१ कोरीन्थी 4:5 - ल्होमी5 चोव ज्यीन्दक् झ्यो़न् झ्यो़न् थुक्ल खीत्रङ् ॱयोङ्गी गोल थो़न्न च्यो़न्स्यो़त् ॱमत् तो़न्ज्यीत्। हुगी यङ्ल मेन्नक्ल केत्मीत्ल झ्यीब घयेत् चोव ज्यीन्दक्की मेङ्गल तो़ङ्गेन् बेत्। मी ॱसीम्बे यीक्ल यो़प्पे केच्च्य घयेत् ॱह घोवल तो़ङ्गेन् बेत्। हुनी मी रीदङ् रील ओ़बे तो़प्प को़न्ज्योक्की ॱनङ्गेन् बेत्। Faic an caibideil |
१ कोरीन्थी 4:5
48 Iomraidhean Croise
हीनी हस्सो़त् कोलीमीगी ॱरेबु युङ्गेन् हीम्ब ज्यी़ तो़ङ्गेङ्गी ता दी ॱनम्दु थो़ङ्गेन् बेत्। हुगो थोङ्नी, जम्बुलीङ्गी ज्यी़त् ज्यी़त् घयेत् ङुजीगी ॱस खो़गेन् बेत्। हीनी कोलीमीगी ॱरेबु ॱवङ् खुर्न तो़त्वङ् छ्यीम्मी़ ओ़च्च्य च्येम्मल ॱमुबल स्यो़न्न ॱनम्नी मल्ल युङ्गेन् बेत्। ॱनी हुगो मी कुरीक्की थोङ्गेन् बेत्।
हुनी ज्यीन्दक् दीगी हुल ॱस्यङ्ज्युङ्। युङेत्। रङ् ॱयोक्पु गङ्ज्येन् तेम्बर् च्येम्म दुक्। ङे रङ्ल ले च्युङेत्मु च्यीक् को़न स्यक्पल रङ्गी हुगी गेन् खुर्न तेन्देन् झ्यीन युङ्दुक्। ह रङ् हीले छ्यीयाल को़न स्योक्केन्। रङ् रङ्गी ज्यीन्दक्तङ् दल गेस झ्यीस्सल ॱस्योक् झ्यीब बेत्।
हुनी ज्यीन्दक् दीगी हुल ॱस्यङ्ज्युङ्। युङेत्। रङ् ॱयोक्पु गङ्ज्येन् तेम्बर् च्येम्म दुक्। ङे रङ्ल ले च्युङेत्मु च्यीक् को़न स्यक्पल रङ्गी हुगी गेन् खुर्न तेन्देन् झ्यीन युङ्दुक्। ह रङ् हीले छ्यीयाल को़न स्योक्केन्। रङ् रङ्गी ज्यीन्दक्तङ् दल गेस झ्यीस्सल ॱस्योक् झ्यीब बेत्।
खीत्रङ् ॱयोङ्गी गोल थो़न्न च्यो़न्स्यो़त् ॱमत् तो़न्ज्यीत्। तो़न्न ॱनी, खीत्रङ्ल को़न्ज्योक्की ठीम् च्येत्न छ्येप्प को़गेन् बेत्। खीत्रङ्गी ॱयोङ्ल छ्येप्प ॱमत् को़ज्यीत्। केन ॱनी, को़न्ज्योक्की खीत्रङ्ल आक् छ्येप्प को़गेन् बेत्। खीत्रङ्ल ॱयोङ्गी ङीब झ्यीज्युङ्न, हुगो धक्तु ची़च्च्यीत्। हुनी क को़न्ज्योक्की इक् खीत्रङ्गी ङीब धक्तु ची़क्केन् बेत्।
ॱनी हीगी केच्च्य हीगो पी़न्ज्या घयेक्की नङ्ल धर्न युङ्नी, हुबे हीगी ॱलोप्टुक् हीगो ॱमीत् ॱस्यीगेन् ब अक् ॱनो़ब झ्युङ बेत्। ॱनी हीगो मेम्ब, येशुगी पत्रुस्ल झ्यीब दी ङ फीच्च्य तीङ्मा युङ् युङ् थुक्ल ॱमत् ॱस्यीय दो़त् सीच्च्ये ॱनो़ब यो़त्न अक्, हीगो रङ्ल ॱस्यो़च्च्ये मत् युङ्न अक्, डीक्केन् बेत् झ्यीबरङ् बेत्।
