Якьуб 1:9 - Пак Калам

⁹ Кесибрин агъуз жергедай тир стхади вичин виниз дережадал дамахрай.

Якьуб 1:9 Iomraidhean Croise

Забур 62:9

Зи чан игис жезва Вав, эрчӀи гъилив Вуна кьунва зун.

ЛукӀа 1:52

Гьукум гвайбур тахтунилай гадарна, усал тирбур Ада виниз хкажна.

ЛукӀа 10:20

Амма куьне жинерар квез табий хьунал шадвал ийимир, куь тӀварар цаварал кхьенваз хьунал шадвал ая.

ЛукӀа 14:11

Гьар ни вичи вич вине кьуртӀа, гьам агъуз вегьида, вичи вич агъуз кьурди виниз акъудда.

ЛукӀа 9:48

– И аял Зи хатурдай ни кьабулайтӀа, гьада Зунни кьабулзава, – лагьана Ада, – ни Зун кьабулайтӀа, гьада Зун Ракъурайдини кьабулзава. Квекай виридалайни агъада вуж аватӀа, гьам виридалайни вине жеда.

Римвийриз 8:17

Чун рикӀивайни Адан веледар ятӀа, чун Аллагьдин ирссагьибарни я, Месигьдихъ галаз Гьадан ирссагьибарни я. Чна адахъ галаз санал азаб чӀугвазватӀа, чал Адахъ галаз санал баркаллани къведа.

2-Каринфвийриз 6:10

чун пашманарзава, амма чна датӀана шадвалзава; чун кесиб я, амма чна гзафбурукай девлет авайбур ийизва; чахъ затӀни авач, гьа са вахтунда чаз вири ава!

Киххьей къанун 15:11

Уьлкведа кесибар датӀана жеда, ва гьавиляй за ваз эмир гузва: ви гъил жумартди хьуй, ви уьлкведа авай ви стхайрив, дарвиле авайдав ва кесибрив бурж геце.

Киххьей къанун 15:7

Куь арада такуна хьана кесибар хьайитӀа – Реббиди, куь Аллагьди, квез гузвай уьлкведин куь шегьеррикай сана, – регьим галачир кар ийимир, ви стха, кесиб патал ви гъил мискьиди тахьурай.

Киххьей къанун 15:9

Килиг гьа, ви рикӀе алчах фикир гьатиз тахьуй – вуна, ирид лагьай йис, буржар гьалал ийидай йис, мукьвал тирди рикӀел хтана, ви стхадиз, кесибдаз, такӀанвилелди килигна, адаз ваъ лугьунни мумкин я. Амма и чӀавуз ада Реббидиз ялвар ийида ва ваз гунагь жеда!

ФилипӀвийриз 3:14

Зун жуван мураддихъ – савкьват къачун патал йигиндиз вилик физва. А савкьват, лагьайтӀа, вичихъди Иса Месигь арада аваз Аллагьди эвер ганвай цӀийи уьмуьр я.

ФилипӀвийриз 3:3

Гьакъикъатда суьннет авунвайбур – Аллагьдин Руьгьдин регьбервилик кваз икрамзавай, Иса Месигьдалди дамахарзавай ва жуван агалкьунрихъ далу акал тийизвай чунни куьн я.

1-Петру 2:9

Куьн лагьайтӀа, хкянавай тухум я, Пачагьдин хахамар я, пак халкь я, Аллагьдиз талукь, Адан чӀехи крарикай хабар гун патал хкянавай инсанар я. Ада квез мичӀивиляй Вичин аламатдин экуьниз эвернава.

Керемат 2:9

– Заз квехъ дерт-гъам авайди, куьн кесиб тирди чизва. Авайвал лагьайтӀа, квехъ девлет ава. Чпи чпикай „Чун чувудар я“ лугьудайбуру квекай чӀурукӀа ийизвай ихтилатарни Заз чида. Амма абур халисан чувудар туш, абур иблисдин межлисдиз кӀватӀ хьанвайбур я.