१ कोरीन्थी 3:10 - ल्होमी10 को़न्ज्योक्की थुज्यी ॱनङल पीब सोबो़न् खेबोक्मे ले डस्सी ङे हुदु ॱसप्तेन् डेन्न स्यक्पेन्। ॱनी हुगी थोक्ल सो़न डोगेन् दी हस्सो़त् ॱयोङ्मा घयेत् युङ्गेन् बेत्। ॱनी हुगो ॱसु हीन्न अक्, हुल खेजो़त् झ्यीन गन्दीक्म तेन सो़ज्यीत्। Faic an caibideil |
१ कोरीन्थी 3:10
37 Iomraidhean Croise
हुनी अपोल्लोस् अखैया लुङ्बल डोगेन् सीन्नी एफीसस्की पी़न्ज्या घयेत् दीगी हुल हुगी लुङ्बन येशुगी ॱलोप्टुक्ल स्युन यो़प्प घयेत्ल यीगी च्यीक् ढीन तङ बेत्। ॱनी यीगी दील हीगी अपोल्लोस् हील थोङ् झ्यीत्रो झ्यी सीन्न स्युदेङ्गी यीगी तङ बेत्। ॱनी अपोल्लोस् हुदु फीन्नी, हुदु को़न्ज्योक्की थुज्यी ॱनङ्न छ्य स्योक्केल्ल झ्युङ घयेत्ल दगु गस्सी झ्युङ बेत्।
को़न्ज्योक्की ङीत् घजो़त् च्यीक्की ॱसज्यल को़ यो़दङ् उजो़त् च्यीक्ल मेन्द, हुनी भी़त्न, ॱयोङ्गी झ्यीबे लेगी ढीक्ल ङीक्की तम्दो़त् ॱमीत् ॱस्यो़प्प यो़त्। खीत्रङ्गी छ्य स्यक्प दी डम्दु ॱसोङ्नी, हुनी हस्सो़त् ङीत्ल अक् को़न्ज्योक्की ॱनङे ॱसज्य हुगी नङ्गोर्ल ङीक्की ॱस्युक् दी खीत्रङ्गी छीक्तु हरुङ् ज्यीक्तु डोगो़ट्टो ॱनो़बे रीगो यो़त्।
ख्रीष्ट्की ढीक्की केच्च्य ॱनेम्बु टोम्गेन् को़न्ज्योक्की ले झ्यीक्केन् ङीक्की छ्यीट्टो हज्यरङ्गी पी़न्ज्या तीमोथी तोङ्ज्ये दी खीत्रङ्ल नोङे दुक्प हुल खीत्रङ् योक् ठी़त् मीप्प दो़त् छुज्ये यो़प्पे ढीक्ल, खीत्रङ्गी छ्य स्यक्प दी डम्दु सोदु धङ् ॱलोप्स्यीक् टो़त्तु सीन्न तङेन्। म दी हज्यरङ् हुन्दुक् झ्यीबे दुक्प नोङ्ज्येगी ढीक्ल अक् खो़प्प बेत्। हीगो खीत्रङ्ल ॱस्यो़च्च्ये यो़क्केन् बेत्।
हीन्दुक् झ्यीन मी ॱसी़ को़न्ज्योक् ङो़गी केच्च्य ॱस्यो़क्को़दङ् हुगी को़न्ज्योक्की ॱनङे ॱसुङ्स्येत् ॱस्यो़क्केन् हीम्ब डस्सी ॱस्यो़त् गोगेन् बेत्। ॱनी यङ् मी ॱसी़ ॱयोङ्ल फेम्बे ले झ्यीक्को़दङ् हुगी को़न्ज्योक्की ॱनङे ॱस्यीक्की झ्यीत् गोगेन् बेत्। हुन्दुक् झ्यीन क, हस्सो़त् येशु ख्रीष्ट्की लम्नी झ्यीबे लेमु घन् दीनी इक् को़न्ज्योक्ल तो़प्प युङ्गेन् बेत्। खोङ्ल तो़त्वङ् धङ् ॱवङ्ग धी़ नम ज्यी़न्दु युङ् युङ युङ्ज्ये यो़प्प स्योक्च्यीत्। आमेन्।
Sanasan