१ युहन्ना 4:1 - ल्होमी1 झ्यम्बे दगुसो, यो़च्चो़क्की ॱसीम्नी थो़म्बे केच्च्य कुरीक्ल ढीम्बु छ्य मत् स्योक्च्यीत्। हुगो को़न्ज्योक् ङो़गी ॱसीम्नी युङे केच्च्य हीन् धङ् मेन् नम् च्येत्न तो़ज्यीत्। घन्ड हीन् सीन्न जम्बुलीङ्ल कलुङ् जी़म ॱस्यो़क्केन् गज्येन् थो़न्न यो़क्केन् बेत्। Faic an caibideil |
१ युहन्ना 4:1
29 Iomraidhean Croise
ॱनी यङ् मी ॱयोङ्म च्यीक्ल ॱस्यीक् छ्यीम्मी़ ले झ्यीत् छुज्येमे ॱस्यीक् ॱनङ्गेन् बेत्। ॱनी यङ् मी ॱयोङ्म च्यीक्ल कलुङ् ॱस्यो़त् छुबे कबप् ॱनङ्गेन् बेत्। ॱनी यङ् च्यीक्ल धम्बे थुगी ङो़गी हीन् धङ् जी़म ङो़गी हीन् हुगो ॱयुव पीक् छुबे कबप् ॱनङ्गेन् बेत्। ॱनी यङ् च्यीक्ल केच्च्योक् ॱमीत् च्यीक्पल तम् ॱस्यो़त् छुबे कबप् ॱनङ्गेन् बेत्। ॱनी यङ् च्यीक्ल केच्च्योक् ॱमीत् च्यीक्पल लबे तम्गी धो़न् दी ॱलोक्न ॱस्यो़त् छुबे कबप् ॱनङ्गेन् बेत्।
चोव ज्यीन्दक् झ्यो़म्बे ङीन् दी ॱलीत् छर बेत् सीरल खीत्रङ् ॱसीम्दुक् मत् झ्यीज्यीत्। हुगी केच्च्य हुगो धम्बे थुगी तो़न्न ॱस्येप्प हीन्दोक्परङ् यो़त्, यङ् ङीक्की खनी ॱस्येप्प हीन्दोक्परङ् यो़त्, यङ् ङीक्की यीगील ढीन तङ हीन्दोक्परङ् यो़त्न अक्, हुल खीत्रङ् ओ़न् ॱमत् थोम्ज्यीत्।
धङ्बु इस्राएल्की घुङ्दु कलुङ् जी़म ॱस्यो़क्केन् गज्येन् थो़न्न युङ बेत्। ॱनी हीगो डस्सी हुन्दो खीत्रङ्गी घुङ्न अक् चयेलम जी़म गज्येन् थो़न्न यो़क्केन् बेत्। हुबे गोङ्दामुल मीत्तल भुजुक् तोङ्ज्येमे ॱलोप्स जी़म ज्यप्नी, रोरङ्सो ओक् दीक्पनी ॱलुगेङ्गी चोव ज्यीन्दक् हुबे मेम्बल तोङ्गेन् बेत्। ॱनी हुन्दुक् झ्यीन रोरङ्सो ज्योक्पु खरप्ल डोये ले झ्यीक्केन् बेत्।
छ्यो़ छो नङ्दु खीत्रङ्गी कले च्येप्प, धु च्योङ धङ् हुनी ॱयोङ्मा घङ् झ्यीप्प घयेत् कुरीक् ङल ॱस्यो़च्च्ये यो़त्। मी ङेम्ब घयेक्की खल खीत्रङ् मत् नेम्ब हीम्ब ङल ॱस्यो़च्च्ये यो़त्। हुबे ङीत् ठीक्नल हीन् सीन्न सीक्केन् बेत्। ॱनी सीन्न अक्, खीत्रङ्गी हुबल छो़त् तेन जी़म हीम्ब ॱयुव पीक् छुसोङ्।
Sanasan