Якьуб 1:12 - Пак Калам

¹² Синагъдик квайди бахтавар я. Синагъдиз дурум гайила, ада Аллагьди Вич кӀанзавай виридаз гуда лагьана хиве кьур уьмуьрдин таж къачуда.

Якьуб 1:12 Iomraidhean Croise

Хьунухь 22:1

И вакъиаяр кьиле фейи са кьадар вахтундилай Аллагьди Ибрагьим синагъ авуна. «Ибрагьим!» – эверна Аллагьди. «Гьай!» – жаваб гана Ибрагьима.

Забур 11:5

лугьузвайбур: «Мецералди къачуда чна гъалибвал. Чи мецер чав гваз хьайила, нивай жеда агъавал чаз?»

Забур 5:11

Абуруз кар яхъ, я Аллагь! Ярх хьурай чпин чӀуру къастарив кьурвал. Абуру авур гзаф кьадар гунагьрай негь ая абур, вучиз лагьайтӀа Ваз акси яз къарагъна.

ЭхкъечӀун 20:6

Амма Зун кӀандай ва зи эмирар кьилиз акъуддайбурун несилрив За агъзур лагьай несилдални хийир агакьарда.

МатӀай 10:22

Зи тилмизар хьуниз килигна, куьн виридаз такӀан жеда; эхирдал кьван эхайди хилас жеда.

МатӀай 25:34

Пачагьди Вичин эрчӀи патавай акъвазнавайбуруз лугьуда: «Зи Бубади хийир-дуьа ийизвайбур, куьн иниз ша, дуьнья халкьнавайдалай инихъ квез гьазурнавай Пачагьлугъ кьабула.

ЛукӀа 6:22

Бахтавар я куьнни – Инсандин Хциз килигна, инсанри куьн чпив агуд тийидай чӀавуз, куьн абуру чукурдай чӀавуз, квез чпин такӀанвал къалурдай чӀавуз, куь тӀварар кьацӀурдай чӀавуз!

Римвийриз 5:4

дурум хьуни тежриба, тежриба хьуни умуд гузва.

Римвийриз 8:28

Чаз чизва хьи, Аллагьди Вич кӀандайбур ва Вичин ниятдив кьурвал эвернавайбур патал вири хийирдиз элкъуьрзава.

1-Каринфвийриз 2:9

Амма кхьенва: «Аллагьди Вич кӀандайбуруз вуч гьазурнаватӀа вилиз акунач, япуз ван хьанач, я рикӀелни атанач» .

1-Каринфвийриз 8:3

Амма Аллагьдиз Вич низ кӀанзаватӀа чир хьанва.

1-Каринфвийриз 9:25

Гьар са иштиракзавайда акъажунриз гьазур жезвай чӀавуз вири затӀарилай гъил къачуда, икӀ ада пуч жедай таж къачун патал ийизва. Чун лагьайтӀа, пуч тежедай тажунихъ физ алахъзава.

Киххьей къанун 13:3

ахьтин пайгъамбардиз ва я ахварар аквадайдаз яб гумир! Им Реббиди, куь Аллагьди, квез Ам рикӀин вири сидкьидай ва руьгьдин ачухвилелди кӀанзаватӀа чирун патал куьн синагъ ийизвайди я.

Киххьей къанун 7:9

Гьавиляй чир хьухь, Ребби, ви Аллагь, – гьакъикъатда Аллагь я, умуд кутаз жедай Аллагь я; Ам агъзур несилдал къведалди Вич кӀандай ва Вичин эмирар кьилиз акъуддайбурухъ галаз кутӀуннавай регьим квай икьрардиз вафа я.

Киххьей къанун 8:2

РикӀел хкваш, Реббиди, куь Аллагьди, квяй кьил акъудун патал куьн умунарна ва килигна чирна: куьне Адан эмирар кьилиз акъуддани-акъуддачни – вири и яхцӀур йисан вахтунда куьн кьурумдай гьикӀ тухванатӀа.

2-ТӀиматӀеяз 2:15

Жув гьакъикъатдин гаф дуьздаказ агакьарзавай, регъуь жедай хьтин крар тавунвай синагърай акъатнавай инсан яз, кӀвалахдай кас яз Аллагьдиз къалуриз алахъа.

