Biblia Todo Logo
Bìoball air-loidhne

- Sanasan -




१ युहन्‍ना 4:10 - ल्होमी

10 ॱनी हीगो हज्‍यरङ्‌गी एल्‍ला को़न्‍ज्‍योक्‍ल झ्‍यम्‍ब झ्‍युङ्‌नी मेम्‍ब, खोङ्‌गी एल्‍ला हज्‍यरङ्‌ल झ्‍यम्‍ब जेत्‍न खोङ्‌गी रोरङ्‌गी ॱरेबु दीरङ् तङ्‌न युङ्‌न हज्‍यरङ्‌गी दीक्‍पे ॱस्‍याबल ॱरोक् दीरङ् च्‍येब बेत्। झ्‍यम्‍ब खुङ् दी हस्‍सो़त् हीगो बेत्।

Faic an caibideil Dèan lethbhreac




१ युहन्‍ना 4:10
20 Iomraidhean Croise  

खीत्‍रङ् नङ्‌दु च्‍यीक्‍तङ् च्‍यीक्‍ल झ्‍यम्‍ब झ्‍यीच्‍च्‍येगी ढीक्‍ल क ॱसम्‍ब च्‍यीक् टो़क्‍केन्। हीगो खीत्‍रङ्‌ल ङे झ्‍यम्‍ब झ्‍यीब डस्‍सी खीत्‍रङ् नङ्‌दु उक् च्‍यीक्‍तङ् च्‍यीक्‍ल झ्‍यम्‍ब झ्‍यीज्‍यीत्।


खीत्‍रङ्‌गी ङ ॱयेङ्‌न युङ मेम्‍ब, ङे खीत्‍रङ् ॱयेङ्‌न दम्‍बेन्। खीत्‍रङ् च्‍येन्‍नी फु तक्‍पे डलु छ्‌याज्‍ये यो़प्‍पल सीन्‍न ङे खीत्‍रङ् को़न तङेन्। हुनी खीत्‍रङ्‌गी ङे मीङ्‌नी यप्‍ल घन्‍ड लीन्‍न अक्, खोङ्‌गी ॱनङ्‌गेन् बेत्।


जम्‍बुलीङ्‌गी मील को़न्‍ज्‍योक्‍की घन्‍दुक्‍मे झ्‍यम्‍ब छ्‌यीय जेत्‍न खोङ् रोरङ्‌गी ॱरेबु च्‍यीगी च्‍यीक्‍पु दी इक् मत् स्‍यक्‍प, तङ्‌न युङ बेत्। ॱनी ॱरेबुल मी ॱसी़ छ्‌य स्‍योक्‍कुक्‍क हुगो खरप्‍ल मीत् डोव, म दीरङ् हुल फु तक्‍पे छी थोप्‍केन् बेत्।


तेङ् यी़नी मल्‍ल युङे सम ॱसोम्‍बु दी ङ हीन्। ॱनी हीगो ॱसी़ सगो़दङ् हुगो फुगी ॱसोम्‍बु दो़क्‍केन् बेत्। ॱनी हीगी सम दी ङे सी़बु हीगो हीन्। हीगो जम्‍बुलीङ्‌गी मी घयेत् ॱसोम्‍बुल युङ्‌ज्‍ये यो़प्‍पे ढीक्‍ल तीक्‍केन् सीन्‍न ॱसुङ बेत्।


ॱङीङ्‌ज्‍यी च्‍येम्‍म छ्‌यो़प्‍पो़न् चो छ्‌यीस्‍स्‍यो, को़न्‍ज्‍योक्‍की ले तेम्‍बर् झ्‍यीक्‍केन् धङ् खोङ् मीमङ्‌गी ढीक्‍ल दीक्‍पे ॱस्‍याब पु छुज्‍ये यो़प्‍पल खोङ्‌गी पी़न् हज्‍यरङ् डस्‍सीरङ् खोङ् झ्‍यीन झ्‍यो़न् गो़ ॱस्‍यर बेत्।


