11 हजो़त् थुक्ल ङीत् ॱनी तोब धङ् कोम्बल दो़त् गो़ झ्युङ्। घो़ बदुक्की होक्ल दो़त् गो़ झ्युङ्। दुङ्दक् गुर् गो़ झ्युङ्। ॱलोङ्गेन् डस्सील थो़च्च्युङ्।
ॱनी हुल येशुगी चीप्च्यङ्ल आक् दो़स्से धोङ् यो़क्केन् बेत्। ॱनम्गी झ्यल अक् छङ् यो़क्केन् बेत्। कोलीमीगी ॱरेबुलरङ् ॱङे ज्यक्से ॱसने च्यीक् इक् मीप्प बेत् सीन्न ॱसुङ बेत्।
हुनी एन्टीयोक् धङ् आइकोनीयम् सार् ॱङीक्कर्नी यहुदी यरीब हुदु युङ्न हुगी सार्की मी घयेत् दी ॱयो कोर्न तेक्न डल ॱलोङ बेत्। हुनी कुरीक् डल लोङ्नी, पावल्ल रुप्न दोरुप् ज्यब बेत्। हुनी ॱस्यीसोङ् ॱनो़ब छ्यर्नी, पावल् सार्की छ्यील ढी़त्न पुर् तङ बेत्।
ॱनी गज्येन् बेन्नी, हुनी चो़ल्ल ॱलुक् तङ बेत्। ॱनी हुगी चो़म्बो़न् दील गन्दीक्म तो़ सीन्न खक्को़ ज्यप्न स्यक्प बेत्।
ॱनी हुगी छ्यो़प्पो़न् चो छ्यीस्स्यो हननीया दीगी पावल्की लोन दो़क्केन् दीबल पावल्की खल डम्ज्यक् बेन्दु ची़प्प बेत्।
हीगो झ्यीनी ख्रीष्ट्की झ्यम्ब ङो़नी हज्यरङ् ॱसु दीगी या टो़ छुगेन्? दुक्स्यीगी, ॱसीम्दुक्की, डस्सीङ्गी, तोरीगी, च्यरेङ्मु लेबे, ज्यीसीगी लेमु धङ् ढी पदङ् हुन्दुक् झ्यीबे ढङ्गी या टे योङ् सीक्केन्? घन्डे एक् या टो़ ॱमीत् छुगेन् बेत्।
सय धङ् थुङे ढीक्ल ङीत्ल लीन्ज्येमे ॱहक् मीप्प बेक्कक् ॱनी?
ॱयोङ्नी युङे मी ॱसी़ खीत्रङ् ॱयोक्ल कुगुक्क, ॱसी़ खीत्रङ्ल स्येन्दोङ् झ्यीगुक्क, ॱसी़ खीत्रङ्ल ॱयोङ्गोर् ज्यक्कुक्क, ॱसी़ रोरङ् छ्यीया हीन् ॱनो़ब झ्यीक्कुक्क, ॱसी़ खीत्रङ्ल डम्ज्यक् बेङ्गुक्क हुगो खीत्रङ्गी कुरीक् गुर्केन् बेत्।
ख ख ॱसोस्सोनी ङीत्ल च्युर्तु युङ्गुक्। ॱनी हीन्न अक्, ङीत् नम्ल अक् ॱमीत् छ्युर यो़त्। गो थोम्दु युङ्गुक्। ॱनी हीन्न अक्, ॱअयु छ्यक्प मीत् युङ यो़त्।
मङा यो़प्पे कप्ल धङ् नुङा यो़प्पे कप्ल युङे लेमु ङल ॱस्यो़च्च्ये यो़त्। डङे यङ्ल, तोब कोम्बे यङ्ल, मङा झ्युङ्, नुङा झ्युङ्, गदुक् आक्तुक् घन्ड झ्युङ्न अक्, हुल ॱलो दीय झ्यीन दो़त् छुबे धो़न् ङे ॱस्यीन यो़त्।
ॱनी ङल एन्टीयोक्, आइकोनीयम् धङ् लीस्तरा सार्तु घन्दुक्मे दुक्प अयेक्प तङ्सोङ, हुगो ङे घन्दुक्मे गुर् थेक्प झ्यीसोङ हुगो कुरीक् रङ्गी थोङ्न ॱस्यो़च्च्ये यो़क्केन् बेत्। ॱनी हुन्दुक्मे दुक्प अयेक्प घयेक्की लक्नी चोव ज्यीन्दक्की ङ छ्यीज्युङ्।