Якьуб 4:6 - Пак Калам

⁶ Амма Ада чаз мадни чӀехи берекат гузва. Гьавиляй Каламди лугьунни ийизва: «Аллагь акси я лавгъабуруз, амма Ада умунбуруз берекат гузва» .

Якьуб 4:6 Iomraidhean Croise

Забур 138:6

И кар чир хьун зун паталди аламат я, зи байих патал гзаф чӀехи кар я ам.

Забур 9:12

Манийралди тариф ая Реббидин, Сигьандал уьмуьр тухузвай, хабар це Адан крарикай халкьариз!

ЭхкъечӀун 18:11

Гила заз и халкьдин винел хкаж ийиз кӀан хьайи вири аллагьрилай Ребби чӀехи тирди чизва!»

МатӀай 13:12

Авайдаз авайдалайни гзаф гуда, авайди адахъ мадни артух жеда. Авачирди вичихъ авай гьа тӀимилдакайни магьрум жеда.

МатӀай 23:12

Ни вичи вич вине кьуртӀа, гьам агъада жеда, ни вичи вич агъада кьуртӀа, гьам вине жеда.

ЛукӀа 1:52

Гьукум гвайбур тахтунилай гадарна, усал тирбур Ада виниз хкажна.

ЛукӀа 14:11

Гьар ни вичи вич вине кьуртӀа, гьам агъуз вегьида, вичи вич агъуз кьурди виниз акъудда.

ЛукӀа 18:14

За квез лугьузва хьи, фарисей ваъ, гьа и харж кӀватӀзавай инсан дуьа авурдалай кьулухъ вичин кӀвализ Аллагьдин вилик гьахъ-михьи яз хъфена. Гьар ни вичи вич вине кьуртӀа, гьам агъуз вегьида, вичи вич агъуз кьурди виниз акъудда.

Якьуб 4:10

Аллагьдин вилик агъуз хьухь, гьа чӀавуз Ада куьн хкажда.

1-Петру 5:5

Жегьилар, куьнни чӀехибуруз табий хьухь. Сад садахъ галаз умун хьухь, вучиз лагьайтӀа «Аллагь акси я лавгъабуруз, амма Ада умунбуруз берекат гузва».