Якьуб 3:6 - Пак Калам

⁶ Мезни гьа цӀай хьиз я, чи бедендин алатрин арада ам виче нагьахъвили уьмуьр тухузвай чка я. Ада, вичи жегьеннемдикай цӀай кьунваз, уьмуьрдин вири еришдикни цӀай кутазва ва вири беден чиркинарзава.

Якьуб 3:6 Iomraidhean Croise

Забур 140:3

Зи сивел, Ребби, къаравул эциг, зи сивин ракӀар хуьх.

Забур 64:3

Эй, дуьадин Ван къвезвайди, вири инсанар Ви патав къведа.

Кьурумда 25:2

Абуру исраилвийриз чпин аллагьриз къурбандар авунин серенжемрал эверзавай. Халкьди незвай ва абурун аллагьриз икрам ийизвай.

Кьурумда 31:16

Им гьабур тир, Билъаман меслятдалди, Пегар себеб яз Исраилдин рухвайрив Реббидиз хаинвал ийиз турбур, ва Реббидин эл тӀегъуьнди тергнай.

МатӀай 12:24

И гафар ван хьайи фарисейри лагьана: – Жинерар хкуддай къуват Ада жинеррин кьилевайди тир Багьал-Зевулавай къачузва.

МатӀай 5:22

Амма За квез лугьузва хьи, жуван стхадикай хъел къвезвайдан дуванни авуна кӀанда. Ни вичин стхадиз «Вун са затӀни туш» лагьайтӀа, адан дуван Меслягьатди авун герек я. Ни са масадаз «КӀамаш» лагьайтӀа, ам жегьеннемдин цӀуз аватун герек я.

Марк 7:15

къецяй инсандин къенез физвай гьич са затӀунивайни ам чиркин ийиз жедач, инсан чиркин ийизвайди адай вичяй акъатзавайди я.

ЛукӀа 16:24

«Я Ибрагьим буба! – гьарай кваз лагьана ада. – Зун кана чӀух жезва, заз регьим ая. Вуна зи патав Лазар ракъура, ада вичин тупӀун кӀвенкӀв кьежирна зи мецивай гуьцӀрай».

Крар 20:30

Гьатта куь арадайни тапан несигьатар гудайбур акъатда, абуруз тилмизар чпин рекьел гъиз кӀан жеда.

Крар 5:3

Петруди адаз лагьана: – Гьанани, ви рикӀиз гьикӀ хьана иблис гьахьайди я? Чил маса гайи пулунин са пай чинеба жуваз туналди, вуна Пак Руьгьдикай таб авуна эхир!

Крар 6:13

Абуру жагъурай тапан шагьидри лугьудай: – Ам датӀана Аллагьдин КӀваликайни Къанундикай чӀурукӀа рахазва.

Киххьей къанун 13:6

Ви стхади, ва я хци, ва я руша, ва я гзаф кӀандай ви папа, ва я ваз уьмуьр хьиз багьа тир дустуни вун фена маса аллагьриз – я ваз, я ви бан-бубайриз чинни тийидай аллагьриз, ви патарив уьмуьр тухузвай, муькьвал я тушни яргъал, чилин и кьиляй а кьилиз кьван авай халкьарин, аллагьриз къуллугъ авун патал чинеба рекьив гъиз хьайитӀа,

ТӀитӀаз 1:11

Абур кис хьуниз мажбурна кӀанда, вучиз лагьайтӀа абуру чпин нефсинин темягьриз килигна сагъ хизанар рекьяй акъудзава, абуруз чирна виже текъведай крар чирзава.

Якьуб 2:7

Квел алай иер ТӀвар русвагьзавайбур гьабур тушни мегер?

Якьуб 3:7

Ничхиррин, къушарин, чурчулрин ва гьуьлуьн гьайванрин вири жуьреяр муьтӀуьгъариз жеда, абур инсанди муьтӀуьгъарнава,

2-Петру 3:3

Виридалайни вилик куьне эхир алукьдай вахтара кӀеви чин алай ягьанатбазар пайда жедайди рикӀел хвена кӀанда. Абуру чпин усал гьевесрин жилавда аваз физ, ягьанатдив хъуьрез

3-Ягья 1:10

Зун атайтӀа, за ам, чакай чӀуру фитнеяр ийиз, квел машгъул ятӀа винел акъудда. Ада вичи, стхаяр кьабул тавунилай гъейри, масадбурузни абур кьабулун къадагъа ийизва ва абур кьабулиз кӀанзавайбурни кӀватӀалдай чукурзава.

Керемат 12:9

Аждагьан, лагьайтӀа, къадим гъуьлягъ я. Адаз иблис ва я шейтӀан лугьузва. Ада вири алем алцурарзава. Ам чилел гадарна, адахъ галаз адан малаикарни гадарна.

Керемат 18:23

Ви къене мад, эй Бабил, гьич садрани чирагърин экв куьхкӀуьдач. Я мехъерин ванерни ваз хкведач, куьз лагьайтӀа и дуьньядин кьуд пата ви тажирар виридалай зурба тир. Халкьар рекьяй акъудна ви суьгьуьрди,

Керемат 19:20

Ничхирни тапан пайгъамбар кьведни санал кьуна. И тапан пайгъамбарди ничхирдин вилик керемат-ишараяр къалурзавай. Ада и аламатралди чпел ничхирдин тагъма алаз адан кӀалубдиз икрамзавай инсанар алцурнай. Ничхирни тапан пайгъамбар кьведни чан аламаз цӀай кьуна кузвай гугурт авай вириз гадарна.