१ कोरीन्थी 15:3 - ल्होमी3 ङल ॱनङे ॱलोप्से धो़न् छ्यीस्स्यो दी ङे खीत्रङ्ल एल्लादु उक् ॱस्येत् छरेन्। ॱनी हुन्दो ओक् ॱस्यो़क्केन्। ॱसुङ्रप्की केच्च्यल डीक्प ख्रीष्ट् हज्यरङ् घयेक्की दीक्पे ढीक्ल ढोङ बेत्। Faic an caibideil |
१ कोरीन्थी 15:3
38 Iomraidhean Croise
कोलीमी घयेक्की ङीबे ॱएङ्गी दीक्प घयेक्की ढीक्ल को़न्ज्योक्की छ्येप्प ॱमत् केब, हजो़त् थुक् सो़प्प खुर्न हुबे येशुल छ्य स्यक्न खोङ्गी ठक्की डीक्च्या युङ्ज्ये यो़प्पल को़न्ज्योक्की खोङ् दीक्पे ॱस्याबल ॱरोक्ल जङ्न युङ बेत्। हीन्दुक् झ्यीन को़न्ज्योक्की ठीम् ढङ्बु तेब दी तो़न्न युङ बेत्।
ख्रीष्ट्की थु हुबे ॱसीम्ल स्युन, हुबल च्यप्को़ल्ल को़बे ख्रीष्ट् तीङ्ला झ्यो़न्न, दुक्स्यी ॱनजो नोङ्नी, हुनी खोङ्ल इगीनी मक्की ओ़च्च्ये तो़प्प छ्यीम्मु युङ्गेन् बेत् सीन्न तो़म्ब बेत्। ॱनी हुगो नम्गी धी़ल युङ्गेन्, घन्दुक् झ्यीबे धी़ल युङ्गेन् हीम्ब हीगो हुबे ॱह घोज्ये ॱनो़ब झ्यीब बेत्।
हुगो डस्सी ख्रीष्ट्की इक् दुक्स्यी गुर्न, हज्यरङ् मी घयेक्की दीक्पे ढीक्ल धङ् हज्यरङ्ल फु काब तोङ्ल फेम्ब युङे ढीक्ल खोङ् लेन् च्यीक् ढोङ बेत्। हीगो हज्यरङ् को़न्ज्योक् च्याल ठीक् छुज्ये यो़प्पल खोङ् ढङ्बु हीन्ज्यङ्, हज्यरङ् मत् ढङा घयेक्की छप्पुल ढोङ बेत्। खोङ् ॱस्यस्सी़ल यो़प्पे यङ्ल मी घयेक्की ॱसेत्न आक्, यङ् धम्बे थुगी खोङ् ॱसोम्बुल ॱलोङ बेत्।
Sanasan