१ युहन्‍ना 2:10 - ल्होमी

¹⁰ ॱनी मी ॱसी़ पी़न्‍ज्‍या नङ्‌गी पी़ल्‍ल झ्‍यम्‍ब झ्‍यीगुक्‍क हुगो मेङ्‌गल यो़प्‍पे मी दी बेत्। हुल दुगेन् घन्‍ड अक् मीत् युङ्‌गेन् बेत्।

१ युहन्‍ना 2:10 Iomraidhean Croise

मत्‍ती 13:21

ॱनी हुगी चव ढादक् दी डम्‍ज्‍ये मीप्‍पल हुगो धोबा च्‍यीक्‍नी हीगी केच्‍च्‍ये ढीक्‍ल दुक्‍प अयेक्‍प धङ् दुक्‍स्‍यी नोङ्‌नी ॱनी, हुगो ॱस्‍यरी ॱएङ्‌गी लम् दीलरङ् लोक् डोगेन् बेत्।

मत्‍ती 18:7

जम्‍बुलीङ् हीगो घन्‍डे दुक्‍प। हीन ङे लम्‍नी दीक्‍पल च्‍युगेङ्‌गी ढङ् घयेत् यो़क्‍केन् बेत्। हुगो युङ त युङ् गोगेन् बेत्। ॱनी हुगो मी हीन्‍न, घन्‍डे दुक्‍प।

युहन्‍ना 11:9

ॱनी येशुगी लेल्‍ल ङीन् च्‍यीक्‍ल छ्‌युजो़त् च्‍युन्‍नी युङ्‌गेन् बेगङ् ॱनी? ङीम्‍मु गीर्केल्‍ल ङीमे मेङ्‌ग यो़क्‍केन् झ्‍यीनी, ॱनत्‍त मीत् दुगेन् बेत्।

युहन्‍ना 12:35

ॱनी येशुगी हुबल ह ॱरीप्‍चो़त् च्‍यीक् थुक्‍रङ् मेङ्‌ग खीत्‍रङ्‌दङ् दल दो़क्‍केन् बेत्। मेङ्‌ग यो़स्‍स्‍यीङ् भोर्ल खीत्‍रङ् मेङ्‌गे लम्‍ल डो गोगेन् बेत्। स्‍येन् नम् ॱरो़न मेन्‍नक्‍ल लेगेन् बेत्। हुनी मेन्‍नक्‍ल लम् ॱमीत् ॱङीब, घल हीन्‍न हीन् डोगेन् बेत्।

युहन्‍ना 8:31

हुनी येशुगी रोरङ्‌ल छ्‌य स्‍यक्‍न यो़क्‍केन् यहुदी छ्‌यीया घयेत् दील ङे केच्‍च्‍य ॱस्‍येप्‍पल खीत्‍रङ् थीरीय देत्‍न ॱनी, खीत्‍रङ् ङे ॱलोप्‍टुक् खुङ् हीम्‍बल युङ्‌गेन् बेत्।

रोमी 14:13

हीगो झ्‍यीनी ह हीनी झ्‍यीब दी हज्‍यरङ्‌गी च्‍यीक्‍तङ् च्‍यीक्‍ल ङीब ॱमत् कप्‍तोङ्‌ज्‍यीत्। पी़न्‍ज्‍या नङ्‌दु च्‍यीक्‍तङ् च्‍यीक्‍ल भर्च्‍येत् तङ्‌न दीक्‍प ङो़ल छ्‌यी़दु ॱमीत् ची़त् ॱनो़बे लेमु झ्‍यीज्‍यीत्।

फीलीप्‍पी 1:10

हुगो डुप्‍न, हस्‍सो़त् खीत्‍रङ्‌गी गस्‍स्‍यो दी घङ्‌गो बेक्‍क हुगो ॱयुव पीक् छुगेन् बेत्। हुनी क ख्रीष्‍ट् झ्‍यो़म्‍बे ङीन् थुक्‍ल खीत्‍रङ् ॱसीम् चङ्‌म नक्‍चक् मीप्‍प दो़त् छुगेन् बेत्।

२ पत्रुस् 1:10

हुगो झ्‍यीनी पी़न्‍ज्‍यासो, खीत्‍रङ् को़न्‍ज्‍योक्‍की भो़न दम्‍ब हीम्‍ब दी हरुङ् तेम्‍बर् युङ्‌ज्‍ये यो़प्‍प झ्‍यीत् छुब झ्‍यीज्‍यीत्। हीगो डस्‍सी झ्‍यीन युङ्‌न ॱनी, थर्वे लम्‍ल डोवल खीत्‍रङ्‌ल नम्‍ल अक् भर्च्‍येत् मीप्‍प युङ्‌गेन् बेत्।

१ युहन्‍ना 2:11

ॱनी यङ् ॱसी़ पी़न्‍ज्‍या नङ्‌दु ड झ्‍यीगुक्‍क हुगो मेन्‍नक्‍ल गीर्केङ्‌गी मी बेत्। हुगो मेन्‍नक्‍ल यो़क्‍केन् झ्‍यीनी, लम् ॱमीत् ॱङीब, घल हीन्‍न हीन् डोगेन् बेत्।

१ युहन्‍ना 3:14

हज्‍यरङ् ॱस्‍यीवे लम्‍नी छीये लम्‍ल थो़न् छर बेत्। ॱनी हीगो हीम्‍ब हज्‍यरङ्‌गी पी़न्‍ज्‍या नङ्‌गी झ्‍यम्‍ब दीगी ॱह घोगेन् बेत्। ॱनी झ्‍यम्‍ब मीप्‍पे मी दी हुन्‍दो ओक् ॱस्‍यीवे लम् दीलरङ् डोगेन् बेत्।