१ पत्रुस् 2:2 - ल्होमी

² भीज च्‍युङेत्‍मु आमे नुम ढेन्‍न थुङ्‌ज्‍येल गन्‍दीक्‍म ॱयेङ्‌गेन् डस्‍सी खीत्‍रङ् नम् थर्न भी़त् भी़त् थुक्‍ल खीत्‍रङ्‌ल ओङ्‌बु ॱलीच्‍च्‍ये यो़प्‍पल होम चङ्‌मदङ् छ्‌येत्‍मीक्‍की ॱसुङ्‌रप्‍ल धेस्‍सीम् झ्‍यीज्‍यीत्।

१ पत्रुस् 2:2 Iomraidhean Croise

मत्‍ती 18:3

खोङ्‌गी हुबल ङे खीत्‍रङ्‌ल गन्‍दीय ॱस्‍येत् योङ्। खीत्‍रङ् ॱसीम् ज्‍युर्न भीज घयेत् डस्‍सील झ्‍युङ्‌न मेन्‍द, तेङ् यी़गी ज्‍यागक्‍ल स्‍युक् ॱमीत् छुगेन् बेत्।

मत्‍ती 19:14

ॱनी येशुगी लेल्‍ल भीज घयेत् हुब क ॱमत् च्‍यो़त्। हुब ङ च्‍याल युङ्‌दु ची़त्। घन्‍ड हीन् सीन्‍न तेङ् यी़गी ज्‍यागक् भीज हीब डस्‍सीगी बेत् सीन्‍न झ्‍यीब बेत्।

मर्कुस् 10:15

ङे गन्‍दीय ॱस्‍येत् योङ्। को़न्‍ज्‍योक्‍की ज्‍यागक्‍ल स्‍युक्‍पल मी ॱसु भीज हीगो डस्‍सीगी ॱसम्‍ल खुर्न मीत् युङेक्‍क हुगो हुल स्‍युक् ॱमीत् छुगेन् बेत् सीन्‍न ॱसुङ बेत्।

लुका 18:17

ङे खीत्‍रङ्‌ल गन्‍दीय ॱस्‍येत् योङ्। को़न्‍ज्‍योक्‍की ज्‍यागक्‍ल स्‍युक्‍पल मी ॱसु हीगी भीज हीगो डस्‍सीगी ॱसम्‍ल खुर्न मीत् युङेक्‍क हुगो स्‍युक् ॱमीत् छुगेन् बेत् सीन्‍न ॱसुङ बेत्।

रोमी 6:4

खोङ्‌गी ॱस्‍यीवदङ् कङ्‌ज्‍यीक्‍प युङ्‌लु दी हीन्‍दुक् बेत्। ख्रीष्‍ट् ढोङ्‌नरनी यप्‍की ॱवङ्‌दा छ्‌यीम्‍मी़ यङ् ॱसोम्‍बुल ॱलोङ हीम्‍ब डस्‍सी हज्‍यरङ् अङ् छी ॱसम्‍बे लम्‍ल डोज्‍ये यो़प्‍पल बप्‍तीस्‍ल स्‍युब दीगी खोङ्‌दङ् दल ॱस्‍यीन रो बेक्‍सल ॱलुक् छर यो़क्‍केन् बेत्।

१ कोरीन्‍थी 14:20

पी़न्‍ज्‍यासो, खीत्‍रङ् ह हीनी झ्‍यीब दी भीजे ॱनोक्‍सम् डस्‍सी ॱमत् खुर्च्‍यीत्। बोर ङेम्‍ब झ्‍यीत् ॱमीत् ॱस्‍यीगेन् भीजे लेमु डस्‍सी धङ् ॱनोक्‍सम् ॱलीबे गेम्‍बा डस्‍सीगी ॱनोक्‍सम् तोङ्‌ज्‍यीत्।

एफीसस् 2:21

हुगो झ्‍यीनी चीक्‍पक्‍की डी़त्‍तोक् घयेत् दी मीत् स्‍यीक्‍प, खीम् दी छ्‌यीदु छ्‌यीदु फीन्‍नी, हुगो चोव ज्‍यीन्‍दक् स्‍युसे खोङ्‌ल तीम्‍बे छ्‌यो़गङ् हीम्‍ब युङ्‌गेन् बेत्।

एफीसस् 4:15

हज्‍यरङ् घयेक्‍की झ्‍यम्‍बे लम्‍नी दीम्‍ब ॱस्‍यो़त् गोगेन् बेत्। हुनी क हज्‍यरङ्‌गी झ्‍यीत्‍लु ज्‍युङ्‌लु दी छङ्‌मल छङ्‌न गो हीम्‍बे ख्रीष्‍ट्‌तङ् डमुल ज्‍येन युङ्‌गेन् बेत्।

२ थीस्‍सलोनीका 1:3

पी़न्‍ज्‍यासो, खीत्‍रङ्‌गी छ्‌य स्‍यक्‍प दी डम्‍दु डम्‍दु झ्‍युङ्‌न युङ दील धङ् च्‍यीक्‍तङ् च्‍यीक्‍ल झ्‍यीक्‍केङ्‌गी झ्‍यम्‍ब दी छ्‌यीदु छ्‌यीदु ज्‍येन युङ दील ङीक्‍की छीगङ् को़न्‍ज्‍योक्‍ल थु छ्‌यी पु पुब झ्‍यीत् गोगो़त्।

१ पत्रुस् 1:23

हज्‍यरङ्‌ल फीच्‍च्‍य ॱसीम् ॱसम्‍ब कीन युङ हीगो फु ॱमीत् तक्‍केङ्‌गी ॱसो़न् तप्‍न कीब मेम्‍ब, फु तक्‍केन्, धी़ ज्‍यी़न्‍दु दो़क्‍केन्, को़न्‍ज्‍योक्‍की ॱसुङ्‌रप् ॱसोम्‍बुनी कीब बेत्।

२ पत्रुस् 3:18

हज्‍यरङ्‌गी च्‍यप्‍को़न् चोव ज्‍यीन्‍दक् येशु ख्रीष्‍ट्‌की थुज्‍यीगी धो़र्रीक् खीत्‍रङ्‌ल ज्‍येबर् युङ्‌ज्‍ये यो़प्‍प धङ् खोङ्‌गी धो़र्रीक् खीत्‍रङ्‌गी गदु ॱस्‍यीज्‍ये यो़प्‍प झ्‍यीज्‍यीत्। खोङ्‌ल हुन्‍दो धङ् धी़ ज्‍यी़न्‍दु तो़प्‍प युङ् युङ युङ्‌ज्‍ये यो़प्‍प स्‍योक्‍च्‍यीत्। आमेन्।