१ कोरीन्थी 3:12 - ल्होमी12 हुगी ॱसप्तेन् दीनी यल्ल मी ॱसी़ घन्दुक् झ्यीब सो़दुक्क हुगो ॱसीर् हीन्, ङु हीन्, रीम्बुर् छ्यीये दो हीन्, ॱस्यीङ् हीन्, च हीन्, ॱसोक्मक् हीन्न अक्, Faic an caibideil |
१ कोरीन्थी 3:12
33 Iomraidhean Croise
पी़न्ज्यासो, खीत्रङ्ल ङ ॱलोप्स हीगो ज्यक्केनो। खीत्रङ्गी उन छुङ्न दो़त्तु ॱमीत् ची़क्केन्, पोङ्ज पोङ्जल भीदु ची़क्केन्, ॱयोङ्गी धेप्पल भर्च्येत् तोङ्गेन् हुब घयेत्तङ् च्यङ्जो़त् झ्यीन दो़च्च्यीत्। हुबे ॱलोप्स हुगो खीत्रङ्गी एल्ला घोवे ॱलोप्सल मीत् डीक्केन् बेत्। हुबदङ् भीन दो़च्च्यीत्।
केत्मीक्की ङु छागी ले घयेत्, ॱयोज्यी़ ठम्ज्यी़गी ले धङ् को़न्ज्योक्की ॱसुङ्रप् ॱहेन्ज्योक्प ॱस्यो़क्केङ्गी ले घयेत् ङीक्की फङ्न स्यक्पेन्। बोर को़न्ज्योक्की ढुङ्दु सङ् ङेन् नम् च्यो़त् ॱस्यीगेन्, मी रीदङ् रीगी ङीक्की केच्च्य दी दीम्ब हीम्ब ॱह घो छुज्येल ङीक्की मी घयेत्ल केच्च्येल्ल तो़न्न ॱस्यो़क्को़त्।
मीत् डीक्केङ्गी ॱलोप्स यो़च्चो़त् ज्यबल नेन्न खीत्रङ् ॱमत् छ्यी़ज्यीत्। समे ढीक्ल यो़प्पे क घयेत्ल चीन युङे लम्नी हज्यरङ् डम्दु मीत् डोगेन् बेत्। हज्यरङ् डम्दु दील को़न्ज्योक्की थुज्यी ॱनङ्नी क, हस्सो़त् युङ्गेन् बेत्। हुन्दुक् झ्यीबे कल चीन युङे मी घयेत्ल हुगी फेन् ॱमत् थोब बेत्।
ये डोगेङ्गी ॱसीर् त धक्तेन् हीन् धङ् मेन् स्यी़न् तङ्न तगुक् सीन्न ॱनी, खीत्रङ्गी छ्य स्यक्प दी ॱसुम्ब हुले चा छ्यीया बेत्। हुगी छो़त्लीन् तये यङ्ल खीत्रङ्गी छ्य स्यक्प दी धक्तेल्ल थो़न्न ॱनी, ख्रीष्ट् कुरीक्की थोङ्सल झ्यो़न्नी, खोङ् च्यानी खीत्रङ्ल यस्सो, तो़प्प धङ् इगीनी मक्की ओ़च्च्ये तो़प्प छ्यीम्मु थोप्केन् बेत्।
हीगी ढीक्ल खीत्रङ्ल ङे ढो़ टेत् योङ्। स्यी़न्न चङ्मल सो़बे ॱसीर् ङे लक्नी नो़। हुनी खीत्रङ् दीम्बरङ्गी छ्युक्पु युङ्गेन् बेत्। खीत्रङ् ङे लक्नी घो़ कप्पु नो़। हुनी खीत्रङ् च्यरेङीय ङु छय मीप्प युङ्गेन् बेत्। ॱमीक्ल ॱही़न्ज्येमे ॱमीक्मेन् नो़। हुनी खीत्रङ्गी ॱमीक्की थोङ्गेन् बेत्।
Sanasan