१ पत्रुस् 1:23 - ल्होमी

²³ हज्‍यरङ्‌ल फीच्‍च्‍य ॱसीम् ॱसम्‍ब कीन युङ हीगो फु ॱमीत् तक्‍केङ्‌गी ॱसो़न् तप्‍न कीब मेम्‍ब, फु तक्‍केन्, धी़ ज्‍यी़न्‍दु दो़क्‍केन्, को़न्‍ज्‍योक्‍की ॱसुङ्‌रप् ॱसोम्‍बुनी कीब बेत्।

१ पत्रुस् 1:23 Iomraidhean Croise

मत्‍ती 24:35

तेङ् यी़ धङ् ॱस जम्‍बुलीङ् हीगो ये डोगेन् बेत्। ॱनी ङे ॱस्‍येप्‍पे केच्‍च्‍य घयेत् नम्‍ल अक् मीत् येगेन् बेत्।

लुका 8:11

ॱलीङ्‌दम्‍गी धो़न् दी हीगो बेत्। ॱसो़न् दी को़न्‍ज्‍योक्‍की केच्‍च्‍य बेत्।

युहन्‍ना 1:13

को़न्‍ज्‍योक्‍की भीजल युङ्‌गेन् बेत् सीक्‍केन् हीगो मीच्‍च्‍यी़त् छ्‌येप्‍पे लुस डस्‍सी मेम्‍बेत्। कोलीमीगी लुसे लेमु डस्‍सी इक् मेम्‍बेत्। अबी छ्‌योगो़ ॱलो़लङ्‌गी झ्‍यीबे लेगी इक् मेम्‍बेत्। हीगो को़न्‍ज्‍योक् च्‍यानी झ्‍युङे लेगी युङ्‌गेन् बेत्।

युहन्‍ना 1:3

ॱनी ॱसल यो़प्‍प ॱनम्‍ल यो़प्‍प घयेत् जेङ् को़न्‍ज्‍योक्‍की खोङ् च्‍येन्‍नी छ्‌यादु ची़प्‍प बेत्। खोङ् च्‍येन्‍नी ॱमत् छ्‌याब च्‍यीक्‍तङ् मीप्‍प बेत्।

युहन्‍ना 3:3

ॱनी हुल येशुगी ङे रङ्‌ल गन्‍दीय ॱस्‍येत् योङ्। मी म दीरङ् फीच्‍च्‍य गोनी कीन मेन्‍द, को़न्‍ज्‍योक्‍की ज्‍यागक् ॱमीत् थोङ्‌गेन् बेत्।

युहन्‍ना 3:5

हुनी येशुगी ङे गन्‍दीय ॱस्‍येत् योङ्। मी म दीरङ् छ्‌यु धङ् धम्‍बे थुनी कीन मेन्‍द, को़न्‍ज्‍योक्‍की ज्‍यागक्‍ल स्‍युक् ॱमीत् छुगेन् बेत्।

युहन्‍ना 6:63

मील छी टेत्‍न ॱसोम्‍बुल सोगेन् दी धम्‍बे थु बेत्। हीगी ढीक्‍ल कोलीमी लुस ङो़नी फेन्‍दो घन्‍ड अक् मीत् युङ्‌गेन् बेत्। ङे खीत्‍रङ्‌ल ॱस्‍येप्‍पे केच्‍च्‍य घयेत् हीगो छी टो़क्‍केन् धम्‍बे थुगी तम् बेत्।

रोमी 1:23

नम्‍ल अक् मीत् ढोङ्‌गेङ्‌गी को़न्‍ज्‍योक्‍ल तो़च्‍च्‍ये स्‍यक्‍नी, ॱस्‍यी डोगेङ्‌गी ढङ्, मी, झ्‍यज्‍युङ्‌म, रीगे ॱसीम्‍ज्‍येन् धङ् ॱसल ढी़त्‍न डोगेङ्‌गी ॱसीम्‍ज्‍येन् घयेक्‍की डवुल ॱसम्‍न हुल तो़प्‍प पुगेन् बेत्।

