१ पत्रुस् 1:17 - ल्होमी17 मी रीदङ् रीगी मीजील घङ् झ्यीबल पीब दम्ङीत् मीप्प ठीम् च्यो़क्केङ्गी को़न्ज्योक्ल खीत्रङ्गी ॱवे पब सीन्न सीर् छुगेन् बेत्। हुगो झ्यीनी खीत्रङ् हुन्दो हीदु छ्योबादङ् छ्येत्मीत् झ्यीन दो़स्स्यीङ् भोर्ल खीत्रङ् को़न्ज्योक्ल ज्यीब खुर्न दो़च्च्यीत्। Faic an caibideil |
१ पत्रुस् 1:17
33 Iomraidhean Croise
को़न्ज्योक्की थुल डीक्पे ॱसीम्दुक् झ्युङ हुगी खीत्रङ्ल घन्दुक् झ्यीबे डेबु छ्याब बेक्क हुल तो़। घन्दुक्मे धेप्प छ्यीयल झ्युङ बेक्क। हुगी ङीब हुल खीत्रङ्गी मेङ्गी मेन् सीक्केल्ल झ्युङ बेत्। हुगी ङीबे ढीक्ल खीत्रङ् ॱयोङ्म घयेत् घन्दुक्मे खोङ्डोक् झ्युङ बेक्क। घन्दुक्मे ज्यीब झ्यीक्को़प्प। ङल घन्दुक्मे ढेम्ब झ्यीगो़प्प। ङ ङो़ल हुन्दुक्मे छ्योरीगी ज्यीक्प झ्युङ्न, हुल म दीरङ् छ्येप्प को़ज्ये ॱनो़ब झ्यीक्केन् बेत्। हुन्दुक् झ्यीन हुगी ढीक्ल खीत्रङ् घन्डल अक् धक्पर् झ्यीन नक्चक् मीप्पल थो़न्दुक्।
ॱनी यङ् खीत्रङ् ज्यीन्दक् घयेक्की इक् ॱसोस्सोरङ्गी ॱयोक्पुल हुगो डस्सीगी ॱसीम् दीरङ् खुर्न झ्यीज्यीत्। खीत्रङ्गी ॱयोक्पु हुब खीत्रङ्गी खल मत् नेन्न, हुबल ज्यीक्टक् लङ्गेङ्गी केच्च्य मत् लप्च्यीत्। घन्ड हीन् सीन्न खीत्रङ् ॱङीक्कर्ल तेङ् यी़न दम्ङीत् मीत् झ्यीक्केङ्गी चोव ज्यीन्दक् यो़क्केन् बेत् ॱनो़ब ॱसम्ज्यीत्।
ॱनी हज्यरङ् योक् योक् ठी़त् ठी़त् मीत् झ्यीक्केङ्गी ज्यागक्की मीस्सीर्ल झ्युङ्नी, को़न्ज्योक्ल हज्यरङ्गी थु छ्यी पुदोङ्ज्यीत्। हज्यरङ्गी को़न्ज्योक् मीरेक् छ्यीम्मु बरदङ् छ्येत्मीत् यो़क्केन् बेत्। हुगो झ्यीनी खोङ्ल ज्यीब खुर्न तो़त्न खोङ् थु गुवे धेप्प झ्यीदोङ्ज्यीत्।
Sanasan