Якьуб 4:11 - Пак Калам

¹¹ Стхаяр-вахар, сад садакай пис рахамир. Стхадикай-вахакай пис рахазвайди ва абурук тахсир кутазвайди Къанундикай пис рахазва ва ада и Къанундик тахсир кутазва. Амма вуна Къанундик тахсир кутазвайла, вакай Къанун кьилиз акъудзавайди ваъ, дуванбег жезва.

Якьуб 4:11 Iomraidhean Croise

ЛукӀа 6:37

Куьне масадан дуван аквамир, Аллагьди куь дуванни аквадач; куьне айибар кутун тавуртӀа, Аллагьди квекни айибар кутадач; куьне гъил къахчуртӀа, Аллагьдини квелай гъил къахчуда.

Римвийриз 2:1

Гьавиляй, масадан дуван ийизвайди, вун вуж яз хьайитӀани, валай гъил къахчузвач. Масадбурук тахсир кутуналди вуна жуваз кар атӀузва, вучиз лагьайтӀа вунни, дуван ийизвайди, гьа кар ийизвайди я.

Римвийриз 2:13

Къанундиз яб гуз Адал амал ийизвайбур ваъ, Къанун кьилиз акъудзавайбур Аллагьди гьахъ-михьибур яз гьисабзава.

Римвийриз 7:7

Им вуч лагьай чӀал я? Къанун гунагь я лагьай чӀал яни? Гьелбетда, ваъ. Амма гунагь вуч ятӀа заз чир жедачир, Къанун авачиртӀа. Мумкин тир, месела, заз нефс вуч ятӀа чир тахьун, Къанунди лугьузвачиртӀа: «Темягьда гьатмир».

1-Каринфвийриз 4:5

Гьавиляй Ребби хкведалди са куьнизни виликамаз къимет гумир. Ада вири чинебан крар винел акъудда ва инсанрин рикӀерин чинебан ниятар винел акъудда, гьа чӀавуз гьар садав Адан патай тариф агакьда.

2-Каринфвийриз 12:20

Зун куь патав атай чӀавуз заз куьн зи рикӀи, зунни куь рикӀи кьан тийиз кичӀезва. Зун квев квез кӀанзавайвал ваъ, масакӀа эгечӀуниз мажбур жеда. Куь арадай гьуьжетар, пехилвал, хъел, къалмакъалар, буьгьтен, фитнеяр, лавгъавал ва къайда тахьун жагъиз кичӀе я заз.

Эфесвийриз 4:31

Руьгьда авай гьар жуьредин туькьуьлвиликай, хъилекай, гъазабдикай, гьарайдикай, намусдик хкуьрдай гафарикай ва гьар жуьредин писвиликай хилас хьухь.

1-ТӀиматӀеяз 3:11

Папарни гьакӀ гьуьрмет хуьдайбур хьун лазим я, абуру фитнеяр авуна кӀандач, сабур гвайбур ва вири крара ихтибар алайбур хьана кӀанда.

ТӀитӀаз 2:3

Яш хьанвай папаризни чеб имандиз кутугайвал тухун, фитнеяр тавун ва са акьван артух чехир хъун тавун паталай тагьким ая. Абуру жегьил папариз хъсан крар ийиз чирна кӀанда,

Якьуб 1:16

Играми зи стхаяр-вахар, куьне куьн алцурармир.

Якьуб 1:19

Играми зи стхаяр-вахар, гъавурда акьукь: къуй гьар сад, рахунрихъ ва я хъел къалурунихъ алгъидалди, яб акалунихъ гелкъуьрай.

Якьуб 1:25

Амма азадвал гузвай тамам Къанун кьатӀузвайда, Къанундилай алат тавуна, ван хьайи гафар рикӀелай алуд тавуна, адав кьадай крар ийизва, адаз вичин крара нуьсрет гуда.

Якьуб 2:8

Куьне рикӀивайни, «Жув хьиз жуван мукьув гвайдини кӀан хьухь» кхьенвайвал, Къанундин кьилин къарардал амал ийизватӀа, куьне дуьз кар ийизва.

Якьуб 5:10

Стхаяр-вахар, Реббидин ТӀварцӀелай рахай пайгъамбарар квез азабра эхиз чирдай чешне хьурай.

Якьуб 5:7

Стхаяр-вахар, Ребби къведалди сабур хвена акъваз. Чил гьялзавайдани, зулун ва гатфарин марфар агакьдалди, чилин багьа бегьер сабурдивди вилив хуьзва.

Якьуб 5:9

Квек Аллагьди тахсир кутун тийидайвал, стхаяр-вахар, сада садалай шикаятар ийимир. Дуванбег атана ракӀарив акъвазнава.

1-Петру 2:1

Гьа икӀ, куьн гьар гьихьтин хьайитӀани писвилерикай, тапаррикай, кьве чин хьуникай, пехилвилерикай ва фитнейрикай азад хьухь.