Biblia Todo Logo
Bìoball air-loidhne

- Sanasan -




१ कोरीन्‍थी 1:12 - ल्होमी

12 खीत्‍रङ् उन यरीगी ङ ॱनी पावल् ङो़गी हीन् सीगुक्, यङ् यरीगी ङ ॱनी अपोल्‍लोस् ङो़गी हीन् सीगुक्, यरीगी यङ् ङ ॱनी पत्रुस् ङो़गी हीन् सीगुक्, ॱनी यङ् यरीगी ङ ॱनी ख्रीष्‍ट् ङो़गी हीन् सीगुक् सीर ङे ॱह घोज्‍युङ्।

Faic an caibideil Dèan lethbhreac




१ कोरीन्‍थी 1:12
20 Iomraidhean Croise  

खीत्‍रङ्‌ल मी ॱयोङ्‌गी रब्‍बी सीन्‍न युङ्‌न ॱनी, हुगो सीत्‍तु ॱमत् ची़त्। घन्‍ड हीन् सीन्‍न खीत्‍रङ्‌ल चयेलम दी च्‍यीगी च्‍यीक्‍रङ् यो़क्‍केन् बेगो। खीत्‍रङ् जेङ् पी़न्‍ज्‍या हीम्‍बल डोगेन् बेगो।


हुनी अन्‍द्रीयस्‍की येशु च्‍याल शीमोन् ठीक्‍न युङ बेत्। युङ्‌नी, येशुगी शीमोन् दील तेन युहन्‍नागी भु शीमोन् रङ्‌गी मीङ् दी ह हीनी झ्‍यीब दी केफास् युङ्‌गेन् बेत् झ्‍यीब बेत्। हीगी धो़न् दी दो तीङ्‌दोल सीक्‍केन् बेत्।


ॱनी अलेक्‍जेन्‍डीया सार्की यहुदी अपोल्‍लोस् सीक्‍केन् च्‍यीक् एफीसस्‍ल पावल् मीप्‍पे कप्‍ल युङ बेत्। हुगो को़न्‍ज्‍योक्‍की ॱसुङ्‌रप् खेसी ॱस्‍यीगेन्, ॱस्‍यीब च्‍येङ्‌गी मी यो़प्‍प बेत्।


ॱनी अपोल्‍लोस् अखैया लुङ्‌बे कोरीन्‍थ् सार्तु यो़प्‍पे यङ्‌ल पावल् लुङ्‌ब ॱयोङ्‌गी घुङ्‌नी फल्‍ल झ्‍यीन फीन्‍नी एफीसस्‍ल ॱलीब बेत्। ॱनी हुदु येशुगी ॱलोप्‍टुक्‍ल स्‍युन यो़प्‍प यरी ठेत्‍नी,


ङे पी़न्‍ज्‍यासो, खीत्‍रङ् उन थक्‍मु ज्‍यक्‍री चीगुक् सीर ङल कलोएगी मीजङ् च्‍यीक्‍की ॱस्‍येच्‍च्‍युङ्।


हुनी खोङ् पत्रुस् च्‍याल थो़न्‍न ठेप्‍प बेत्। हुनी च्‍युन्‍नीबु दीब च्‍येल्‍ल आक् थो़न्‍न ठेप्‍प बेत्।


पी़न्‍ज्‍यासो, ङे हीगो ॱस्‍येत् योङ्। ॱस्‍य धङ् ठक् च्‍येम्‍मे सी़ हीगोल को़न्‍ज्‍योक्‍की ज्‍यागक्‍की फक् थोप् ॱमीत् ॱस्‍यीगेन् बेत्। फु ॱमीत् तक्‍केन् हीगोल फु तक्‍केङ्‌गी फक् थोप् ॱमीत् ॱस्‍यीगेन् बेत्।


पी़न्‍ज्‍या अपोल्‍लोस्‍ल ङे खीत्‍रङ् च्‍याल पी़न्‍ज्‍या ॱयोङ्‌म घयेत्‍तङ् दल डोरो झ्‍यी सीन्‍न ॱउच्‍चु तङेन्। ॱनी डोज्‍ये ॱनो़ब झ्‍यीमोङ्। तीङ्‌ला रो खोम्‍न ॱनी, डोगेन् सीगुक्।


