१ कोरीन्थी 1:10 - ल्होमी10 पी़न्ज्यासो, चोव ज्यीन्दक् येशु ख्रीष्ट्की छेन्नी खीत्रङ्ल ङ ॱलोप्स हीगो ज्यक्केनो। खीत्रङ् नङ्दु रङ् रङ् ॱसोस्सो मत् भीय, छ्यम्न ढो़गो च्यीक्ल डीक्न जन्दीक्म झ्यीन दो़च्च्यीत्। Faic an caibideil |
१ कोरीन्थी 1:10
44 Iomraidhean Croise
ॱनी ङ हुबदङ् मत् ढेब, नीज्यरङ् ङदङ् मत् ढेब यो़प्प डस्सी हुब घयेत् एत् कुरीक् ॱसीम् च्यीक् ली़ च्यीक् डस्सील युङ्ज्ये यो़प्प तोङ्। हुगो झ्युङ्नी क, नीज्यरङ्गी ङ तङ हीम्ब दी धङ् नीज्यरङ्गी ङल झ्यम्ब जेप्प डस्सी हुबल अक् नीज्यरङ्गी झ्यम्ब जेक्कुक् ॱनो़ब जम्बुलीङ्गी मी घयेक्की ॱह घो छुगेन् बेत्।
ॱनी हुब यरीगी हुन्दुक् झ्यीन ङीत्तुवे कल ॱमीत् चीगेङ्गी मी को़न्ज्योक्की तङ्न युङे मील मीत् डोगेन् बेत् झ्यीब बेत्। ॱनी हुब यरीगी यङ् हुगो दीक्च्येङ्गी मी हीन्न, नुक्मे यीक् छ्यीम्मी़ लेगी ता घन्दुक् झ्यीन झ्यीत् छुगेन्? सीन्न, हुब हीगी ढीक्ल मत् डीक्प, रोरङ्सो नङ्दु भीनर बेत्।
पी़न्ज्यासो, खीत्रङ्ल ङ ॱलोप्स हीगो ज्यक्केनो। खीत्रङ्गी उन छुङ्न दो़त्तु ॱमीत् ची़क्केन्, पोङ्ज पोङ्जल भीदु ची़क्केन्, ॱयोङ्गी धेप्पल भर्च्येत् तोङ्गेन् हुब घयेत्तङ् च्यङ्जो़त् झ्यीन दो़च्च्यीत्। हुबे ॱलोप्स हुगो खीत्रङ्गी एल्ला घोवे ॱलोप्सल मीत् डीक्केन् बेत्। हुबदङ् भीन दो़च्च्यीत्।
खीत्रङ् यरीगी ङे ढीक्ल हुगो हीदु हज्यरङ्गी घुङ्दु दो़प्पे यङ्ल ज्यीदोब झ्यीक्कुक्। ॱनी यङ् लुङ्ब ॱयोङ्नी यीगील ज्यीक्टक्रङ् मीत्तोक्प झ्यीक्कुक् सीर ङे ॱह घोज्युङ्। हीगी ढीक्ल ख्रीष्ट् ॱनोम्ज्युङ् धङ् ॱम ॱयुङ्बोक्म यो़प्प हीम्बे लम्नी ङ पावल्की खीत्रङ्ल गन्दीक्म सीक्केन् हीनो।
ह स्युक् थदु पी़न्ज्यासो गेस झ्यीज्यीत्। ओङ्बु छङ्देन् ॱलीब झ्यीज्यीत्। च्यीक्तङ् च्यीक्ल ॱलोप्स्यीक् टो़त्री चीज्यीत्। ॱसीम् च्यीक् ली़ च्यीक् झ्यीन दो़च्च्यीत्। छ्यम्बोक्म झ्यीन दो़च्च्यीत्। हीनी क झ्यम्ब धङ् स्यीव ॱनङ्गेङ्गी को़न्ज्योक् खीत्रङ्दङ् दल स्युगेन् बेत्।
थुज्यी छ्यीम्मु च्येम्मे को़न्ज्योक्की ख्रीष्ट्तङ् मत् ढेबल खीत्रङ् खोङ् रोरङ् झ्यीस्स, फुस तक्पे तो़त्वङ्गी ओ़च्च्य च्येम्मे ॱसज्यल भो़न यो़क्केन् बेत्। खीत्रङ्ल हुन्दो ॱरीप्चो़त् च्यीक् दुक्प नोङ हुगो गुर्नी, हुनी खोङ्गी खीत्रङ्ल ॱलोप्स्यीक् ॱनङ्न चव छुदु ची़त्न डम्बोक्मल सोगेन् बेत्।
Sanasan