ्‌युप्‍स्‍या कप्‍न खोङ्‌गी झ्‍येत्‍ङे दी घुलक्‍की तुम्‍न हुनी मुर्चोक् बेन्‍न ह खोक्‍की ॱङो़स्‍स्‍यी दी ॱस्‍यो़त्‍ते त सीन्‍न झ्‍यीब बेत्। ॱनी ॱयोक्‍पु घयेत् दीबे एक् खोङ्‌ल डम्‍ज्‍यक् बेम्‍ब बेत्।

लुका 6:32

खीत्‍रङ्‌गी रङ्‌ल झ्‍यम्‍ब झ्‍यीक्‍केल्‍लरङ् क खीक्‍की झ्‍यम्‍ब झ्‍यीक्‍को़त्‍न ॱनी, हील घन्‍डे तो़प्‍प दी युङ्‌गो़त् सीक्‍केन्? हीगो डस्‍सी रोरङ्‌ल झ्‍यम्‍ब झ्‍यीक्‍केन् घयेत्‍ल झ्‍यम्‍ब त दीक्‍च्‍येन् घयेक्‍की इक् झ्‍यीक्‍केन् बेत्।

१ कोरीन्‍थी 4:11

हजो़त् थुक्‍ल ङीत् ॱनी तोब धङ् कोम्‍बल दो़त् गो़ झ्‍युङ्। घो़ बदुक्‍की होक्‍ल दो़त् गो़ झ्‍युङ्। दुङ्‌दक् गुर् गो़ झ्‍युङ्। ॱलोङ्‌गेन् डस्‍सील थो़च्‍च्‍युङ्।

गलाती 4:18

ॱनी ङ हुब डस्‍सी मेम्‍ब, ङे खीत्‍रङ्‌ल फेम्‍बे लेमु मेन्‍द, ॱयोङ् ङे ॱसीम् दीलरङ् ॱमीत् खुर यो़त्। ॱनी ङे हीगो हुदु यो़प्‍पे यङ्‌ल छ्‌युवक् मेम्‍ब, धी़ ज्‍यी़न्‍दु खुको़र्त्।

एफीसस् 5:10

चोव ज्‍यीन्‍दक् थु गुवे लेमु घयेत् नम् च्‍येत्‍न ॱस्‍यीब झ्‍यीज्‍यीत्।

फीलीप्‍पी 4:18

खीत्‍रङ्‌गी इपाफ्रोडीटस्‍की लक्‍ल घङ् तङ घयेत् दी ङल ठो़च्‍च्‍युङ्। ठो़त्‍न मो़त् छ्‌यीली झ्‍युङ्। ह ङल गज्‍येन् यो़त्। ॱनी खीत्‍रङ्‌गी तङे कुम्‍मु हीगो को़न्‍ज्‍योक्‍की थुल डोव ढीम स्‍यीम्‍बोक्‍म ॱहीक्‍केन् को़न्‍ज्‍योक् थु गुवे छ्‌यो़प्‍पदङ् छ्‌येत्‍मीत् झ्‍युङ्।

१ पत्रुस् 2:19

ॱनी हीन्‍न अक्, रङ्‌ल मत् ओ़बे दुक्‍प नोङ्‌न ॱनी, हीगो को़न्‍ज्‍योक्‍की थुल यो़प्‍प हीन्‍डो ॱनो़ब ॱसम्‍न गुर् थेक्‍प झ्‍यीन ॱनी, हील को़न्‍ज्‍योक् गुगेन् बेत्।

१ पत्रुस् 3:14

ॱनी हीन्‍न अक्, ढङ्‌बु झ्‍यीबे ढीक्‍ल दुक्‍प नोङ्‌ज्‍युङ्‌न ॱनी, खीत्‍रङ् ॱसोदी च्‍येम्‍म युङ्‌गेन् बेगो। दुक्‍प तोङ्‌गेन् हुबल खीत्‍रङ् ज्‍यीब धङ् ज्‍यीक्‍टक् मत् झ्‍यीज्‍यीत्। (यशैया ८:१२)

१ पत्रुस् 3:17

अयेक्‍प झ्‍यीन दुक्‍प गुरले त बोर को़न्‍ज्‍योक्‍की थुल यो़प्‍पल गय झ्‍यीबे ढीक्‍ल दुक्‍प गुर गज्‍येङ्‌गी गा युङ्‌गेन् बेत्।