१ युहन्‍ना 2:2 - ल्होमी

² ॱनी खोङ् हज्‍यरङ्‌गी दीक्‍पे ढीक्‍ल ॱस्‍याबल खोङ्‌गी रोरङ्‌गी ॱरोक् दीरङ् च्‍येब बेत्। ॱनी हुगो हज्‍यरङ्‌गी ढीक्‍ल छ्‌युवक् मेम्‍ब, जम्‍बुलीङ्‌गी मी कुरीक्‍की दीक्‍पे ढीक्‍ल अक् बेत्।

१ युहन्‍ना 2:2 Iomraidhean Croise

लुका 14:22

ॱनी ॱयोक्‍पु दी फीन्‍न यङ् हुनी लोक्‍न युङ्‌नी ज्‍यीन्‍दक् दील नीज्‍यरङ्‌गी ॱङाब दी ह ङे झ्‍यी छरेन्। ॱनी हरुङ्‌द डोम्‍बु गज्‍येन् हीदु ॱस्‍योङेत् सीन्‍न झ्‍यीब बेत्।

युहन्‍ना 1:29

नेम्‍बेत् दी येशु युहन्‍ना रोरङ् च्‍येल्‍ल युङ थोङ्‌नी, युहन्‍नागी मी घयेत्‍ल तो़दे फान युङ्‌गेन् फोगो को़न्‍ज्‍योक्‍की तङे लुक्‍टुक् जम्‍बुलीङ्‌गी मी घयेक्‍की दीक्‍प खुर्तु युङ्‌गेन् दी बेत्।

युहन्‍ना 12:32

ॱनी ङ ॱनम्‍ल तासोङ्‌न ॱनी, हुनी मी घयेत् कुरीक् ङरङ् छ्‌योल थीङ्‌गेन् झ्‍यीब बेत्।

युहन्‍ना 4:42

हुनी हुगी मी दीबे हुगी भुमु दील ह त रङ्‌गी तम् ॱस्‍येप्‍प छ्‌युवक्‍की मेम्‍ब, हुगो कोलीमी घयेक्‍की च्‍यप्‍को़न् खुङ् हीम्‍ब ङीत्‍रङ्‌गीरङ् ॱह घोज्‍युङ् झ्‍यीब बेत्।

हीब्रु 2:17

ॱङीङ्‌ज्‍यी च्‍येम्‍म छ्‌यो़प्‍पो़न् चो छ्‌यीस्‍स्‍यो, को़न्‍ज्‍योक्‍की ले तेम्‍बर् झ्‍यीक्‍केन् धङ् खोङ् मीमङ्‌गी ढीक्‍ल दीक्‍पे ॱस्‍याब पु छुज्‍ये यो़प्‍पल खोङ्‌गी पी़न् हज्‍यरङ् डस्‍सीरङ् खोङ् झ्‍यीन झ्‍यो़न् गो़ ॱस्‍यर बेत्।

१ पत्रुस् 2:24

हज्‍यरङ् दीक्‍प ङो़नी ॱस्‍यीनरदङ् छ्‌येत्‍मीत् ढेन को़न्‍ज्‍योक् ङो़गी ढङ्‌बी़ लम्‍ल डोज्‍ये यो़प्‍पल हज्‍यरङ् घयेक्‍की दीक्‍पे छ्‌येप्‍प दी खोङ् रोरङ्‌गी कुस्‍सी़ल ॱनम्‍न कुरुस्‍ल ढोङ बेत्। खोङ् हुदु ढोङे यङ्‌ल च्‍येप्‍पे ॱम घयेत् दीगी हज्‍यरङ् ॱसो़ब बेत्।

