१ पत्रुस् 1:21 - ल्होमी21 ख्रीष्ट् ढोङ्नरनी ॱसोम्बुल ॱलोङ्न ख्रीष्ट्ल तो़त्वङ् ॱनङ्गेङ्गी को़न्ज्योक्ल खीत्रङ् ख्रीष्ट्की लम्नी ॱलो खीन यो़क्केन् बेत्। हीन्दुक् झ्यीन को़न्ज्योक्ल खीत्रङ्गी ॱलो केन रीगो झ्यीक्केन् बेत्। Faic an caibideil |
१ पत्रुस् 1:21
34 Iomraidhean Croise
हुगो हीन्न ॱनी, खीत्रङ् धङ् इस्राएली घयेत् कुरीक्की हीगो ॱह घोव झ्यीज्यीत्। हीन ढक्नरे मी हीगो नासरत्की येशु ख्रीष्ट्की छेन्नी ढक्तु ची़प्प बेत्। ॱनी खोङ् खीत्रङ्गी कुरुस्ल तान ॱसेत्न आक्, यङ् को़न्ज्योक्की खोङ् ॱसोम्बुल ॱलोङ बेत्। ॱनी खोङ्गी ॱस्यीक्की क हस्सो़त् हीगो ढक्न यो़क्केन् बेत्।
एल्ला ॱमत् तो़म्बे ॱङीङ्बु चा छ्यीम्मी़ केच्च्य हीगो ज्यी़त् ज्यी़त् घयेत्ल तो़न्ज्ये ॱनो़ब को़न्ज्योक्की थुल झ्युङ बेत्। हीगी केच्च्ये ॱङीङ्बु दी ख्रीष्ट् खीत्रङ्गी नङ्ल स्युन यो़क्केन् दी बेत्। हुगो झ्यीनी खीत्रङ्ल आक् इगीगी तो़त्वङ् च्येम्मे ओ़च्च्य झ्यीस्सल ॱलीक्केङ्गी रीगो यो़क्केन् बेत्।
हज्यरङ्गी छ्यो़लुगी धो़न् हीगो तीङ् सप्पोक्म ॱह लेसी यो़प्प कुरीक्की छोर्केन् बेत्। ख्रीष्ट् कोलीमील कीन थो़न्न युङ बेत्। खोङ् धक्पर् हीम्ब धम्बे थुगी तो़म्ब बेत्। खोङ् तेङ् यी़गी भङ्ज्येम्ब घयेक्की इक् थोङ बेत्। ज्यी़त् ज्यी़त् घयेक्की घुङ्दु खोङ्गी ढीक्की केच्च्य घयेत् ॱस्येत्न टम्ब बेत्। जम्बुलीङ्गी मी गज्येङ्गी खोङ्ल छ्य स्यक्प बेत्। हुनी खोङ् तो़त्वङ्गी ओ़च्च्ये ॱसज्य इगीनल ठीक्नर बेत्।
ॱनी हीन्न अक्, म दी यङ् येशुगी ॱवङ्गी होक्ल यो़प्प दी हज्यरङ्गी हुन्दोरङ् थोङ्गीन् यो़क्केन् बेत्। को़न्ज्योक्की थुज्यीगी ढो़ल यो़प्पल मीरङ् रीदङ् रीगी धो़ल्ल खोङ् ढोङ् ढोङ् थुक्ल खोङ्ल दुक्स्यी गुर्च्ये यो़प्पल को़न्ज्योक्की तेङ् यी़गी भङ्ज्येम्ब घयेत्ले ॱरीप्चो़त् च्यीक् खोङ् च्युङाल स्यक्न युङ बेत्। हुनी यङ् खोङ्ल तो़प्प तो़त्न तो़त्वङ्गी ओ़च्च्य झ्युङ बेत्।
हुगो झ्यीनी ख्रीष्ट्की ढीक्की केच्च्य गोम क क आमे ॱलोप्सदङ् छ्येत्मीत् फीच्च्य यङ् ॱसप्तेन् तीङ्गेङ्गी लेमु डस्सी मत् झ्यीदोङ्। ॱस्यीस्सल च्यो़गेङ्गी ले घयेत् ॱलो़ तङ्न ॱसीम् ज्युर् गोगेन्, को़न्ज्योक्ल छ्य स्योक् गोगेन्, ठी़ ज्यक्केन् बप्तीस्की लेमु घयेक्की ढीक्की ॱलोप्स, लक्पे ॱवङ् को़बे ढीक्की ॱलोप्स, ॱस्यीनी यङ् ॱसोम्बुल लोङ्गेङ्गी ॱलोप्स धङ् फुगी ढीक्ल छ्येप्प फोक्केन् हीम्बे ॱलोप्स हुन्दुक् झ्यीब हुगो कुरीक् क क आमे ॱलोप्स डस्सीरङ् बेत्। उजो़त् च्यीक्की ॱमीत् छ्येप्प, धो़न् कुरीक् ॱस्यीन फी़न्सुम् छङ युङ झ्यीत् गोगेन् बेत्।
ख्रीष्ट्की थु हुबे ॱसीम्ल स्युन, हुबल च्यप्को़ल्ल को़बे ख्रीष्ट् तीङ्ला झ्यो़न्न, दुक्स्यी ॱनजो नोङ्नी, हुनी खोङ्ल इगीनी मक्की ओ़च्च्ये तो़प्प छ्यीम्मु युङ्गेन् बेत् सीन्न तो़म्ब बेत्। ॱनी हुगो नम्गी धी़ल युङ्गेन्, घन्दुक् झ्यीबे धी़ल युङ्गेन् हीम्ब हीगो हुबे ॱह घोज्ये ॱनो़ब झ्यीब बेत्।
हज्यरङ्गी चोव ज्यीन्दक् येशु ख्रीष्ट्की यप् को़न्ज्योक्ल यस्सो युङ् युङ युङ्ज्ये यो़प्प स्योक्च्यीत्। घन्ड हीन् सीन्न खोङ्गी थुज्यी छ्यीम्मु जेत्न येशु ख्रीष्ट् ढोङ्नरनी ॱसोम्बुल ॱलोङ हीम्बे लम्नी हज्यरङ्ल रीगो ॱङो़न्ने दी थोबल खोङ्गी ॱसीम् ॱसम्ब झ्युङ्दु ची़प्प बेत्।
Sanasan