Якьуб 3:1 - Пак Калам

¹ Зи стхаяр-вахар, вири муаллимар жез алахъмир! Вучиз лагьайтӀа, чак, муаллимрик, кӀевелай тахсирар кутаз жедайди квез чизва.

Якьуб 3:1 Iomraidhean Croise

Леви 10:3

И чӀавуз Мусади Гьаруназ лагьана: «Ингье гьа идакай тир Реббиди лагьайди: „За Жуван мукьув авунвайбуруз Жуван паквал къалурда, вири халкьдин вилик Жуван Баркалла малумарда“». Гьарун кисна.

МатӀай 10:24

Тилмиз вичин муаллимдилай артух туширвал, нуькерни вичин иесидилай артух туш.

МатӀай 23:13

Гуж я квез хьанвайди, тавратдарарни фарисеяр, кьве чин алайбур! Куьне инсанриз Цаварин Пачагьлугъдиз фидай рак агална. Я куьн аниз гьахьзавач, я аниз физ кӀанзавайбур куьне ахъайзавач.

МатӀай 9:11

Фарисейриз и кар акурла, абуру Адан тилмизривай хабар кьуна: – Куь Муаллимди харж кӀватӀзавайбурухъни гунагькаррихъ галаз вучиз фу незва?

ЛукӀа 16:2

Девлет авайда адаз эверна, лагьана: «Заз вакай къвезвайбур вуч ванер я? Жуван кӀвалахдин гьахъ-гьисаб авуна, зи патав гъваш. За вун къуллугъдилай алудзава».

ЛукӀа 6:37

Куьне масадан дуван аквамир, Аллагьди куь дуванни аквадач; куьне айибар кутун тавуртӀа, Аллагьди квекни айибар кутадач; куьне гъил къахчуртӀа, Аллагьдини квелай гъил къахчуда.

Ягья 3:10

– Исраилдиз тарсар гузватӀани, ваз ихьтин затӀар чизвачни? – жаваб гана Исади. –

Крар 13:1

АнтӀиахда авай иманийрин кӀватӀалда пайгъамбарарни муаллимар авай. Абур Барнаба, Нигер лакӀаб алай Суьмен, киринейви ЛукӀис, Гьируд бегдин некӀедин стха Манаил ва Шаул тир.

1-Каринфвийриз 12:28

Иманийрин кӀватӀалда Аллагьди сад лагьайбур илчияр яз, кьвед лагьайбур пайгъамбарар яз, пуд лагьайбурни муаллимар яз тайинарнава. Ада садбуруз аламатар къалурдай къуват ганва, муькуьбуруз дири хъийидай алакьун пай яз ганва, садбуруз муьгьтежбуруз куьмек гун пай яз ганва, муькуьбуруз идара авун пай яз ганва, бязибуруз течир жуьреба-жуьре чӀалар ганва.

2-Каринфвийриз 5:10

ГьикӀ лагьайтӀа чи виридан вилик Месигьдин дувандал фин акъвазнава, ва гьар садаз вичин гьунаррай, ада чилин беденда аваз авур хъсан ва пис крарай эвез гуда.

Эфесвийриз 4:11

Аллагьдиз талукьбур къуллугъ авунин кардиз гьазур хьун патал, чун вири иманда ва Аллагьдин Хва кьатӀунин карда садвилив агакьдай кьван чӀавалди, чун руьгьдин акьулбалугъвилив агакьдалди, Виче тамамвилин ацӀайвал авай Месигьдиз ухшар яз чӀехи жедалди, чна Месигьдин Беден арадал гъун патал, Аллагьди садбурукай илчияр, муькуьбурукай пайгъамбарар, масадбурукай Шад Хабардикай муштулухар гудайбур, бязибурукайни инсанар хуьдай чубанар ва муаллимар авуна.

1-ТӀиматӀеяз 1:7

Абуруз Къанундин муаллимар жез кӀанзава, амма чпи лугьузвай ва кьетӀидаказ тестикьарзавай гафарай чпин кьил акъатзавач.

1-ТӀиматӀеяз 2:7

Гьавиляй зун чувудар туширбур патал гьакъикъи имандин чархачи яз, илчи яз ва муаллим яз тайинарнава, ва за авайвал лугьузва, табзавач.

2-ТӀиматӀеяз 1:11

Зун и Шад Хабардин чавушвиле, илчивиле ва муаллимвиле эцигнай.

Чувудриз 13:17

Куь несигьатдаррин чӀалаз килиг ва абуруз табий хьухь. Вучиз лагьайтӀа абуру вил алуд тийиз куь къайгъу чӀугвазва, абуру чпин зегьметдин гьакъиндай Аллагьдиз гьахъ-гьисаб авуна кӀанда. Абурувай чпин къуллугъ шаддаказ кьиле тухуз хьун патал суза тийиз алахъа, вучиз лагьайтӀа идакай квез хийир авач.

Якьуб 1:16

Играми зи стхаяр-вахар, куьне куьн алцурармир.

Якьуб 1:19

Играми зи стхаяр-вахар, гъавурда акьукь: къуй гьар сад, рахунрихъ ва я хъел къалурунихъ алгъидалди, яб акалунихъ гелкъуьрай.

Якьуб 3:10

Гьа са сивяй тарифни къаргъиш акъатзава! Зи стхаяр-вахар, икӀ хьана кӀандач.

1-Петру 5:3

Квел ихтибарнавай инсанриз зулумкарвал ийимир, амма суьруьдиз жуван кьилдин чешне къалуриз хьухь.