१ युहन्‍ना 4:20 - ल्होमी

²⁰ मी ॱसी़ ख दीगी ङे ॱसीम्‍नी को़न्‍ज्‍योक्‍ल झ्‍यम्‍ब यो़त् सीगुक्‍क ॱनी हुगी यङ् नङ्‌गी पी़न्‍ज्‍याल ड झ्‍यीक्‍को़त्‍न ॱनी, हुगो ॱएजङल डोगेन् बेत्। ॱमीक्‍की थोङ्‌गेन् पी़न्‍ज्‍या नङ्‌गी मील त हुगी झ्‍यम्‍ब मीत् झ्‍यीप्‍पे, ॱमीक्‍की ॱमत् थोङे को़न्‍ज्‍योक्‍ल ॱसुम्‍ब हुगी घन्‍दुक् झ्‍यीन झ्‍यम्‍ब युङ् छुगेन्?

१ युहन्‍ना 4:20 Iomraidhean Croise

युहन्‍ना 13:35

हीनी हस्‍सो़त् खीत्‍रङ् नङ्‌दु झ्‍यम्‍ब झ्‍यीत्‍री चीय दीगी मी ॱयोङ्‌मा घयेक्‍की खीत्‍रङ् ङे ॱलोप्‍टुक् हीम्‍ब ॱह घो छुगेन् बेत् झ्‍यीब बेत्।

१ पत्रुस् 1:8

खीत्‍रङ्‌गी ख्रीष्‍ट् ॱमीत् थोङ्‌गो़त्‍न आक्, खीत्‍रङ्‌गी ॱसीम्‍न खोङ्‌ल झ्‍यम्‍ब यो़क्‍केन् बेत्। ॱनी हुन्‍दो ॱमीत् थोङ्‌गो़त्‍न आक्, खीत्‍रङ्‌गी खोङ्‌ल ॱलो केन दो़क्‍केन् बेत्। हुगो झ्‍यीनी खीत्‍रङ्‌गी ॱसीम्‍ल छीक्‍टल ज्‍युर्न ॱस्‍यो़त् दीरङ् ॱमीत् ॱस्‍यीगेङ्‌गी गेस छ्‌यीम्‍मु युङ्‌गेन् बेत्।

१ युहन्‍ना 1:6

हज्‍यरङ्‌गी ख दीगी ङीत् खोङ्‌दङ् कङ्‌ज्‍यीक्‍पल डोगो़त् सीक्‍केन्। ॱनी म दी रोरङ्‌गी छ्‌यलु दी मेन्‍नक्‍की लम्‍ल डोगो़त्‍न ॱनी, हुगो मीत् धक्‍प, ॱएलमल डोगेन् बेत्।

१ युहन्‍ना 1:8

हज्‍यरङ् ॱसी़ ङल दीक्‍प घन्‍ड अक् मीत् सीगुक्‍क हुगी रोरङ्‌गी रोरङ्‌ल गो़गोर् तोङ्‌गेन् बेत्। हुगी ॱसीम्‍ल दीम्‍बे केच्‍च्‍य मीत् युङ्‌गेन् बेत्।

१ युहन्‍ना 2:11

ॱनी यङ् ॱसी़ पी़न्‍ज्‍या नङ्‌दु ड झ्‍यीगुक्‍क हुगो मेन्‍नक्‍ल गीर्केङ्‌गी मी बेत्। हुगो मेन्‍नक्‍ल यो़क्‍केन् झ्‍यीनी, लम् ॱमीत् ॱङीब, घल हीन्‍न हीन् डोगेन् बेत्।

१ युहन्‍ना 2:4

ॱनी यङ् ॱसी़ रोरङ्‌गी ख दीगी खोङ् ङु ॱस्‍यीगो़त् सीक्‍केन्, ॱनी म दी खोङ्‌गी क धङ् धम्‍ल यङ् हुगी ॱमीत् चीगो़त्‍न, हुगो ॱएजङ हुगी ॱसीम्‍ल दीम्‍बे केच्‍च्‍य मीप्‍प युङ्‌गेन् बेत्।

१ युहन्‍ना 2:9

ॱनी मी ॱसी़ ङ मेङ्‌गल यो़त् सीगुक्‍क हुगी यङ् रोरङ्‌गी पी़न्‍ज्‍याल ड झ्‍यीक्‍को़त्‍न, हुगो मेङ्‌गल मेम्‍ब, मेन्‍नक्‍ल यो़क्‍केङ्‌गी मी बेत्।

१ युहन्‍ना 3:17

नोर् यो़प्‍प च्‍येम्‍मे मी रोरङ्‌गी नङ्‌गी पी़न्‍ज्‍याल गो़बे खोज्‍येत् यो़प्‍प थोङ्‌न आक्, हुल हुगी ॱङीङ्‌ज्‍यी मीत् झ्‍यीक्‍को़त्‍न ॱनी, को़न्‍ज्‍योक्‍ल ॱसुम्‍ब हुगी घन्‍दुक् झ्‍यीन झ्‍यम्‍ब यो़त् सीर् छुगेन्?

१ युहन्‍ना 4:12

ॱनी म दी मी सी़ इक् को़न्‍ज्‍योक् नम्‍ल अक् थोङ् ॱमत् ॱनोङ बेत्। ॱनी हीन्‍न अक्, हज्‍यरङ्‌गी च्‍यीक्‍तङ् च्‍यीक्‍ल झ्‍यम्‍ब दी झ्‍यीन ॱनी, खोङ् हज्‍यरङ्‌दङ् मत् ढेब स्‍युन, हुनी खोङ्‌गी ॱनङे झ्‍यम्‍ब दी इक् हज्‍यरङ्‌ल छङ्‌गेन् बेत्।