Якьуб 5:4 - Пак Калам

⁴ Ингье, куьне куь никӀера бегьер кӀватӀай лежберрикай атӀай пулари кӀевидаказ гьарайзава. Гвен гуьзвайбурун сузадин ван Къуватрин Реббидив агакьзава.

Якьуб 5:4 Iomraidhean Croise

Хьунухь 4:10

«Вуна вуч авуна?» – лагьана Аллагьди. – «Ви стхадин иви чилел экъичнава: ада Заз минетзава.

Забур 9:12

Манийралди тариф ая Реббидин, Сигьандал уьмуьр тухузвай, хабар це Адан крарикай халкьариз!

ЭхкъечӀун 22:27

адаз вичел гьалддай маса затӀ авач эхир, ам адан партал я. Ам гвачиз ам гьикӀ ксурай? Ада Заз ялвар ийида – Зазни адан ван жеда, вучиз лагьайтӀа, Зун язух къведайди я.

ЭхкъечӀун 3:9

Исраилдин рухвайрин арзаяр Зав агакьнава. Ва гьакӀни, Заз мисривийри абуруз ийизвай зулум акуна.

Леви 19:13

Мукьув гвайдаз азият гумир, ам тараш ийимир. Пулунихъ кьунвайдан мажиб пакамалди энгел ийимир.

МатӀай 9:37

Гьа чӀавуз Ада Вичин тилмизриз лагьана: – Гвен бул я, гвен гуьдайбур – тӀимил.

ЛукӀа 18:7

Мегер Аллагьди Вичи хкягъайбурун, Вичиз юкъуз-йифиз ялварзавайбурун пад кьадачни? Ада абуруз гудай куьмек энгелардани кьван?

Римвийриз 9:29

Мадни Яшая виликамаз лагьайвал: «Къуватрин Реббиди сагъ яз амукьайбур са шумуд туначиртӀа, чун Садумдиз ухшар жедай, Гамур хьиз жедай чун» .

Киххьей къанун 15:9

Килиг гьа, ви рикӀе алчах фикир гьатиз тахьуй – вуна, ирид лагьай йис, буржар гьалал ийидай йис, мукьвал тирди рикӀел хтана, ви стхадиз, кесибдаз, такӀанвилелди килигна, адаз ваъ лугьунни мумкин я. Амма и чӀавуз ада Реббидиз ялвар ийида ва ваз гунагь жеда!

Каласвийриз 4:1

Агъаяр, куь лукӀарив гьахъ-михьивал гваз ва лайихдаказ, квехъ цаварал Агъа авайди рикӀел хвена, эгечӀа.