१ युहन्ना 3:10 - ल्होमी10 को़न्ज्योक् गुव ढङ्बु मीत् झ्यीक्केन् धङ् पी़न्ज्या नङ्दु झ्यम्ब मीत् झ्यीक्केन् ॱसु हीन्न अक्, हुगो को़न्ज्योक् ङो़गी मी मेम्बेत्। ॱनी को़न्ज्योक् ङो़गी भीज हीन् धङ् दी़क्की चो ङो़गी भीज हीन् दी हुनी ॱयुव पीक् छुगेन् बेत्। Faic an caibideil |
१ युहन्ना 3:10
26 Iomraidhean Croise
हुगो डस्सी मेम्ब, खीत्रङ्गी ड घयेत्ल झ्यम्ब धङ् गय झ्यीज्यीत्। घन्डे जप्च्ये आ ॱनो़न आक्, कीम्ब तोङ्ज्यीत्। हुनी क हीगी ढीक्ल गलेन् छ्यीम्मु थोप्केन् बेत्। हुनी खीत्रङ् इगी थोरी चीदु स्युगेन् को़न्ज्योक्की भीज ॱङो़न्ने हीम्बल डोगेन् बेत्। घन्ड हीन् सीन्न ढीन् ॱमीत् ॱसम्गेन् धङ् मी ङेम्ब घयेत्ल खोङ्गी गय जेक्केन् बेत्।
खीत्रङ् म दीरङ् दी़क्की चोवे भीज बेत्। ॱनी खीत्रङ्गी पबे धेत्मो़ दी डस्सी खीत्रङ्गी इक् झ्यीच्च्ये ॱनो़ब यो़क्केन् बेत्। हुगो धङ्बुनीरङ् मीस्सेन् यो़क्केन् बेत्। हुल म दीरङ् दीम्बे ज्यी़त् दीरङ् मीप्पल दीम्बदङ् दल दो़त् ॱमीत् छुगेन् बेत्। हुगो ॱएलम घयेक्की पब बेत्। हुगो ॱएलमे छङ् झ्यीनी, ॱएलम हुगी खोक्नी लेगी थो़ङ्गेन् बेत्।
तेदे हज्यरङ्ल को़न्ज्योक्की घन्दुक्मे झ्यम्ब छ्यीय जेत्न हज्यरङ् खोङ्गी भीज बेत् सीक्केल्ल सो़न यो़क्केन् बेत्। ॱनी हीगो दीम्बरङ् हज्यरङ् खोङ्गी भीज दीरङ् बेत्। हुगो झ्यीनी जम्बुलीङ्गी मी घयेक्की खोङ् ङु ॱमीत् ॱस्यीबल हुनी हज्यरङ् अङ् घन्दुक् झ्यीब बेक्क हुबल ॱस्यो़च्च्ये मीप्प बेत्।
झ्यम्बे दगुसो, हज्यरङ् को़न्ज्योक्की भीज दीरङ् बेत्। ॱनी तीङ्ला हज्यरङ् घन्दुक् झ्यीबल ज्युको़र्दङ् हुगो हुन्दो कुरीक् क ॱस्यो़च्च्ये मीप्प बेत्। ॱनी हुन्दो ॱस्यो़च्च्ये यो़प्प दी ख्रीष्ट् इगीनी मल्ल झ्यो़म्बे यङ्ल खोङ् घन्दुक् झ्यीब यो़दङ् हुगो हज्यरङ्गी ॱङो़सल् थोङ्नी, हुगो डस्सीरङ् हज्यरङ् अङ् झ्युङ् डोगेन् बेत्।
हुगो डस्सी मेम्ब, ङीत् घयेत् को़न्ज्योक् ङो़गी हीन्। हुगो झ्यीनी खोङ् ङु ॱस्यीगेङ्गी मी घयेक्की ङीक्की केच्च्यल नेङ्गेन् बेत्। ॱनी को़न्ज्योक् ङो़गी मेम्बे मी घयेक्की ङीक्की केच्च्यल मीत् नेङ्गेन् बेत्। हुन्दुक् झ्यीन दीम्बे थु यो़प्प च्येम्मे ॱसीम् हीन् धङ् ॱयोङ्गोर् ज्यक्केङ्गी ॱसीम् हीन् हुनी ॱयुव पीक् ॱस्यीगेन् बेत्।
Sanasan