Якьуб 3:10 - Пак Калам

¹⁰ Гьа са сивяй тарифни къаргъиш акъатзава! Зи стхаяр-вахар, икӀ хьана кӀандач.

Якьуб 3:10 Iomraidhean Croise

Хьунухь 20:9

Абумелека Ибрагьимаз эверна ва адаз ахмур авуна: «Вуна чаз вуч ийизва? За ваз вуч писвал авуна хьи, вуна зунни, вири зи пачагьлугъни ихьтин чӀехи гунагьдик кутадайвал? Ихьтин кӀвалахар авуна жедач!

Римвийриз 12:14

Куь геле къекъвезвайбуруз нуьсрет це – абуруз хийир-дуьа ая, лянет гумир.

1-Каринфвийриз 3:3

гьикӀ лагьайтӀа, куьн виликдай хьиз гунагькар тӀебиатдин гьукумдик кума. Куь арада пехилвални гьуьжетар амай кьван гагьда куьн виликан инсанар яз амукьзавачни кьван? Ва куьне куьн и дуьньядин инсанри хьиз тухузвачни кьван?

1-ТӀиматӀеяз 5:13

Идалайни гъейри, абур кӀвалах тийиз вердиш жезва ва абурук вахт файда авачиз акъудунин, кӀваляй кӀвализ финин, фитнеяр авунин, чарадан крара кьил тунин ва герек авачир гафар лугьунин хесет акатзава.

Якьуб 1:16

Играми зи стхаяр-вахар, куьне куьн алцурармир.

Якьуб 1:19

Играми зи стхаяр-вахар, гъавурда акьукь: къуй гьар сад, рахунрихъ ва я хъел къалурунихъ алгъидалди, яб акалунихъ гелкъуьрай.

Якьуб 3:1

Зи стхаяр-вахар, вири муаллимар жез алахъмир! Вучиз лагьайтӀа, чак, муаллимрик, кӀевелай тахсирар кутаз жедайди квез чизва.

Якьуб 3:11

Гьа са чешмедай михьи ва уькӀуь яд авахьун мумкин яни мегер?

Якьуб 3:9

Мецелди чна Реббидиз, чи Бубадиз, шукурар ийизва ва гьа мецелди чна Аллагьдиз ухшарвал аваз халкьнавай инсанриз лянет ийизва.

1-Петру 3:9

Писвиляй писвал ийимир, намусдик хкуьрунай намусдик хкуьрмир, акси яз, хийир-дуьа ая, вучиз лагьайтӀа куьн и кар патал тайинарнава, квез ирсинай хийир-дуьа акъатдайвал авунва.