Якьуб 2:21 - Пак Калам

²¹ Вичин хва Исакь къурбангандал эцигунай чи бан-буба Ибрагьим адан крарин нетижа себеб яз гьахъ-михьивилиз акъудначирни бес?

Якьуб 2:21 Iomraidhean Croise

Забур 143:2

Зи регьим, зи къеле, зи далда, зи хиласкар, зи къалхан, Вичивай заз далда кӀанзавайди, Заз зи халкь табий ийизвайди.

МатӀай 12:37

Ви гафариз килигна, вун гьахъ-михьивилиз акъудунни мумкин я, жаза гунни.

МатӀай 3:9

«Чи буба Ибрагьим я» лугьуз ацукьмир. За квез лугьузва хьи, Аллагьдивай и къванерни Ибрагьиман веледриз элкъуьриз жеда.

ЛукӀа 1:73

Ибрагьимаз Вичи кьур кьин рикӀеваз, хуьда лугьуз чун мидяйрин пацукай, гуда лугьуз чаз даиман мумкинвал Вичиз пак яз, гьахъ-михьи яз къуллугъдай.

ЛукӀа 16:24

«Я Ибрагьим буба! – гьарай кваз лагьана ада. – Зун кана чӀух жезва, заз регьим ая. Вуна зи патав Лазар ракъура, ада вичин тупӀун кӀвенкӀв кьежирна зи мецивай гуьцӀрай».

ЛукӀа 16:30

«Ваъ, Ибрагьим буба! – лагьана девлет авайда. – Абурун кьилив кьейибурукай сад фейитӀа, абур Аллагьдин рекьел къведа».

Ягья 8:39

– Чи буба – Ибрагьим я, – жаваб яз лагьана абуру. – Куьн Ибрагьиман веледар тиртӀа, куьне Ибрагьиман крар кьиле тухудай, – лагьана Исади.

Ягья 8:53

Вун чи буба Ибрагьималай артухди яни? Ам кьенва, вири пайгъамбарарни кьенва. Вуна Жув няй кьазва?

Крар 7:2

– Стхаярни бубаяр! – жаваб гана Истефаса. – Заз яб це. Чи буба Ибрагьим гьеле Месапатамда амайла, ам Харандиз фидалди вилик, адаз баркалла алай Аллагь вичив рахаз акунай.

Римвийриз 3:20

Къанундал амал авуникди гьич садни Аллагьдин вилик гьахъ-михьивилиз акъуддач. Къанундин куьмекдалди чавай анжах гунагь кьатӀуз жеда.

Римвийриз 4:1

Бедендин жигьетдай чи бан-буба тир Ибрагьимакай чавай вуч лугьуз жеда? Ада вуч гъилиз гъана?

Римвийриз 4:12

Ам неинки суьннет авунин адетдал амал ийизвай, чи буба Ибрагьимахъ суьннет ийидалди хьайи имандин рекьяйни физвай, чебни суьннет авунвайбурун бубани я.

Римвийриз 4:16

Гьавиляй и гаф, берекатдив кьурди хьун патал, иманидаз ганва. Гьа икӀ, ам Ибрагьиман вири эвледар патал гьакъикъиди я: неинки чпин умудар Къанундал амал авуник кутунвайбур патал, гьакӀни чпихъ Ибрагьимахъ хьтин иман авайбур патални. Ам чи виридан буба я.

Чувудриз 11:17

Аллагьди Ибрагьим синагъ ийидайла, ада имандалди Исакь къурбанд авунай. Ам вичин авай-авачир са хва къурбанд ийиз гьазур тир. Аллагьди адаз гаф гун яз: «Ви тухум Исакьа давамарда» лугьунизни Ибрагьим килигначир,

Якьуб 2:18

Амма мумкин я, са ни ятӀани лугьун: «Садахъ иман ава, муькуьдахъ – крар». – «ГьакӀ ятӀа, заз крар галачир ви иман къалура. Амма завай ваз краралди зи иман къалуриз жеда.

Якьуб 2:24

Са иман себеб яз ваъ, крарни себеб яз инсан гьахъ-михьивилиз акъудзавайди квез аквазва.