१ युहन्‍ना 2:16 - ल्होमी

¹⁶ जम्‍बुलीङ्‌न यो़क्‍केङ्‌गी ढङ् कोलीमीगी ॱसीम्‍ल युङ्‌गेन् धेत्‍मो़ ङेम्‍ब, ॱमीक्‍ल फोक्‍पे धेच्‍च्‍यो धङ् नोर् यो़प्‍पे तम्‍दो़त् हीन्‍दुक् झ्‍यीबे ढङ् घयेत् यप् च्‍यानी मेम्‍ब, जम्‍बुलीङ्‌नी युङ्‌गेन् बेत्।

१ युहन्‍ना 2:16 Iomraidhean Croise

मत्‍ती 4:8

हुनी दी़क्‍की चो दीगी यङ् येशु लदोक् छ्‌यीया च्‍यीक्‍ल ठीक्‍न जम्‍बुलीङ्‌गी ज्‍यागक् घयेत् धङ् ॱनी हुगी ज्‍यागक् घयेक्‍की नोर् खुङ्‌म घयेत् दी खोङ्‌ल जेङ् तो़म्‍ब बेत्।

मत्‍ती 5:28

ॱनी ङे ॱसुम्‍ब खीत्‍रङ्‌ल हीगो ॱस्‍येत् योङ्। भुमुल मी ॱसी़ छ्‌ये ज्‍युक्‍च्‍ये ॱनो़बे सुर्मीक् तगुक्‍क हुगी ले हुगो ॱसीम् दीगी हुगोदङ् ङी छर हीम्‍बल डोगेन् बेत्।

लुका 4:5

हुनी दी़क्‍की चो दीगी येशु लदोक् च्‍यीक्‍ल ठीक्‍न जम्‍बुलीङ्‌गी ज्‍यागक् घयेत् जेङ् खोङ्‌ल ॱरीप् घङ्‌ल तो़म्‍ब बेत्।

रोमी 13:14

हीन्‍दुक् झ्‍यीन चोव ज्‍यीन्‍दक् येशु ख्रीष्‍ट् खीत्‍रङ्‌गी घो़ल घो़म्‍ब डस्‍सी झ्‍यीज्‍यीत्। कोलीमी ॱसीम्‍नी लङे धेत्‍मो़ ङेम्‍बे लेमु हुगो डुप्‍तु ॱमत् ची़च्‍च्‍यीत्।

१ कोरीन्‍थी 10:6

हुबे मीजील झ्‍युङे लेमु घयेत् हुगो दङ् हरीङ् हज्‍यरङ्‌ल अक् ॱमीदेल डोगेन् बेत्। हुबे झ्‍यीब डस्‍सी हज्‍यरङ् अङ् ॱसीम्‍बे धेच्‍च्‍यो ङेम्‍बे ॱवङ्‌ल तोङ्‌ज्‍ये मीत् युङ्‌गेन् बेत्।

गलाती 5:17

घन्‍ड हीन् सीन्‍न कोलीमीगी रङ्‌ज्‍यी़गी धेत्‍मो़ धङ् धम्‍बे थु मीत् डीक्‍प, हुब च्‍यीक्‍तङ् च्‍यीक्‍की डल लोङ्‌गेन् बेत्। हुब ॱङीबु ॱमीत् छुङ्‌गेन् झ्‍यीनी, खीत्‍रङ्‌गी ॱसीम्‍ल घन्‍ड झ्‍यीच्‍च्‍ये ॱनो़ब यो़दङ् हुगो डुप् ॱमीत् छुगेन् बेत्।

गलाती 5:24

ख्रीष्‍ट् येशु ङो़गी मी घयेक्‍की रोरङ्‌सो़ कोलीमीगी ॱसीम्‍नी लङ्‌गेन् धेत्‍मो़ धेच्‍च्‍यो ङेम्‍बे ढङ् घयेत् दी कुरुस्‍ल तान ॱसेत् छर युङ्‌गेन् बेत्।

एफीसस् 2:3

एल्‍ला हज्‍यरङ् अङ् मी हुबे घुङ्‌दु कोलीमीगी ॱसीम्‍बे धेच्‍च्‍यो ङेम्‍बे ॱवङ्‌ल ॱस्‍योर्न ॱनो़बागी धेत्‍मो़ झ्‍यीक्‍केन् यो़क्‍केन् बेत्। हुगी कप्‍ल हज्‍यरङ् मी ॱयोङ्‌म डस्‍सीरङ् यो़क्‍केन् झ्‍यीनी, हज्‍यरङ्‌ल को़न्‍ज्‍योक्‍की खोङ्‌डोक्‍की छ्‌येप्‍प केन आक्, मत् ओ़ब मीप्‍प बेत्।

