१ युहन्‍ना 4:11 - ल्होमी

¹¹ झ्‍यम्‍बे दगुसो, को़न्‍ज्‍योक्‍की हज्‍यरङ्‌ल हीन्‍दुक्‍मे झ्‍यम्‍ब छ्‌यीय जेत्‍नी ॱनी, हुनी हीगी ढीन् खुर्न हज्‍यरङ्‌गी इक् च्‍यीक्‍तङ् च्‍यीक्‍ल झ्‍यम्‍ब झ्‍यीत् गोगेन् बेत्।

१ युहन्‍ना 4:11 Iomraidhean Croise

लुका 10:37

ॱनी हुगी लेन् दील ॱङीङ् छा झ्‍यीक्‍केन् दी ॱनेगुक् झ्‍यीब बेत्। ॱनी हुल येशुगी ज्‍युक्‍ल रङ् अङ् हुगो डस्‍सीरङ् झ्‍यीज्‍यीत् सीन्‍न ॱसुङ बेत्।

युहन्‍ना 13:34

खीत्‍रङ् नङ्‌दु च्‍यीक्‍तङ् च्‍यीक्‍ल झ्‍यम्‍ब झ्‍यीच्‍च्‍येगी ढीक्‍ल क ॱसम्‍ब च्‍यीक् टो़क्‍केन्। हीगो खीत्‍रङ्‌ल ङे झ्‍यम्‍ब झ्‍यीब डस्‍सी खीत्‍रङ् नङ्‌दु उक् च्‍यीक्‍तङ् च्‍यीक्‍ल झ्‍यम्‍ब झ्‍यीज्‍यीत्।

एफीसस् 4:31

ॱनी इबीक्, खोङ्‌डोक्, सीगुक्, ठुक्‍प, ॱमो़म्‍बी़त् धङ् हुन्‍दुक् झ्‍यीबे आक्‍पागी ढङ् घयेत् खीत्‍रङ्‌गी ॱलो़ तोङ्‌ज्‍यीत्।

कलस्‍सी 3:13

खीत्‍रङ् नङ्‌दु सो़प्‍प खुर्न दो़च्‍च्‍यीत्। चोव ज्‍यीन्‍दक्‍की खीत्‍रङ्‌गी ङीब हीन्‍दुक्‍रङ्‌ल धक्‍तु ची़प्‍प डस्‍सी खीत्‍रङ्‌गी इक् च्‍यीक्‍तङ् च्‍यीक्‍की ङीब झ्‍यीब हीन्‍दुक्‍रङ्‌ल धक्‍तु ची़च्‍च्‍यीत्।

१ युहन्‍ना 2:7

झ्‍यम्‍बे दगुसो, खीत्‍रङ्‌ल ङे ढीगेङ्‌गी यीगी हीगो क ॱसम्‍ब मेम्‍बेत्। हीगो खीत्‍रङ्‌गी गोमनीरङ् ॱह घोन यो़क्‍केन्, ॱस्‍यो़च्‍च्‍ये च्‍येम्‍मे केच्‍च्‍य क ॱङीङ्‌ब दीरङ् बेत्।

१ युहन्‍ना 3:11

हज्‍यरङ्‌गी च्‍यीक्‍तङ् च्‍यीक्‍ल झ्‍यम्‍ब झ्‍यीत् गोगेन् बेत्। हीगो खीत्‍रङ्‌गी गोमनीरङ् ॱह घोन यो़प्‍पे केच्‍च्‍ये चव दी बेत्।

१ युहन्‍ना 3:23

खोङ्‌गी ॱनङे क दी हीगो बेत्। खोङ्‌गी ॱरेबु येशु ख्रीष्‍ट्‌की छेन् डेन्‍न खोङ्‌ल छ्‌य स्‍योक् गोगेन् धङ् ख्रीष्‍ट्‌की ॱनङे कल यो़प्‍पल च्‍यीक्‍तङ् च्‍यीक्‍ल झ्‍यम्‍ब झ्‍यीत् गोगेन् बेत्।

१ युहन्‍ना 4:7

झ्‍यम्‍बे दगुसो, झ्‍यम्‍बे ढङ् घयेत् को़न्‍ज्‍योक् च्‍येन्‍नी युङ्‌गेन् बेत्। हुगो झ्‍यीनी हज्‍यरङ्‌गी च्‍यीक्‍तङ् च्‍यीक्‍ल झ्‍यम्‍ब झ्‍यीत् गोगेन् बेत्। झ्‍यम्‍ब झ्‍यीक्‍केन् दी को़न्‍ज्‍योक् च्‍यानी छ्‌येप्‍प खोङ् ङु ॱस्‍यीगेङ्‌गी मी बेत्।

२ युहन्‍ना 1:5

भुमु नीज्‍यरङ्‌ल क ॱसम्‍ब ङ ढीन ॱमीत् तोङ्। गोमनीरङ् नीज्‍यरङ्‌गी ॱह घोवे क दीरङ् पी़न्‍ज्‍या नङ्‌दु झ्‍यम्‍ब झ्‍यीत्‍री चीज्‍यीत् सीन्‍न ॱलोप्‍स ज्‍यक्‍केन् हीनो।