14 को़न्ज्योक्की थुल डीक्पे स्युदेन् हज्यरङ्गी ज्यप्न ॱनी, घन्ड स्यी़न अक्, हुगो खोङ्गी ॱसेङ्गो़त् ॱनो़बे देङ्जो़त् हज्यरङ्ल युङ्गेन् बेत्।
ॱनी खीत्रङ्गी गन्दीक्म छ्य स्यक्न ॱसुव तप्न ॱनी, हुनी घङ् स्यी़ब दी थोप्केन् बेत् झ्यीब बेत्।
ङे तम्ल नीज्यरङ्गी छीगङ् ॱसेङ्गेन् बेत् ॱनो़ब ङल ॱस्यो़च्च्ये यो़त्। ॱनी नीज्यरङ्गी ङ तङ हीम्बल हीगी मी हीबे छ्य स्योक् छुज्ये यो़प्पल ङे हीगो सीक्को़त् सीन्न झ्यीब बेत्।
हुनी ङे मीङ्नी यप्ल खीत्रङ्गी घन्ड लीन्न अक्, हुगो ॱरेबी़ लम्नी यप्ल तो़प्प छ्यीम्मु युङ्ज्येल खीत्रङ्ल ङे डुप्तु ची़त् योङ्।
खीत्रङ् ङदङ् मत् ढेब देत्न धङ् ङे केच्च्य घयेत् खीत्रङ्गी ॱसीम्ल स्यक्न यो़त्न ॱनी, खीत्रङ्गी घन्ड लीन्न अक्, हुगो युङ्गेन् बेत्।
हुन्दो थुक्ल खीत्रङ्गी ङे मीङ्नी घन्ड अक् मत् लीम्ब बेत्। ॱनी ह खीत्रङ् लीन् लीम्ब झ्यी। हुनी खीत्रङ्ल थोप्न गेस छ्यीम्मु युङ्गेन् बेत्।
दीक्च्येङ्गी केच्च्यल को़न्ज्योक्की ॱमीत् ॱसेङ्गेन् बेत्। ॱनी को़न्ज्योक्ल ॱसीम्बे यीक्नी ॱसम्गेन् खोङ्गी थुल यो़प्पे ले झ्यीक्केन् दीगी केच्च्यलरङ् खोङ्गी ॱसेङ्गेन् बेत् सीर हज्यरङ्ल ॱस्यो़च्च्ये यो़क्केन् बेत्।
हज्यरङ्गी ख्रीष्ट्ल छ्य स्यक्न, खोङ्दङ् मत् ढेबे लम्नी को़न्ज्योक्ल ॱलो खीन ज्यीक्टक् मीप्प, हज्यरङ् खोङ्गी ढुङ्दु डो छुगेल्ल युङ्गेन् बेत्।
खीत्रङ्ल ॱल छ्यीम्मु थोप्को़त् ॱनो़न ॱअयु छ्यक्प मीप्प, ॱआर् झ्यीन दो़च्च्यीत्।
गोम ॱलो खीन युङ डस्सी हज्यरङ् मीजी भोरी ख्रीष्ट्ल ॱलो केन थीरी देत्न ॱनी, हज्यरङ् खोङ्दङ् दल कङ्ज्यीक्प यो़प्पल डोगेन् बेत्।
ॱनी ख्रीष्ट् को़न्ज्योक्की ढोङ्बदु ॱवङ् च्येम्मे ॱरेबु बेत्। खोङ् घन्डल अक् तेम्बर् यो़क्केन् बेत्। ॱनी हज्यरङ्गी ॱआर् झ्यीन ङोम्रीन् छ्योक्पे रीगोल स्युक् थम थुक्ल थीरी देत्न ॱनी, हज्यरङ् को़न्ज्योक्की ढोङ्बे मीजङ् हीम्बल डोगेन् बेत्।
ॱनी स्यी़न अक्, ॱमीत् थोप्च्ये दी खीत्रङ्गी स्युदेन् ज्यक्लु दी ङीगेन् बेत्। घन्ड हीन् सीन्न धेत्मो़ल ॱस्योरे युङ्ज्यी़गी खोज्येत् घयेत् खीत्रङ्गी लीङ्गेन् बेत्।
हुगो झ्यीनी खीत्रङ् नङ्दु रङ् रङ् ॱसोस्सो़ दीक्प च्यीक्तङ् च्यीक्ल तो़न्न ॱस्यो़त्ल हुनी छ्य झ्यीन च्यीक्तङ् च्यीक्की ढीक्ल ॱसुव तोप्। हुनी खीत्रङ् ढक्केन् बेत्। को़न्ज्योक्की मी ढङ्बी़ ॱसुव तबल धो़न् छ्यीम्मी़ ले डुप्केन् बेत्।
भीजसो, खोङ् फीच्च्य इगीनी मल्ल झ्यो़म्बे यङ्ल खीत्रङ् खे ॱमीत् छ्यङ ज्यीब मीप्प, थो़न् छुज्ये यो़प्पल हुन्दोनीरङ् खोङ्दङ् मत् ढेब थीरी दो़च्च्यीत्।