१ युहन्ना 3:5 - ल्होमी5 ॱनी म दी दीक्प घयेत् खुर्तु ख्रीष्ट् इगीनी मल्ल झ्यो़म्ब हीम्ब खीत्रङ् कुरीक्ल ॱस्यो़च्च्ये यो़क्केन् बेत्। खोङ्ल दीक्पे ज्यी़त् मीप्प बेत्। Faic an caibideil |
१ युहन्ना 3:5
33 Iomraidhean Croise
हज्यरङ्गी छ्यो़लुगी धो़न् हीगो तीङ् सप्पोक्म ॱह लेसी यो़प्प कुरीक्की छोर्केन् बेत्। ख्रीष्ट् कोलीमील कीन थो़न्न युङ बेत्। खोङ् धक्पर् हीम्ब धम्बे थुगी तो़म्ब बेत्। खोङ् तेङ् यी़गी भङ्ज्येम्ब घयेक्की इक् थोङ बेत्। ज्यी़त् ज्यी़त् घयेक्की घुङ्दु खोङ्गी ढीक्की केच्च्य घयेत् ॱस्येत्न टम्ब बेत्। जम्बुलीङ्गी मी गज्येङ्गी खोङ्ल छ्य स्यक्प बेत्। हुनी खोङ् तो़त्वङ्गी ओ़च्च्ये ॱसज्य इगीनल ठीक्नर बेत्।
खोङ्ल को़न्ज्योक्ल यो़प्पे तो़त्वङ्गी ओ़च्च्य दी थोङ्गेन् बेत्। खोङ् को़न्ज्योक् ठोक् यो़क्केन् बेत्। खोङ्गी ॱस्यीक् छ्यीम्मी़ ॱसुङ्स्येक्की ॱस धङ् ॱनम् हीगो जेङ् सुङ्न यो़क्केन् बेत्। दीक्प धक्तु ची़क्केङ्गी ले खोङ्गी जेत् छर्नी, खोङ् हुन्दो इगी थोरी चीदु स्युगेन्, ॱवङ् की़न् च्येम्मे ज्याबी़ ॱये छ्योन स्युन यो़क्केन् बेत्।
घन्ड हीन् सीन्न खीत्रङ्गी पुबु ॱमुमी़ च्यानी युङे धो़म्मीक्की टो घयेत्नी खीत्रङ् को़न्ज्योक्की ॱली़ब बेत्। ॱनी हीगी ॱलुरीन् दील फु ॱमीत् तक्केङ्गी ढङ् ॱसीर् धङ् ॱङु मेम्ब, नक्पी़ जी च्यो़न् मीप्पे लुक्टुक् ख्रीष्ट्की ठक् रीम्बुर् छ्यी दी बेत्। हीगो खीत्रङ्ल ॱस्यो़च्च्ये यो़क्केन् बेत्।
हुगो डस्सी ख्रीष्ट्की इक् दुक्स्यी गुर्न, हज्यरङ् मी घयेक्की दीक्पे ढीक्ल धङ् हज्यरङ्ल फु काब तोङ्ल फेम्ब युङे ढीक्ल खोङ् लेन् च्यीक् ढोङ बेत्। हीगो हज्यरङ् को़न्ज्योक् च्याल ठीक् छुज्ये यो़प्पल खोङ् ढङ्बु हीन्ज्यङ्, हज्यरङ् मत् ढङा घयेक्की छप्पुल ढोङ बेत्। खोङ् ॱस्यस्सी़ल यो़प्पे यङ्ल मी घयेक्की ॱसेत्न आक्, यङ् धम्बे थुगी खोङ् ॱसोम्बुल ॱलोङ बेत्।
Sanasan