2-ТӀиматӀеяз 4:8

исятда зун патал Реббиди, гьахъ-михьи Дуванбегди, Къияматдин юкъуз зав вугудай гьахъ-михьивилин таж гьазурнава, а таж неинки зав, гьакӀни кьарай авачиз Ам атун вилив хуьзвай вирибурув вугуда.

Чувудриз 10:32

Куьн имандал атайдалай гуьгъуьниз куьне залан азабриз дурум гайи виликан йикъар рикӀел хкваш.

Чувудриз 11:17

Аллагьди Ибрагьим синагъ ийидайла, ада имандалди Исакь къурбанд авунай. Ам вичин авай-авачир са хва къурбанд ийиз гьазур тир. Аллагьди адаз гаф гун яз: «Ви тухум Исакьа давамарда» лугьунизни Ибрагьим килигначир,

Чувудриз 12:5

Квез, рухвайриз хьиз, кӀубан авун патал лагьанвай ихьтин гафар куьне рикӀелай алуднава: «Зи хва, инкар ийимир несигьатар Реббидин, такӀан жемир Адан туьгьметни,

Чувудриз 6:15

Гьа икӀ, сабурдивди вил алаз, Ибрагьимав вичиз хиве кьурди агакьна.

Якьуб 2:5

Яб це, играми зи стхаяр-вахар, Аллагьди и дуьньяда кесибар хкянавачни мегер – абур имандалди девлет авайбур жедайвал ва абурукай Ада Вич кӀанибуруз хиве кьур Пачагьлугъдин ирссагьибар жедайвал?

Якьуб 5:11

Сабур къалурзавайбур нуьсрет ганвайбур яз гьисабзава чна. Квез Аюбан сабурдикай ван хьана ва эхирдай Реббиди адаз гьикӀ нуьсрет ганатӀа акуна, вучиз лагьайтӀа Реббидихъ регьим хьунин ва рикӀ кунин девлет ава.

1-Петру 3:14

Амма куьне гьахъ-михьивал патал азаб чӀугвазватӀа, куьн бахтавар я. Абурухъай кичӀе жемир, са куьнини квек кичӀ кутун тавурай,

1-Петру 4:13

Аксина, Месигьдин азабра куьнени иштирак ийизва лагьана шад хьухь; гьикӀ лагьайтӀа Адан баркалла квез ахъа хьайи чӀавузни куьн шад жеда ва куьне хвешивилер ийида.

1-Петру 4:14

Месигьдин ТӀвар кьунай куь намусдик хкуьрзаватӀа, квел нуьсрет ала, им акӀ лагьай чӀал я хьи, баркалладин Руьгьди – Аллагьдин Руьгьди – квел бине кьунва. Абуру Аллагьдиз асивалзава, куьне, лагьайтӀа, Ам машгьурзава.

1-Петру 5:10

Квел са куьруь вахтунда ацалтдай азабдилай гуьгъуьниз куьн Иса Месигьдиз талукь тирвиляй, Вичин эбеди баркалладихъ эверай Аллагьди, гьар са берекатдин чешмеди, куьн кӀвачел ахкъалдарда, квез къуватни, уьтквемвални, мягькемвал гуда.

1-Петру 5:4

ГьакӀ хьайитӀа, Кьилин Чубан атайла, куьне баркалладин шуьткьуьн тийир таж къачуда.

1-Ягья 4:19

Чаз кӀанзава, вучиз лагьайтӀа сифте Адаз чун кӀан хьана.

Керемат 2:10

Куьне эхна кӀанзавай крарикай квез кичӀе жемир. Чир хьухь, куьн синагъ авун патал иблисди куь арадай са шумуд кас къазаматдиз вегьида. Са цӀуд юкъуз квез гъам-хажалат жеда. Рекьидалди Заз вафа хуьх, За квез эбеди уьмуьрдин таж гуда.

Керемат 3:19

Заз кӀанибуруз За абурун рехнеяр къалурзава ва абуруз жазани гузва. ГьакӀ хьайила рикӀ хци хьухь ва туба ая.

Керемат 3:21

Зун гьикӀ гъалиб хьанатӀа, гьикӀ Зи Бубадихъ галаз Адан тахтунал ацукьнатӀа, Аллагьдиз акси крарал гъалибвал къачудай гьар садни За гьакӀ Зи патав ацукьарда.