१ पत्रुस् 3:18

हुगो डस्‍सी ख्रीष्‍ट्‌की इक् दुक्‍स्‍यी गुर्न, हज्‍यरङ् मी घयेक्‍की दीक्‍पे ढीक्‍ल धङ् हज्‍यरङ्‌ल फु काब तोङ्‌ल फेम्‍ब युङे ढीक्‍ल खोङ् लेन् च्‍यीक् ढोङ बेत्। हीगो हज्‍यरङ् को़न्‍ज्‍योक् च्‍याल ठीक् छुज्‍ये यो़प्‍पल खोङ् ढङ्‌बु हीन्‍ज्‍यङ्, हज्‍यरङ् मत् ढङा घयेक्‍की छप्‍पुल ढोङ बेत्। खोङ् ॱस्‍यस्‍सी़ल यो़प्‍पे यङ्‌ल मी घयेक्‍की ॱसेत्‍न आक्, यङ् धम्‍बे थुगी खोङ् ॱसोम्‍बुल ॱलोङ बेत्।

१ युहन्‍ना 1:7

को़न्‍ज्‍योक् मेङ्‌ग झ्‍यीनी ॱनी, हज्‍यरङ् अङ् मेङ्‌गल डोगो़त्‍न ॱनी, हज्‍यरङ् च्‍यीक्‍तङ् च्‍यीक् इक् कङ्‌ज्‍यीक्‍प युङ्‌गेन् बेत्। हुनी खोङ्‌गी ॱरेबु येशुगी ठक्‍की हज्‍यरङ्‌गी दीक्‍प घयेत् टी़न धक्‍तु ची़क्‍केन् बेत्।

१ युहन्‍ना 3:5

ॱनी म दी दीक्‍प घयेत् खुर्तु ख्रीष्‍ट् इगीनी मल्‍ल झ्‍यो़म्‍ब हीम्‍ब खीत्‍रङ् कुरीक्‍ल ॱस्‍यो़च्‍च्‍ये यो़क्‍केन् बेत्। खोङ्‌ल दीक्‍पे ज्‍यी़त् मीप्‍प बेत्।

१ युहन्‍ना 4:10

ॱनी हीगो हज्‍यरङ्‌गी एल्‍ला को़न्‍ज्‍योक्‍ल झ्‍यम्‍ब झ्‍युङ्‌नी मेम्‍ब, खोङ्‌गी एल्‍ला हज्‍यरङ्‌ल झ्‍यम्‍ब जेत्‍न खोङ्‌गी रोरङ्‌गी ॱरेबु दीरङ् तङ्‌न युङ्‌न हज्‍यरङ्‌गी दीक्‍पे ॱस्‍याबल ॱरोक् दीरङ् च्‍येब बेत्। झ्‍यम्‍ब खुङ् दी हस्‍सो़त् हीगो बेत्।

१ युहन्‍ना 4:14

यप्‍की खोङ् रोरङ्‌गी ॱरेबु कोलीमी घयेक्‍की च्‍यप्‍को़ल्‍ल तङ्‌न युङ हीम्‍ब ङीक्‍की थोङ्‌ज्‍युङ्। ॱनी हीगी पङ्‌बु दी ङीक्‍की झ्‍यीन ॱस्‍यो़क्‍को़त्।

१ युहन्‍ना 5:19

ॱनी म दी जम्‍बुलीङ् हीगो जेङ् दी़त्‍ङेन् हुगी होक्‍ल ॱस्‍योर्न यो़क्‍केन् बेत्। ॱनी हीन्‍न अक्, हज्‍यरङ् यङ् को़न्‍ज्‍योक् ङो़गी बेत्। हीगो हज्‍यरङ्‌ल ॱस्‍यो़च्‍च्‍ये यो़क्‍केन् बेत्।

ॱसाल्‍केत् 12:9

यी़दो़न् ज्‍यप्‍न जम्‍बुलीङ्‌ल दीत्‍न पुर् तङ्‌सोङ्। ॱनी हुगी डुक् छ्‌यीम्‍मु दीगी मीङ् दील ॱङो़न् धङ्‌बी़ डी़, दी़क्‍की चो, कोलीमी घयेत्‍ल ॱयोङ्‌गोर् ज्‍यक्‍केन् धङ् शैतान् सीन्‍न सीगुक्।