Luke 2:14 - Wala

¹⁴ “Fa'ilitoa God 'i nali. Ma aroarona fala ioli 'i wado God 'e babalafe failida gi.”

Luke 2:14 Iomraidhean Croise

Matthew 21:9

Te logona ba'ela fo 'e eta 'i lao ala Jesus, ma gera ka aliburia lou ko, gera akwa 'uri 'e, “'Auraea na fala wela ala kwalofa David walelitalona li! Ma God ko 'oilakitailia wale 'e la mae 'alia nanatana 'o li! Gia 'auraea God!”

Luke 1:79

wale li faamauri gia kae dao mae faasia God failia madakwana fala ioli gera io 'i laola mae rodo ala maena li. Ma 'i lia kae kwairanai aga 'ali 'e talai gia fala too na ala aroarona li failia God.”

Luke 19:38

Ma gera ka sae 'uri 'e, “God 'o 'oilakitailia walelitalona 'e la mae 'alia nanatana 'o li! Ma aroarona failia God. Gia batafea God 'i lia 'ilitoana lia 'e tasa!”

Luke 2:13

Toraa wasua, molae eniselo afula faasia 'i nali gera ka logo fatae lou failia eniselo ba, ma gera ka batafea God 'uri 'e,

Luke 2:15

'I burila eniselo gi gera oli lo fala 'i nali, wale gera lio sulia sipsip fo gi li gera ka alaa kwailiu 'ada 'uri 'e, “Golu la ga fala 'i Betlehem 'ali golu li lesia 'are 'e God 'e sae sulia fagaulu gi.”

Luke 3:22

ma Alo ala God ka sifo mae fafia malaa na fe bola. Ma te linae 'are ka talo mae faasia 'i nali ka sae 'uri 'e, “'I'o wela moutae lau ma lau kwaima rasua amu. Lau babalafe rasua 'ali'o.”

John 14:27

“Lau tafisia lo babatoona lau famiu. Babatoona 'e lau kwatea famiu, 'e iko 'ali malaa aroarona 'i laola molagali li. Lia fo, ikoso 'ali 'amu malata fiitala, ma ikoso 'ali 'amu mau.

John 17:4

Lau fatailia lo 'ilitoana 'o 'i laola molagali, ma laka faasuia lo galona ba 'o keri lau mae fala taunali gi.

John 3:16

God 'e fatailia kwaimaana ba'ela lia fala ioli gi sui 'i laola molagali, ka kwatea mae teke Wela moutae lia, 'ali ioli gera fitoo ala gi, ikoso 'ali gera mae, gera kae too ala maurina firi.

Acts 10:36

Lau saiai 'amu rono lo ala Faronona 'Oka ba God 'e kwatea fala Jiu gi li, faronona 'oka sulia 'ado na 'alia aroaro na li failia God lia 'e la mae 'alia Jesus Christ wale 'e Aofia fala ioli gi li sui.

Geregerena Paul Fala Ioli Fakwalaimoki 'I Rom Gi 5:1

Talasi 'e, gia fakwalaimoki ala Jesus Christ, ma God ka farada gia 'i maala. 'Urifo, gia io 'alia aroarona failia God, 'i osiala galona Jesus Christ Aofia gia 'e taua lo.

Efesus 1:6

Gia batafea God sulia 'e kwate gwaugwau ala kwaimanaa ba'ela lia faga 'i osiala Wela moutae lia.

Efesus 1:9

God 'e fatailia lioe wale lia faga ma iko 'ali fatae madakwa ai fala ioli 'i lao gi. God kae fulia lioe wale fo 'alia Christ.

Efesus 2:4

Ma ka 'urifo wasua 'ala, kwaiamasina God faga 'e ba'ela, ma kwaimanaa lia faga ka ba'ela lou.

Efesus 2:7

God 'e tau 'urifo 'ali fatailia lo kwaimanaa ba'ela 'e kwatea faga ala Jesus Christ, 'ali ioli gi sui ala talasi gi sui gera ka saiala kwaimanaa lia.

Filipae 2:11

Ma 'i gera sui gera kae ili fatae ala Jesus Christ 'e Aofia, 'ali gera ka fa'ilitoa God Mama.

Filipae 2:13

God 'e galo 'i laola maurinamiu fali taua 'ali 'amu marabe ma 'amu ka totolia ronona sulia.

Kolose 1:20

Ma 'alia Jesus, God 'e olifailia 'are gi sui 'i wado ma 'i nali fala 'i talala. God 'e raunailia aroarona 'alia maenala Jesus ala 'ai rara folo.

2 Tesalonika 2:16

Meulu foa 'ali Aofia gia Jesus Christ ma God Mama gia ka raefale 'amiu, ma ka fananata 'amiu 'ali 'amu ka tau 'oka, ma 'amu ka sae 'oka ala talasi gi sui. Sulia God 'e kwaima aaga, ma ka gwafe firi aaga, ma gia ka kwaimamali 'alia malata lio 'alaa fala kwalu 'are 'oka.

Reveleson 5:13

Ma laka ronoa 'are mauri gi sui 'i nali, ma 'i laola molagali, ma 'i malula molagali, ma 'i laola asi, 'i gera sui gera nuu 'uri 'e, “Batafena, failia ba'ela na, failia 'ilitoana, failia nanatana firi fala wale 'e gwauru ala gwela ala 'ilitoana li failia kale Sipsip.”