१ पत्रुस् 2:12 - ल्होमी12 को़न्ज्योक् ॱस्यो़च्च्ये मीप्पे मी ॱयोङ्म घयेक्की घुङ्दु खीत्रङ्गी मीजीगी छ्यलु दी गङ्ज्येन् युङ झ्यीज्यीत्। हुनी खीत्रङ्गी गङ्ज्येन् झ्यीप्प दी खीत्रङ्ल नक् कोप्केन् छ्यी मी घयेक्की थोङ्नी येशु झ्यो़म्बे ङीङ्गी यङ्ल हुबे को़न्ज्योक्ल तो़प्प पुगेन् बेत्। Faic an caibideil |
१ पत्रुस् 2:12
46 Iomraidhean Croise
हुनी क ज्यी़त् ॱयोङ् ॱयोङ्गी मी घयेक्की इक् को़न्ज्योक्की ॱङीङ्ज्यी छ्यीम्मु जेप्पे ढीक्ल खोङ्ल तो़प्प पु छुगेन् बेत्। हीगी ढीक्ल ॱसुङ्रप्ल ढीन यो़क्केन् बेत्। ज्यी़त् ॱयोङ् ॱयोङ्गी मी घयेक्की छीक्तु नीज्यरङ्ल तो़क्केन्। नीज्यरङ्गी छेङ्गी ढीक्ल तो़प्पे तो़त्लु पुगेन् सीन्न यो़क्केन् बेत्। (ॱसुङ्रप्की गुल्लु १८:४९)
ङीक्की ङोम्ज्येत् दी हीगो यो़त्। जम्बुलीङ्गी मी घयेक्की घुङ्दु धङ् हुले धक्पा खीत्रङ्गी घुङ्दु ङीक्की मीजीगी छ्यलु दी को़न्ज्योक् थु गुव धङ् धक्पर् ॱसीम् चङ्म खुर्न युङेन्। हीगी ढीक्ल सङ् ङेन् च्यो़त् ॱस्यीगेन् ङे ॱसीम्बे धक्पर् झ्यीक्केन् बेत्। हीगो कोलीमीगी झ्यी़रीक् रीक्पे मेम्ब, को़न्ज्योक्की थुज्यीगी बेत्।
खीत्रङ्गी मत् ओ़बे ढङ् घन्ड अक् झ्यीच्च्ये मीप्पे ढीक्ल ङीक्की को़न्ज्योक्ल ॱसुव तोप्को़त्। हीगो ङीत्ल झ्युङे छो़त्लीन् घयेत्ल ङीत् ज्यला थो़म्ब हीम्ब कुरीक्की ॱह घोज्येल मेम्बेत्। बोर ङीत् हुगी छो़त्लीन् हुल फम्नर डस्सी झ्युङ्न अक् झ्युङ्। म दी गो़स्योल खीत्रङ्गी ढङ्बी़ ले झ्यीच्च्ये यो़प्पे ढीक्ल हीन्।
ॱनी हुगी गय झ्यीबे ले घयेत् दी कुरीक्की ॱह घोव, रोरङ्गी भीज घयेत् गन्दीक्म ॱसो़बे ॱलम्, डोम्बुल थोङ् झ्यीबे ॱलम्, को़न्ज्योक्की मी चङ्म घयेत्ल कङ्ब टी़न टेप्पे ॱलम्, मी दुक्च्या घयेत्ल दगु झ्यीबे ॱलम् धङ् गये ले झ्यीच्च्ये ॱनो़बे ॱवङ्ल छीगङ् तङ्न दो़क्केङ्गी भुमु युङ् गोगेन् बेत्।
ॱनी तम् ॱस्यो़प्पे यङ्ल ॱम ॱयुङ्बोक्म झ्यीन को़न्ज्योक्ल ज्यीब खुर्न, ॱनोङ् लङ् मीत् गो़गेङ्गी लेमु झ्यीन ॱस्यो़त् गोगेन् बेत्। हुनी खीत्रङ् ख्रीष्ट्की लम्ल युङे छ्यलु गङ्ज्येन् झ्यीप्प दी खीत्रङ्ल ङीब कोप्केन् हुबे थोङ्नी, हुबे रोरङ्सो़ तम् अयेक्प लब घयेत् दी मत् धक्प ॱह घोनी, हुब ङु छ डोगेन् बेत्।
हीन्दुक् झ्यीन मी ॱसी़ को़न्ज्योक् ङो़गी केच्च्य ॱस्यो़क्को़दङ् हुगी को़न्ज्योक्की ॱनङे ॱसुङ्स्येत् ॱस्यो़क्केन् हीम्ब डस्सी ॱस्यो़त् गोगेन् बेत्। ॱनी यङ् मी ॱसी़ ॱयोङ्ल फेम्बे ले झ्यीक्को़दङ् हुगी को़न्ज्योक्की ॱनङे ॱस्यीक्की झ्यीत् गोगेन् बेत्। हुन्दुक् झ्यीन क, हस्सो़त् येशु ख्रीष्ट्की लम्नी झ्यीबे लेमु घन् दीनी इक् को़न्ज्योक्ल तो़प्प युङ्गेन् बेत्। खोङ्ल तो़त्वङ् धङ् ॱवङ्ग धी़ नम ज्यी़न्दु युङ् युङ युङ्ज्ये यो़प्प स्योक्च्यीत्। आमेन्।
हुन्दुक् झ्यीन म दीरङ् कुरीक् खरप्ल टप् डोगेन् झ्यीनी, हुनी खीत्रङ् घन्दुक् झ्यीब युङ् गोगेन् बेक्क? को़न्ज्योक्की हुगी ङीन् युङ हुल ॱसम्न ज्योक्सी युङ्दु ची़क्केन् खीत्रङ्सो धेस्सीम् छ्यीम्मु धङ् छ्यलु चङ्म युङ झ्यीत् गोगेन् बेत्। ॱनी हीगी ङीङ्गी यङ्ल इगी ॱनम्न घङ् यो़प्प घयेत् मी छीक्न खरप्ल डोगेन् बेत्। ॱसल यो़प्पे ढङ् घयेत् ढो़क्की स्यु डोगेन् बेत्।
Sanasan