हज्‍यरङ् दीक्‍प ङो़नी ॱस्‍यीनरदङ् छ्‌येत्‍मीत् ढेन को़न्‍ज्‍योक् ङो़गी ढङ्‌बी़ लम्‍ल डोज्‍ये यो़प्‍पल हज्‍यरङ् घयेक्‍की दीक्‍पे छ्‌येप्‍प दी खोङ् रोरङ्‌गी कुस्‍सी़ल ॱनम्‍न कुरुस्‍ल ढोङ बेत्। खोङ् हुदु ढोङे यङ्‌ल च्‍येप्‍पे ॱम घयेत् दीगी हज्‍यरङ् ॱसो़ब बेत्।


हुगो डस्‍सी ख्रीष्‍ट्‌की इक् दुक्‍स्‍यी गुर्न, हज्‍यरङ् मी घयेक्‍की दीक्‍पे ढीक्‍ल धङ् हज्‍यरङ्‌ल फु काब तोङ्‌ल फेम्‍ब युङे ढीक्‍ल खोङ् लेन् च्‍यीक् ढोङ बेत्। हीगो हज्‍यरङ् को़न्‍ज्‍योक् च्‍याल ठीक् छुज्‍ये यो़प्‍पल खोङ् ढङ्‌बु हीन्‍ज्‍यङ्, हज्‍यरङ् मत् ढङा घयेक्‍की छप्‍पुल ढोङ बेत्। खोङ् ॱस्‍यस्‍सी़ल यो़प्‍पे यङ्‌ल मी घयेक्‍की ॱसेत्‍न आक्, यङ् धम्‍बे थुगी खोङ् ॱसोम्‍बुल ॱलोङ बेत्।


ॱनी खोङ् हज्‍यरङ्‌गी दीक्‍पे ढीक्‍ल ॱस्‍याबल खोङ्‌गी रोरङ्‌गी ॱरोक् दीरङ् च्‍येब बेत्। ॱनी हुगो हज्‍यरङ्‌गी ढीक्‍ल छ्‌युवक् मेम्‍ब, जम्‍बुलीङ्‌गी मी कुरीक्‍की दीक्‍पे ढीक्‍ल अक् बेत्।


तेदे हज्‍यरङ्‌ल को़न्‍ज्‍योक्‍की घन्‍दुक्‍मे झ्‍यम्‍ब छ्‌यीय जेत्‍न हज्‍यरङ् खोङ्‌गी भीज बेत् सीक्‍केल्‍ल सो़न यो़क्‍केन् बेत्। ॱनी हीगो दीम्‍बरङ् हज्‍यरङ् खोङ्‌गी भीज दीरङ् बेत्। हुगो झ्‍यीनी जम्‍बुलीङ्‌गी मी घयेक्‍की खोङ् ङु ॱमीत् ॱस्‍यीबल हुनी हज्‍यरङ् अङ् घन्‍दुक् झ्‍यीब बेक्‍क हुबल ॱस्‍यो़च्‍च्‍ये मीप्‍प बेत्।


को़न्‍ज्‍योक्‍की एल्‍ला हज्‍यरङ्‌ल झ्‍यम्‍ज्‍योङ् जेत्‍न युङ्‌नी क, हज्‍यरङ्‌गी ॱसीम्‍नी इक् खोङ्‌ल झ्‍यम्‍ब झ्‍युङ बेत्।


खोङ्‌गी रोरङ्‌गी ॱरेबी़ लम्‍नी हज्‍यरङ्‌ल फु तक्‍पे छी थोप्‍च्‍ये यो़प्‍पल ॱनङ्‌न यो़क्‍केन् बेत्। ॱनी को़न्‍ज्‍योक्‍की पङ्‌बु जेप्‍पे केच्‍च्‍य हुगो धक्‍केन् बेत्।


Lean sinn:

Sanasan


Sanasan