१ पत्रुस् 1:4 - ल्होमी4 हीगी धो़न् दी तेङ् यी़दु हज्यरङ्गी ढीक्ल स्यक्न यो़प्पे सेच्च्ये मीप्प, येज्ये मीप्प धङ् नक्चक् मीप्पे फक् थोबे ढीक्ल बेत्। Faic an caibideil |
१ पत्रुस् 1:4
27 Iomraidhean Croise
हुब घयेक्की ॱसीम्बे ॱमीक् दी भीदु ची़त्न मेन्नक्नी मेङ्गल, शैतान्गी लक्नी को़न्ज्योक् ङो़ल युङ्ज्येल धङ् ङल छ्य स्यक्पे लम्नी दीक्प घयेत् धक्न को़न्ज्योक्की धक्पर् हीम्बल सो़बे मी घयेक्की घुङ्दु हुब घयेत् युङ् छुज्ये यो़प्पल ङे रङ् हुब घयेत् च्याल तोङ्गेन् सीन्न ॱङाज्युङ्।
को़न्ज्योक्की हीन्दुक्रङ्ल ॱनङे छ्यो़त्तुम् जेप्प दी छ्यो़डीम्गी कल चीन युङे लम्नी थोप्को़त्न ॱनी, खोङ्गी छ्यो़त्तुम् जेप्प हुगो मीत् गो़ब, घो ॱमीत् छ्यो़त्ल डोगेन् बेत्। ॱनी को़न्ज्योक्की अब्राहाम्ल ॱनङे छ्यो़त्तुम् जेप्प हुगो छ्यो़डीम्गी कल चीये लम्नी मेम्ब, हीन्दुक्रङ्ल ॱनङ बेत्।
हज्यरङ् मीस्सीर् घयेत् दक्पु जेक्केन् को़न्ज्योक्की हज्यरङ् घयेत्ल थर्वे फक् दीम्बरङ् थोप्केन् हीम्बे ढीक्ल धम्बे थु हज्यरङ् हीनी तीङ्ला ॱली़न डोये यङ्गी धी़ थुक्ल बयीनाल ॱनङ्न यो़क्केन् बेत्। ॱनी हीगो को़न्ज्योक्ल तो़त्न, खोङ्ल तो़त्वङ् दी हरुङ् ज्यीक्तु युङ्ज्ये यो़प्पे ढीक्ल बेत्।
को़न्ज्योक्की खीत्रङ् घन्दुक् झ्यीबे रीगोल भो़ब बेक्क, खोङ्गी मी चङ्म घयेत्ल घन्दुक् झ्यीबे तो़प्प च्येम्मे थर्वे फक् स्यक्न यो़प्प बेक्क, हज्यरङ् छ्य स्योक्केन् घयेक्की घुङ्दु ले जेक्केन् खोङ्गी ॱस्यीक् दी घन्दुक्मे छ्यीय यो़प्प बेक्क हुगो खीत्रङ्गी ॱसीम्गी ॱमीक् दी भीन थोङ्ज्ये यो़प्प तोङ् सीन्न ॱसुव तप् तब झ्यीक्को़त्।
ॱनी चो़ल्ल ॱस्योर्न यो़प्पे छ्यीट्टो घयेत्ल अक् खीत्रङ् ॱङीङ् छन दगु झ्यीब बेत्। हुगो छ्युवक् मेम्ब, खीत्रङ्ल नम्ल अक् मीत् सेक्केङ्गी चा छ्यीम्मी़ नोर् च्यीक् यो़प्प खीत्रङ्गी ॱह घोनी, हुनी खीत्रङ्ल हीन यो़प्पे नोर् दी ॱयोङ्गी लुप्न न अक्, च्युगा घन्ड अक् मत् झ्यीब, ॱसीम् गव झ्यीब बेत्।
कगो़त् धम्स्यक् ॱएम्मा हुल ङीनरे मी घयेत् ख्रीष्ट् ढोङ्नी क, हुगी ङीबे लक्नी ॱली़ब बेत्। ॱनी हीगी ढीक्ल को़न्ज्योक्की भो़बे मी घयेत्ल खोङ्गी थर्वे फक् ॱनङे छ्यो़त्तुम् जेप्प दी फुगी ढीक्ल थोप्च्ये यो़प्पल कगो़त् धम्स्यक् ॱसम्ब स्योङ्गेन् ॱअर्की मी दील ख्रीष्ट् झ्युङ्न यो़क्केन् बेत्।
Sanasan