हीब्रु 4:12

को़न्‍ज्‍योक्‍की ॱसुङ्‌रप् ॱसोम्‍बु धङ् ॱस्‍यीक् छ्‌यीम्‍मु यो़क्‍केन् बेत्। हुगो ढी पदङ् ख ॱङी च्‍येम्‍म कङ् धङ् छीमीक्‍ल ते छ्‌यो़क्‍केल्‍ले एक् ॱनोया झ्‍यीनी, हज्‍यरङ्‌गी ॱसीम्, ॱनो़रीक्, ॱनोक्‍सम् धङ् धेत्‍मो़ घयेत् इप्‍स्‍येङ् पीक्‍न तगेन् बेत्।

याकुब् 1:18

खोङ्‌गी छ्‌यादु ची़प्‍प घयेक्‍की छीक्‍नी हज्‍यरङ् खोङ्‌गी फी़त्‍ल युङ्‌ज्‍ये यो़प्‍पल खोङ्‌गी थुल ॱसम्‍न दीम्‍बे केच्‍च्‍ये लम्‍नी हज्‍यरङ् कीदु ची़प्‍प बेत्।

१ पत्रुस् 1:25

चोव ज्‍यीन्‍दक्‍की ॱसुङ्‌रप् दी हुगो डस्‍सी मेम्‍ब, धी़ ज्‍यी़न्‍दु दो़क्‍केन् बेत् सीर यो़क्‍केन् बेत्। (यशैया ४०:६-८) ॱनी हस्‍सो़त् हीगी ॱसुङ्‌रप्‍की केच्‍च्‍य हीगो क खीत्‍रङ्‌ल ॱस्‍येत्‍न यो़क्‍केङ्‌गी केच्‍च्‍य ॱनेम्‍बु हुगो बेत्।

१ पत्रुस् 1:3

हज्‍यरङ्‌गी चोव ज्‍यीन्‍दक् येशु ख्रीष्‍ट्‌की यप् को़न्‍ज्‍योक्‍ल यस्‍सो युङ् युङ युङ्‌ज्‍ये यो़प्‍प स्‍योक्‍च्‍यीत्। घन्‍ड हीन् सीन्‍न खोङ्‌गी थुज्‍यी छ्‌यीम्‍मु जेत्‍न येशु ख्रीष्‍ट् ढोङ्‌नरनी ॱसोम्‍बुल ॱलोङ हीम्‍बे लम्‍नी हज्‍यरङ्‌ल रीगो ॱङो़न्‍ने दी थोबल खोङ्‌गी ॱसीम् ॱसम्‍ब झ्‍युङ्‌दु ची़प्‍प बेत्।

१ युहन्‍ना 3:9

को़न्‍ज्‍योक् च्‍यानी छ्‌येप्‍पे मी ॱसु यो़दङ् हुल को़न्‍ज्‍योक्‍की लेमु डस्‍सीरङ् थो़त्‍न यो़क्‍केन् झ्‍यीनी, हुगी दीक्‍प झ्‍ये झ्‍येब झ्‍यीत् ॱमीत् छुगेन् बेत्। को़न्‍ज्‍योक् च्‍यानी छ्‌येप्‍पे मी घन्‍दुक् झ्‍यीन दीक्‍प झ्‍ये झ्‍येब झ्‍यीत् छुगेन्?

१ युहन्‍ना 5:18

को़न्‍ज्‍योक् च्‍यानी छ्‌येप्‍पे मी ॱसी़ इक् दीक्‍प झ्‍ये झ्‍येब मीत् दो़क्‍केन् हीम्‍ब हज्‍यरङ्‌ल ॱस्‍यो़च्‍च्‍ये यो़क्‍केन् बेत्। को़न्‍ज्‍योक् च्‍यानी छ्‌येप्‍प घयेत्‍ल खोङ्‌गी छ्‌योप्‍केन् झ्‍यीनी, हुगी दी़त्‍ङेन् हुगी हुल च्‍यो़न् घन्‍ड अक् तोङ् ॱमीत् छुगेन् बेत्।