१ युहन्ना 5:6 - ल्होमी6 येशु ख्रीष्ट् छ्यु धङ् ठक्की लम्नी झ्यीन युङ बेत्। छ्यु छ्युवक्की लम्नी मेम्ब, छ्यु धङ् ठक् ॱङीक्कर्की लम्नी झ्यीन युङ बेत्। ॱनी हीगो खुङ् हीम्बल धम्बे थुगी पङ्बु जेक्केन् बेत्। धम्बे थु दीम्ब बेत्। Faic an caibideil |
१ युहन्ना 5:6
39 Iomraidhean Croise
कोलीमी घयेक्की ङीबे ॱएङ्गी दीक्प घयेक्की ढीक्ल को़न्ज्योक्की छ्येप्प ॱमत् केब, हजो़त् थुक् सो़प्प खुर्न हुबे येशुल छ्य स्यक्न खोङ्गी ठक्की डीक्च्या युङ्ज्ये यो़प्पल को़न्ज्योक्की खोङ् दीक्पे ॱस्याबल ॱरोक्ल जङ्न युङ बेत्। हीन्दुक् झ्यीन को़न्ज्योक्की ठीम् ढङ्बु तेब दी तो़न्न युङ बेत्।
हज्यरङ्गी छ्यो़लुगी धो़न् हीगो तीङ् सप्पोक्म ॱह लेसी यो़प्प कुरीक्की छोर्केन् बेत्। ख्रीष्ट् कोलीमील कीन थो़न्न युङ बेत्। खोङ् धक्पर् हीम्ब धम्बे थुगी तो़म्ब बेत्। खोङ् तेङ् यी़गी भङ्ज्येम्ब घयेक्की इक् थोङ बेत्। ज्यी़त् ज्यी़त् घयेक्की घुङ्दु खोङ्गी ढीक्की केच्च्य घयेत् ॱस्येत्न टम्ब बेत्। जम्बुलीङ्गी मी गज्येङ्गी खोङ्ल छ्य स्यक्प बेत्। हुनी खोङ् तो़त्वङ्गी ओ़च्च्ये ॱसज्य इगीनल ठीक्नर बेत्।
ॱनी हीले ज्यीक्पा हज्यरङ् ॱस्यीस्सल च्यो़गेङ्गी हज्यरङ्गी मत् ओ़बे ले झ्यीबे ॱनोङ् घयेत् दी ख्रीष्ट्की ठक्की टी़न धक्तु ची़क्केन् बेत्। हुनी क हस्सो़त् ॱसोम्बु हीम्बे को़न्ज्योक्ल हज्यरङ्गी धेप्प झ्यीत् छुगेन् बेत्। ॱनी हीगो धी़ ज्यी़न्दु स्युगेन् धम्बे थुगी रोरम् जेत्न, नक्चक् मीप्प ख्रीष्ट्की खोङ् रोरङ्गी ॱरोक् को़न्ज्योक्ल पुबे लम्नी झ्युङ बेत्।
ॱनी हीगी छ्यी़ लम्नी थर हीगो हज्यरङ् बप्तीस्ल स्युबे लम्नी थरदङ् छ्येत्मीत् बेत्। हीगी बप्तीस्की लेमु हीगो सी़बी़ ढीनक् टी़न धक्च्येल मेम्ब, ॱनोङ् मीप्पे ॱसीम् सङ्बु खुर् छुज्ये यो़प्प तोङ् सीन्न को़न्ज्योक्ल स्युव पुज्येगी ढीक्ल बेत्। ॱनी छी थर्व हीगो खुङ् दी येशु ख्रीष्ट् ॱसोम्बुल लोङे लम्नी युङ बेत्।
हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्।
Sanasan