१ युहन्‍ना 3:23 - ल्होमी

²³ खोङ्‌गी ॱनङे क दी हीगो बेत्। खोङ्‌गी ॱरेबु येशु ख्रीष्‍ट्‌की छेन् डेन्‍न खोङ्‌ल छ्‌य स्‍योक् गोगेन् धङ् ख्रीष्‍ट्‌की ॱनङे कल यो़प्‍पल च्‍यीक्‍तङ् च्‍यीक्‍ल झ्‍यम्‍ब झ्‍यीत् गोगेन् बेत्।

१ युहन्‍ना 3:23 Iomraidhean Croise

मत्‍ती 22:39

ॱनी हीगी तीङ्‌नी रङ्‌गी लोल यो़क्‍केङ्‌गी मील रङ् डस्‍सीरङ् ॱसम्‍न झ्‍यम्‍ब झ्‍यीज्‍यीत् सीर यो़क्‍केन् बेत्। (लेवी १९:१८)

मर्कुस् 9:7

हुन्‍दुक् सीरे यङ्‌ल ॱमुब च्‍यीक् युङ्‌न, खोङ्‌जोसो तुम् तङ बेत्। ॱनी ॱमुबे नङ् दीनी मल्‍ल हीगो ङे झ्‍यम्‍बे भु हीन्। हीगी झ्‍यीबल खीत्‍रङ् नेन्‍ज्‍यीत् सीरे ॱसुङ्‌गेत् च्‍यीक् युङ बेत्।

युहन्‍ना 1:12

ॱनी मी ॱसु ॱसी़ खोङ्‌ल ॱसम्‍न छ्‌य स्‍यक्‍न युङ्‌दुक्‍क हुब घयेत् को़न्‍ज्‍योक्‍की भीजल युङ्‌ज्‍ये यो़प्‍पे ॱहक् खोङ्‌गी टेप्‍प बेत्।

युहन्‍ना 13:34

खीत्‍रङ् नङ्‌दु च्‍यीक्‍तङ् च्‍यीक्‍ल झ्‍यम्‍ब झ्‍यीच्‍च्‍येगी ढीक्‍ल क ॱसम्‍ब च्‍यीक् टो़क्‍केन्। हीगो खीत्‍रङ्‌ल ङे झ्‍यम्‍ब झ्‍यीब डस्‍सी खीत्‍रङ् नङ्‌दु उक् च्‍यीक्‍तङ् च्‍यीक्‍ल झ्‍यम्‍ब झ्‍यीज्‍यीत्।

युहन्‍ना 14:1

खीत्‍रङ् ॱसीम्‍दुक् मत् झ्‍यीत्। को़न्‍ज्‍योक्‍ल धङ् ङल खीत्‍रङ् ॱलो केन दो़त्।

युहन्‍ना 15:12

ङे क दी हीगो हीन्। ङे खीत्‍रङ्‌ल झ्‍यम्‍ब झ्‍यीब डस्‍सी खीत्‍रङ् नङ्‌दु उक् च्‍यीक्‍तङ् च्‍यीक्‍ल झ्‍यम्‍ब झ्‍यीज्‍यीत्।

युहन्‍ना 17:3

फु तक्‍पे छी दी कोलीमी घयेक्‍की को़न्‍ज्‍योक् दी नीज्‍यरङ् च्‍यीगी च्‍यीक्‍रङ् दुक् ॱनो़न गन्‍दीय ङु ॱस्‍यीब धङ् नीज्‍यरङ्‌गी तङे येशु ख्रीष्‍ट् ङु ॱस्‍यीब हीगो बेत्।

युहन्‍ना 2:23

ॱनी हुगी धी़रीम्‍गी यङ्‌ल यरुशलेम्‍दु येशुगी यीक् छ्‌यीम्‍मी़ लेगी ता गज्‍येन् झ्‍यीन तो़म्‍ब थोङ्‌नी, मी गज्‍येङ्‌गी खोङ्‌ल छ्‌य स्‍यक्‍प बेत्।

युहन्‍ना 3:18

ॱनी मी ॱसी़ खोङ्‌ल छ्‌य स्‍योक्‍कुक्‍क हुल छ्‌येप्‍प ॱस्‍युली ॱमीत् खीगेन् बेत्। ॱनी छ्‌य मीत् स्‍योक्‍केल्‍ल यङ् छ्‌येप्‍प फोक् छर युङ्‌गेन् बेत्। घन्‍ड हीन् सीन्‍न हुगी को़न्‍ज्‍योक्‍की ॱरेबु च्‍यीगी च्‍यीक्‍पुल छ्‌य मत् स्‍यक्‍प बेत्।

युहन्‍ना 6:29

ॱनी येशुगी लेम्‍बुल को़न्‍ज्‍योक् गुवे ले दी खोङ्‌गी तङे ॱरेबुल छ्‌य स्‍योक् गोगेन् बेत् झ्‍यीब बेत्।

ठीक्‍नल 16:31

ॱनी हुब ॱङीबी़ लेम्‍बुल चोव ज्‍यीन्‍दक् येशुल छ्‌य स्‍यक्‍न युङ्‌न, रङ् धङ् रङ्‌गी मीजङ् घयेत्‍ल छी थर्व युङ्‌गेन् बेत्।

