१ युहन्‍ना 2:9 - ल्होमी

⁹ ॱनी मी ॱसी़ ङ मेङ्‌गल यो़त् सीगुक्‍क हुगी यङ् रोरङ्‌गी पी़न्‍ज्‍याल ड झ्‍यीक्‍को़त्‍न, हुगो मेङ्‌गल मेम्‍ब, मेन्‍नक्‍ल यो़क्‍केङ्‌गी मी बेत्।

१ युहन्‍ना 2:9 Iomraidhean Croise

युहन्‍ना 9:41

ॱनी येशुगी हुबल खीत्‍रङ् ॱमीत् थोङ्‌गेङ्‌गी मी हीन्‍न, खीत्‍ल घन्‍डे दीक्‍प युङ ॱनी। खीत्‍रङ्‌गी थोङ्‌गो़त् सीक्‍केन् बेत्। हुगो झ्‍यीनी, खीत्‍रङ्‌गी दीक्‍प मीत् धक्‍प युङ्‌गेन् बेत् झ्‍यीब बेत्।

ठीक्‍नल 1:15

ॱनी हुगी धी़ल ङीन् च्‍यीक् छ्‌य स्‍योक्‍केन् मीरङ् ज्‍यदङ् ङीस्‍स्‍युजो़त् च्‍यीक् जोम्‍न यो़प्‍पे यङ्‌ल पत्रुस् हुब घयेक्‍की घुङ्‌नी लोङ्‌न

२ पत्रुस् 1:9

ॱनी हीगो डस्‍सीगी लेमु ॱसुल मीन्‍दुक्‍क हुगो ॱमीक् ॱसेज्‍ये मीप्‍प धङ् स्‍यर्च्‍योक् डस्‍सी रोरङ्‌गी ॱङर्की दीक्‍प को़न्‍ज्‍योक्‍की धक्‍तु ची़प्‍प दी टोक् ज्‍यीप्‍न खुर युङ्‌गेन् बेत्।

१ युहन्‍ना 1:6

हज्‍यरङ्‌गी ख दीगी ङीत् खोङ्‌दङ् कङ्‌ज्‍यीक्‍पल डोगो़त् सीक्‍केन्। ॱनी म दी रोरङ्‌गी छ्‌यलु दी मेन्‍नक्‍की लम्‍ल डोगो़त्‍न ॱनी, हुगो मीत् धक्‍प, ॱएलमल डोगेन् बेत्।

१ युहन्‍ना 2:11

ॱनी यङ् ॱसी़ पी़न्‍ज्‍या नङ्‌दु ड झ्‍यीगुक्‍क हुगो मेन्‍नक्‍ल गीर्केङ्‌गी मी बेत्। हुगो मेन्‍नक्‍ल यो़क्‍केन् झ्‍यीनी, लम् ॱमीत् ॱङीब, घल हीन्‍न हीन् डोगेन् बेत्।

१ युहन्‍ना 2:4

ॱनी यङ् ॱसी़ रोरङ्‌गी ख दीगी खोङ् ङु ॱस्‍यीगो़त् सीक्‍केन्, ॱनी म दी खोङ्‌गी क धङ् धम्‍ल यङ् हुगी ॱमीत् चीगो़त्‍न, हुगो ॱएजङ हुगी ॱसीम्‍ल दीम्‍बे केच्‍च्‍य मीप्‍प युङ्‌गेन् बेत्।

१ युहन्‍ना 3:10

को़न्‍ज्‍योक् गुव ढङ्‌बु मीत् झ्‍यीक्‍केन् धङ् पी़न्‍ज्‍या नङ्‌दु झ्‍यम्‍ब मीत् झ्‍यीक्‍केन् ॱसु हीन्‍न अक्, हुगो को़न्‍ज्‍योक् ङो़गी मी मेम्‍बेत्। ॱनी को़न्‍ज्‍योक् ङो़गी भीज हीन् धङ् दी़क्‍की चो ङो़गी भीज हीन् दी हुनी ॱयुव पीक् छुगेन् बेत्।

१ युहन्‍ना 4:20

मी ॱसी़ ख दीगी ङे ॱसीम्‍नी को़न्‍ज्‍योक्‍ल झ्‍यम्‍ब यो़त् सीगुक्‍क ॱनी हुगी यङ् नङ्‌गी पी़न्‍ज्‍याल ड झ्‍यीक्‍को़त्‍न ॱनी, हुगो ॱएजङल डोगेन् बेत्। ॱमीक्‍की थोङ्‌गेन् पी़न्‍ज्‍या नङ्‌गी मील त हुगी झ्‍यम्‍ब मीत् झ्‍यीप्‍पे, ॱमीक्‍की ॱमत् थोङे को़न्‍ज्‍योक्‍ल ॱसुम्‍ब हुगी घन्‍दुक् झ्‍यीन झ्‍यम्‍ब युङ् छुगेन्?