पी़न्‍ज्‍यासो, ङ धङ् अपोल्‍लोस्‍की ढीक्‍की केच्‍च्‍य हीगो खीत्‍रङ्‌ल फेन्‍दो युङे ढीक्‍ल ङे ढीबेन्। ङीक्‍की ॱमीदेल तेन हस्‍सो़त् खीत्‍रङ्‌गी ॱसुङ्‌रप्‍ल मीत् डीक्‍पे लेमु झ्‍यीदुक् ॱनो़ब घोगेन् बेत्। हुनी क खीत्‍रङ्‌गी च्‍यीक्‍ले च्‍यीक् दम्‍बा झ्‍यीन तम्‍दो़त् दी ॱमीत् ॱस्‍यो़क्‍केन् बेत्।


पी़न्‍ज्‍यासो, ङे सीक्‍केङ्‌गी तम्‍गी धो़न् दी म दी हीगो बेत्। थमे धी़ ॱस्‍यच्‍चल ॱलीत् छर बेत्। हुगो झ्‍यीनी खीत्‍रङ्‌गी ॱसीम्‍ब दी ॱनव च्‍यीक्‍ल तङ्‌न हुनी छ्‌युङ्‌म यो़प्‍प च्‍येम्‍म घयेत् हीनी झ्‍यीनी मीप्‍प डस्‍सी झ्‍यीन युङ् गोगेन् बेत्।


ठीक्‍नल ॱयोङ्‌मा धङ् चोव ज्‍यीन्‍दक्‍की पी़न् ॱङो़म घयेत् धङ् पत्रुस्‍की डस्‍सी ङीत्‍ल अक् नङ्‌जङ् छ्‌य स्‍योक्‍केन् ठीक्‍न गीर्च्‍येमे ॱहक् मीप्‍प बेक्‍कक् ॱनी?


खीत्‍रङ्‌गी ॱमीक्‍की थोङ्‌गेन् घयेत् दीलरङ् तगेन् बेत्। ॱनी उन ॱसु रोरङ् ख्रीष्‍ट्‌की मी ढक्‍पा हीन् ॱनो़ब खुर्कुक्‍क ॱनी हुगो ख्रीष्‍ट्‌की हीम्‍ब डस्‍सी ङीत् इत् ख्रीष्‍ट्‌की मी ॱङो़न्‍ने हीम्‍ब हुगी ॱह घोव झ्‍यीज्‍यीत्।


हीगो घोव झ्‍यीज्‍यीत्। मी ॱसी़ ॱमीत् ॱङीन् ॱस्‍येत्‍न ॱसो़न् नुङा तोप्‍कुक्‍क हुगोल तीङ्‌ला तो़न्‍दोक् दी इक् नुङारङ् युङ्‌गेन् बेत्। ॱनी यङ् लक् यङ्‌बोक्‍म झ्‍यीन मी ॱसी़ ॱसो़न् ॱस्‍यो छ्‌यीम्‍मु तोप्‍कुक्‍क हुगोल तो़न्‍दोक् दी इक् ॱस्‍यो छ्‌यीम्‍मुरङ् युङ्‌गेन् बेत्।


ॱनी को़न्‍ज्‍योक्‍की थुज्‍यीगी ङ घन्‍दुक्‍मे लेल को़ब बेक्‍क हुगो चो छ्‌यीया छ्‌यो़ छोगी का धोम्‍बु डस्‍सील ॱसम्‍न यो़क्‍केन् याकुब्, पत्रुस् धङ् युहन्‍ना झ्‍यीबे हुनी क ॱह घोसोङ्। खोबसो यहुदी घयेत् च्‍येल्‍ल डोवल धङ् यङ् ङदङ् बार्नाबास् ज्‍यी़त् ॱयोङ् ॱयोङ्‌गी मी च्‍याल डोवल छ्‌य च्‍यीक्‍की मी हीम्‍ब ॱसम्‍न ङीत्‍ल खोबसो़ लक्‍प ॱयेब तङ्‌न थी़न्‍डीक् झ्‍यीज्‍युङ्।


हीगी धो़न् दी ङे ॱस्‍येत् योङ्। गोम को़न्‍ज्‍योक्‍की अब्राहाम्‍दङ् कगो़त् धम्‍स्‍यक् स्‍यक्‍नी, लोङ ज्‍यब स्‍यीदङ् ॱसुम्‍ज्‍यु छीनी क, हस्‍सो़त् छ्‌यो़डीम् ॱनङ बेत्। ॱनी छ्‌यो़डीम् ॱनङ्‌नी, यङ् ॱएम्‍मागी को़न्‍ज्‍योक्‍की कगो़त् धम्‍स्‍यक् स्‍यक्‍प दी धङ् ॱमेल्‍लम् ॱनङे छ्‌यो़त्‍तुम् जेप्‍प दी घो ॱमीत् छ्‌यो़त्‍ल ॱमत् ॱसोङ बेत्।


Lean sinn:

Sanasan


Sanasan