ॱनी नङ्ल खोक्पल यो़प्प च्येम्म दी क हस्सो़त् दीम्बरङ्गी यहुदी दी बेत्। छ्यो़डीम्गी कल यो़प्प, सी़ल ज्यबे दक् हुगो मेम्बेत्। धम्बे थुगी झ्यीन ॱसीम्ल ज्यबे दक् दी क हस्सो़त् खुङ्देन् दी बेत्। ॱनी हुन्दुक् झ्यीबे मील हस्सो़त् मी च्यानी मेम्ब, को़न्ज्योक् च्यानी तो़प्प युङ्गेन् बेत्।
केत्मीक्की ङु छागी ले घयेत्, ॱयोज्यी़ ठम्ज्यी़गी ले धङ् को़न्ज्योक्की ॱसुङ्रप् ॱहेन्ज्योक्प ॱस्यो़क्केङ्गी ले घयेत् ङीक्की फङ्न स्यक्पेन्। बोर को़न्ज्योक्की ढुङ्दु सङ् ङेन् नम् च्यो़त् ॱस्यीगेन्, मी रीदङ् रीगी ङीक्की केच्च्य दी दीम्ब हीम्ब ॱह घो छुज्येल ङीक्की मी घयेत्ल केच्च्येल्ल तो़न्न ॱस्यो़क्को़त्।
खीत्रङ् पी़न्ज्या नङ्दु फालप् लप्री ॱमत् ची। पी़न् ॱयोङ्गी गोल थो़न्न फालप् लप्न च्यो़न्स्यो़त् तो़ङ्गेन् दीगी छ्यो़डीम्ल स्येन्दोङ् झ्यीन ड झ्यीबल डोगेन् बेत्। रङ्गी हुन्दुक् झ्यीन ॱनी, रङ् छ्यो़डीम्ल चीगेङ्गी मी मेम्ब, रङ् छ्यो़डीम्गी गोल थो़न्न ठीम् च्यो़क्केल्ल डोगेन् बेत्।
ये डोगेङ्गी ॱसीर् त धक्तेन् हीन् धङ् मेन् स्यी़न् तङ्न तगुक् सीन्न ॱनी, खीत्रङ्गी छ्य स्यक्प दी ॱसुम्ब हुले चा छ्यीया बेत्। हुगी छो़त्लीन् तये यङ्ल खीत्रङ्गी छ्य स्यक्प दी धक्तेल्ल थो़न्न ॱनी, ख्रीष्ट् कुरीक्की थोङ्सल झ्यो़न्नी, खोङ् च्यानी खीत्रङ्ल यस्सो, तो़प्प धङ् इगीनी मक्की ओ़च्च्ये तो़प्प छ्यीम्मु थोप्केन् बेत्।
हुन्दुक् झ्यीबे मी घयेक्की ढीक्ल धङ्बु आदम्नी झ्यीनी मीदोक् दी़न् ॱसोङ्नी, थो़म्बे हनोक्की हीन्दुक् झ्यीबे ॱङो़स्स्यी ॱस्येत्न यो़क्केन् बेत्। मी छङ्म थम्ज्येत्ल ठीम् च्यो़त्तु चोव ज्यीन्दक् इगीनी मल्ल खोङ् रोरङ्गी मी चङ्म ठी बुम्गी दल झ्यो़ङ्गेन् बेत्। ॱनी हुगी यङ्ल को़न्ज्योक् ॱमीत् ॱसम्गेन् घयेक्की ङीबे ले री रील धङ् खोङ्ल ॱमीत् चीगेन् दीक्च्येन् घयेक्की खोङ्ल ङेन्दम् लब घयेत् थम्ज्येक्की ढीक्ल ठीम् च्येत्न छ्येप्प को़गेन् बेत् सीर यो़क्केन् बेत्।
हीनी स्युडी ढुङ् दीन मी ॱस्यीनर घयेत् छ्यीज्युङ्मीत् कुरीक् क लोङ्न दो़क्कुक्। हुनी पीज्य गज्येन् ॱलोक्न तेसोङ्। हुनी यङ् पीज्य ॱयोङ्म च्यीक् ॱलोक्न तेसोङ्। हुगो छीये थो दी बेत्। हुगी ॱस्यीनर घयेत् दीगी मीजील एल्ला घन्ड घन्ड झ्यी यो़दङ् हुगो कुरीक् हुगी पीज्य घयेत् दीगी नङ्ल ढीन दुक्। ॱनी हुल तेन रीदङ् रील ठीम् च्येस्सोङ्।
Sanasan