तीतस् 2:12

ॱनी हुगी थुज्‍यीगी ॱलोप्‍सनी को़न्‍ज्‍योक् मीत् गुवे ले धङ् जम्‍बुलीङ् ङो़ल यो़प्‍पे धेच्‍च्‍यो ङेम्‍ब घयेत् फङ्‌न, हीगी धी़ हील हज्‍यरङ् ॱसीम्‍बे ॱनो़जो़त्‍ल ॱमत् तङ, खेजो़त् झ्‍यीन दो़त् गोगेन्, ढङ्‌बु धङ् को़न्‍ज्‍योक् गुवे लेमु झ्‍यीत् गोगेन् बेत् सीर हज्‍यरङ्‌गी ॱह घो छुगेन् बेत्।

तीतस् 3:3

एल्‍ला हज्‍यरङ्‌गी मीजील ॱनोक्‍सम् मीप्‍प डस्‍सी खल मीत् नेङ्‌गेन्, गो थोम्‍न यो़क्‍केन्, धेच्‍च्‍यो ङेम्‍बे धेत्‍मो़ यो़च्‍चो़क्‍की ॱयोक्‍ल ॱस्‍योर्न ङेम्‍ब धङ् ठदोक् झ्‍यीक्‍केन्, च्‍यीक्‍तङ् च्‍यीक्‍ल ड झ्‍यीक्‍केन्, हुनी यङ् हज्‍यरङ्‌ल अक् ॱयोङ्‌गी ड झ्‍यीक्‍केन् यो़क्‍केन् बेत्।

याकुब् 3:15

हुन्‍दुक् झ्‍यीबे झ्‍यी़रीक् तेङ् यी़नी मल्‍ल युङ मेम्‍ब, हुगो जम्‍बुलीङ्‌नी, मी ॱसीम्‍बनी धङ् दी़त् ङो़नी युङ बेत्।

याकुब् 4:16

हीगो डस्‍सी मीत् झ्‍यीप्‍प, खीत्‍रङ्‌गी म दीरङ् तम्‍दो़त् ॱस्‍येत्‍न ज्‍यीम्‍सी हीन् सीक्‍केन् बेत्। हुन्‍दुक् झ्‍यीबे तम्‍दो़त् कुरीक् क गज्‍ये मेम्‍बेत्।

१ पत्रुस् 1:14

खीत्‍रङ्‌ल एल्‍ला ॱस्‍यो़च्‍च्‍ये मीप्‍पे यङ्‌गी मीजीगी छ्‌यलु डस्‍सी धेत्‍मो़ ङेम्‍बे ॱसीम्‍बे ॱवङ्‌ल ॱमत् तोङ, को़न्‍ज्‍योक्‍की कल चीगेङ्‌गी भीज हीम्‍ब डस्‍सी झ्‍यीज्‍यीत्।

१ पत्रुस् 2:11

झ्‍यम्‍बे दगुसो, खीत्‍रङ्‌ल ङे ॱलोप्‍स हीगो यो़दो। जम्‍बुलीङ्‌दु खीत्‍रङ् हुन्‍दो छ्‌योबादङ् छ्‌येत्‍मीत् यो़प्‍पे कप्‍ल खीत्‍रङ्‌गी ॱसीम्‍बे डल युङ्‌गेन् कोलीमी ङो़गी धेत्‍मो़ ङेम्‍बे ढङ्‌नी खीत्‍रङ् थप्‍न भीन दो़च्‍च्‍यीत्।

२ पत्रुस् 2:10

कोलीमीगी धेत्‍मो़ ङेम्‍ब स्‍यीलोक्‍सीगी लेमुल ॱस्‍योर्न ॱवङ् च्‍येम्‍म घयेत्‍ल छ्‌यगेन् हुबल ओ़स्‍यो दी हीगो यो़क्‍केन् बेत्। हुगी चयेलम जी़म हुब ॱहम्‍जा छ्‌यीस्‍सी झ्‍यीनी, इगीगी ओ़च्‍च्‍य च्‍येम्‍म घयेत्‍ल ॱमो़म्‍बी़त् तोङल आक् ज्‍यीब मीत् झ्‍यीक्‍केन् बेत्।

२ पत्रुस् 2:18

हुब तम्‍दो़त् ॱस्‍येत्‍न धो़म्‍मीक्‍की तम् लप्‍केन् कोलीमीगी ॱसीम्‍बे धेच्‍च्‍यो ङेम्‍बल ॱस्‍योर्नरे मी बेत्। ॱनी ॱएङ्‌गी छ्‌यलु ङीबे लम्‍नी थर्च्‍येम ॱयेङ्‌गेन् घयेत् छ्‌येल ॱनक्‍सी झ्‍यीक्‍केल्‍ल हुबे च्‍युगेन् बेत्।