१ युहन्ना 3:16 - ल्होमी16 येशु ख्रीष्ट्की हज्यरङ्गी ढीक्ल खोङ् रोरङ्गी ॱरोक् दीरङ् च्येब बेत्। हुल तेनी क, दीम्बरङ्गी झ्यम्ब दी घन्दुक् झ्यीब युङ्गेन् बेक्क हुगो हज्यरङ्गी ॱह घो छुगेन् बेत्। ॱनी हीगो डस्सीगी झ्यम्ब दी क हज्यरङ्गी इक् पी़न्ज्या नङ्गी पी़ङ्गी ढीक्ल ॱरोक्रङ् ॱसोङ्न आक्, च्यो़ छुब युङ् गोगेन् बेत्। Faic an caibideil |
१ युहन्ना 3:16
24 Iomraidhean Croise
खीत्रङ्ल ङीक्की च्यीब झ्यम्ब झ्यीक्कीन् थेच्च्युङ्। हुगो झ्यीनी खीत्रङ्ल को़न्ज्योक्की केच्च्य ॱनेम्बु दी ॱसीम् गव झ्यीन ॱस्यो़च्च्ये ॱनो़ब छ्युवक् मेम्ब, ङीक्की ली़सीम् दीरङ् जेङ् खीत्रङ्ल टो़त् गो़ ॱस्यर्न आक्, टो़त् छुबे ॱसीम् झ्युङ्। घन्ड हीन् सीन्न खीत्रङ् ङीक्की झ्यम्बे मील झ्युङ बेत्।
घन्ड हीन् सीन्न खीत्रङ्गी पुबु ॱमुमी़ च्यानी युङे धो़म्मीक्की टो घयेत्नी खीत्रङ् को़न्ज्योक्की ॱली़ब बेत्। ॱनी हीगी ॱलुरीन् दील फु ॱमीत् तक्केङ्गी ढङ् ॱसीर् धङ् ॱङु मेम्ब, नक्पी़ जी च्यो़न् मीप्पे लुक्टुक् ख्रीष्ट्की ठक् रीम्बुर् छ्यी दी बेत्। हीगो खीत्रङ्ल ॱस्यो़च्च्ये यो़क्केन् बेत्।
हुगो डस्सी ख्रीष्ट्की इक् दुक्स्यी गुर्न, हज्यरङ् मी घयेक्की दीक्पे ढीक्ल धङ् हज्यरङ्ल फु काब तोङ्ल फेम्ब युङे ढीक्ल खोङ् लेन् च्यीक् ढोङ बेत्। हीगो हज्यरङ् को़न्ज्योक् च्याल ठीक् छुज्ये यो़प्पल खोङ् ढङ्बु हीन्ज्यङ्, हज्यरङ् मत् ढङा घयेक्की छप्पुल ढोङ बेत्। खोङ् ॱस्यस्सी़ल यो़प्पे यङ्ल मी घयेक्की ॱसेत्न आक्, यङ् धम्बे थुगी खोङ् ॱसोम्बुल ॱलोङ बेत्।
हुनी हुबे ॱलु ॱसम्ब च्यीक् लुक्टुक्ल हीन्दुक् झ्यीन लीन्न पुसोङ्। हुगी यीगी हुगो ॱलङ्न, हुगी थीजी च्योक्पल ओ़ब दी नीज्यरङ् दुक्। घन्ड हीन् सीन्न नीज्यरङ् ॱरोक्ल ढोङ्न, ज्यी़त् ज्यी़त् घयेत् धङ् केच्च्योक् ॱनम्ब कुरीक् हुनी ज्यागक् कुरीक्नी मी घयेत् को़न्ज्योक्की ढीक्ल नीज्यरङ्गी ठक्की रीन् टेत्न ॱली़ब बेत्।
Sanasan