१ कोरीन्थी 4:6 - ल्होमी6 पी़न्ज्यासो, ङ धङ् अपोल्लोस्की ढीक्की केच्च्य हीगो खीत्रङ्ल फेन्दो युङे ढीक्ल ङे ढीबेन्। ङीक्की ॱमीदेल तेन हस्सो़त् खीत्रङ्गी ॱसुङ्रप्ल मीत् डीक्पे लेमु झ्यीदुक् ॱनो़ब घोगेन् बेत्। हुनी क खीत्रङ्गी च्यीक्ले च्यीक् दम्बा झ्यीन तम्दो़त् दी ॱमीत् ॱस्यो़क्केन् बेत्। Faic an caibideil |
१ कोरीन्थी 4:6
35 Iomraidhean Croise
घन्ड हीन् सीन्न कोलीमीगी झ्यी़रीक् को़न्ज्योक्की ढुङ्दु धो़म्मीक्की केच्च्यल डोगेन् बेत्। हीगी ढीक्ल ॱसुङ्रप्ल थो़ङ्गेन् बेत्। झ्यी़रीक् खेबा च्येम्म घयेत् हुबे ज्यीम्गेत् ॱस्येप्पे केच्च्य दीगी हुब ॱङीङ्ल सीम्ब डस्सी को़न्ज्योक्की लक्ल थीप्केन् बेत् सीर यो़क्केन् बेत्। (अय्युब् ५:१३)
रोरङ्सो़ रोरङ्ल तो़क्केन् हुब घयेत् डस्सी ङीक्की मीत् झ्यीप्प यो़त्। ङीत् धङ् हुब ॱसु गय यो़प्प बेक्क हुगी ढीक्ल ङीत् नम् च्येत्न ॱमीत् त। घन्डे घुवे मी हुब रोरङ्सो़ रोरङ्सोल डीक्पे ॱनो़च्च्य सो़न ॱस्योक्क ज्यप्न हुबे रोरङ्सो गलो़त् यो़त्, रोरङ्सो़रङ् तेन नम् च्यो़क्केन् बेत्।
को़न्ज्योक्की ङीत् घजो़त् च्यीक्की ॱसज्यल को़ यो़दङ् उजो़त् च्यीक्ल मेन्द, हुनी भी़त्न, ॱयोङ्गी झ्यीबे लेगी ढीक्ल ङीक्की तम्दो़त् ॱमीत् ॱस्यो़प्प यो़त्। खीत्रङ्गी छ्य स्यक्प दी डम्दु ॱसोङ्नी, हुनी हस्सो़त् ङीत्ल अक् को़न्ज्योक्की ॱनङे ॱसज्य हुगी नङ्गोर्ल ङीक्की ॱस्युक् दी खीत्रङ्गी छीक्तु हरुङ् ज्यीक्तु डोगो़ट्टो ॱनो़बे रीगो यो़त्।
घन्ड हीन् सीन्न ङीक्की खीत्रङ्ल ॱस्येप्पे येशुगी केच्च्यल मेम्ब, मी ॱयोङ्म युङ्न हुबे येशु ॱयोङ्मागी ढीक्ल ॱस्येप्पे केच्च्य धङ् खीत्रङ्ल एल्ला थोबे धम्बे थु दी मेम्ब, थु ॱयोङ्मा थोप्केङ्गी ढीक्ल ॱस्येप्पे केच्च्य धङ्, ॱनी खीत्रङ्गी एल्ला घोवे केच्च्य ॱनेम्बु दी मेम्ब, केच्च्य ॱयोङ्मा हुबे ॱस्येप्प घयेत् दी खीत्रङ्गी फी़न ॱमीत् तोङ, हरुङ् क हुल नेङ्गेन् बेत्।
ङ हुदु युङ्नी, खीत्रङ्गी ढीक्ल ङे ॱसीम्ल ॱनो़बे रीगो दी डस्सी खीत्रङ् ॱमीत् ठेक्को़ट्टो ॱनो़ब धङ् ङे ढीक्ल खीत्रङ्गी ॱसीम्ल ॱनो़बे रीगो दी डस्सी ङ अक् ॱमीत् ठेक्को़ट्टो ॱनो़न ङल च्युगा लङ्गुक्। घन्ड हीन् सीन्न खीत्रङ्गी छीक्न थक्मु, सीगुक्, खोङ्डोक्, रङ्ज्यी़, च्योम, फालप्, ज्यीम्गेत् धङ् स्यीव डीक्प मीप्पे लेमु यो़प्प ठेत् योङ् ॱनो़ब दुक्।
ॱनी म दी ङे तम्दो़त् ॱस्येत्न आक्, ङ ॱलीम्ब त मेन्। घन्ड हीन् सीन्न हुगो दीम्बरङ्गी केच्च्य बेत्। ॱनी हीन्न अक्, मी ॱसी़ ङ घन्दुक् झ्यीबे मी हीम्ब थोङ्गो़दङ्, ङे घन्दुक् झ्यीबे केच्च्य ॱस्येप्प ॱह घोगो़दङ् उजो़त् च्यीक्रङ् मेन्द, हुले ॱल्हक्मा ङ ॱसी़ इक् ॱसम्ज्ये मीप्पे ढीक्ल ह ङ तम्दो़त् ॱमीत् ॱस्यो़त्।
तेङ् यी़गी भङ्ज्येम्ब घयेत्ल धेप्प झ्यीक्केन् ॱनोम्ज्युङ् हीन्दोक्पे मी ॱसी़ खीत्रङ्ल हीगो डस्सी मीत् झ्यीप्पेत् सीन्न खीत्रङ्गी गोल थो़न्न च्यो़न्स्यो़त् ॱस्यो़त्तु युङ्गुक्क हुगो घन्ड अक् मेम्बेत् ॱनो़ब ॱसम्ज्यीत्। हुगी रोरङ्गी थोङ्नङ् घयेत्ल ॱसम्न, रोरङ्गी ॱसीम्बे ॱनोक्सम्ल ॱस्योर्न गो बो़न धो़म्मीक्की तम्दो़त् ॱस्यो़क्केन् बेत्।
Sanasan