एफीसस् 5:2

ख्रीष्‍ट्‌की झ्‍यम्‍ब छ्‌यीम्‍मु जेत्‍न हज्‍यरङ्‌गी धो़न्‍दु खोङ् रोरङ्‌गी ॱरोक् दीरङ् च्‍येब बेत्। ॱनी खोङ्‌गी ॱरोक् दी को़न्‍ज्‍योक् गुवे ढीम स्‍यीम्‍बोक्‍म ॱहीक्‍केङ्‌गी छ्‌यो़प्‍पल झ्‍युङ बेत्। ॱनी खीत्‍रङ्‌गी इक् घन्‍ड झ्‍यीत् गो़ झ्‍युङ्‌न अक्, झ्‍यम्‍बे लम्‍नी झ्‍यीत् गोगेन् बेत्।

१ थीस्‍सलोनीका 4:9

खीत्‍रङ् पी़न्‍ज्‍या नङ्‌दु युङ् गोगेङ्‌गी झ्‍यम्‍बे ढीक्‍ल को़न्‍ज्‍योक्‍कीरङ् खीत्‍रङ्‌ल तो़न्‍न ॱलप्‍तुक्। ङीक्‍की हुगी ढीक्‍ल घन्‍ड अक् ढीन तोङ् गो़दोक्‍प मीन्‍दुक्।

१ तीमोथी 1:15

ख्रीष्‍ट् येशु दीक्‍च्‍येन् घयेत् छी थर्वल तो़न्‍दु जम्‍बुलीङ्‌ल झ्‍यो़म्‍ब हीम्‍बे केच्‍च्‍य हीगो धक्‍तेन् बेत्। हीगो नेम्‍बल ओ़ब यो़क्‍केन् बेत्। ॱनी म दी दीक्‍च्‍येन् घयेक्‍की चो दी ङ हीन्।

१ पत्रुस् 1:22

खीत्‍रङ् पी़न्‍ज्‍या नङ्‌जोदु धक्‍तेङ्‌गी झ्‍यम्‍ब युङे ढीक्‍ल खीत्‍रङ् दीम्‍बे कल चीन युङ्‌नी, खीत्‍रङ्‌गी ॱसीम् दी चङ्‌मल ॱसोङ्‌न यो़क्‍केन् बेत्। हुगो झ्‍यीनी खीत्‍रङ् ॱसीम् चङ्‌म खुर्न च्‍यीक्‍तङ् च्‍यीक्‍ल ॱसीम्‍बे यीक्‍नी झ्‍यम्‍ब झ्‍यीज्‍यीत्।

१ पत्रुस् 4:8

ॱनी गो़स्‍योल खीत्‍रङ् नङ्‌जोदु च्‍यीक्‍तङ् च्‍यीक्‍ल ॱसीम्‍बे यीक्‍नी झ्‍यम्‍ब झ्‍यीत् गोगेन् बेत्। झ्‍यम्‍ब झ्‍युङ्‌न ॱनी, घन्‍दुक्‍मे दीक्‍परङ् यो़त्‍न अक्, हुगो ये डोगेन् बेत्।

१ युहन्‍ना 2:7

झ्‍यम्‍बे दगुसो, खीत्‍रङ्‌ल ङे ढीगेङ्‌गी यीगी हीगो क ॱसम्‍ब मेम्‍बेत्। हीगो खीत्‍रङ्‌गी गोमनीरङ् ॱह घोन यो़क्‍केन्, ॱस्‍यो़च्‍च्‍ये च्‍येम्‍मे केच्‍च्‍य क ॱङीङ्‌ब दीरङ् बेत्।

१ युहन्‍ना 3:11

हज्‍यरङ्‌गी च्‍यीक्‍तङ् च्‍यीक्‍ल झ्‍यम्‍ब झ्‍यीत् गोगेन् बेत्। हीगो खीत्‍रङ्‌गी गोमनीरङ् ॱह घोन यो़प्‍पे केच्‍च्‍ये चव दी बेत्।

१ युहन्‍ना 4:15

मी ॱसी़ येशु को़न्‍ज्‍योक्‍की ॱरेबु दीरङ् बेत् सीन्‍न सीगुक्‍क हुगो को़न्‍ज्‍योक्‍तङ् मत् ढेब दो़क्‍केन् बेत्। ॱनी को़न्‍ज्‍योक् हुगोदङ् मत् ढेब स्‍युगेन् बेत्।

१ युहन्‍ना 4:21

हीगो झ्‍यीनी मी ॱसी़ ॱसीम्‍नी को़न्‍ज्‍योक्‍ल झ्‍यम्‍ब युङ्‌गो़दङ् हुगी पी़न्‍ज्‍या नङ्‌दु उक् झ्‍यम्‍ब झ्‍यीत् गोगेन् बेत् सीरे क खोङ्‌गी ङीत्‍ल ॱनङ्‌न यो़क्‍केन् बेत्।

१ युहन्‍ना 5:13

को़न्‍ज्‍योक्‍की ॱरेबी़ छेन् डेन्‍न खोङ्‌ल छ्‌य स्‍योक्‍केन् खीत्‍रङ् घयेत्‍ल फु तक्‍पे छी दी थोप् छर हीन् ॱनो़ब ॱह घोज्‍येगी ढीक्‍ल ङे हीगो ढीब हीन्।