Марк 7:9 - Пак Калам

⁹ Ада абуруз мадни лагьана: – Куьн Аллагьдин тагькимар жуван адетралди дегишардай хъсан устӀарар я!

Марк 7:9 Iomraidhean Croise

Марк 7:13

Гьа идалди куьне Аллагьдин гафар куь адетралди эвез ийизва ва ихьтин гзаф маса кӀвалахарни ийизва.

Римвийриз 3:31

Им чна имандалди Къанун къуватдай вегьизва лагьай чӀал я жал? Гьелбетда, ваъ! Аксина, чна ам тестикьарзава.

2-Каринфвийриз 11:4

Куь патав атана сада чна Вичикай квез хабар гайи Исадикай ваъ, масадакай хабар гуз хьайитӀа, ва я квев агакьнавай Руьгь ваъ, масад агакьиз хьайитӀа, ва я куьне чавай кьабулнавай Шад Хабар ваъ, масад кьабулиз хьайитӀа, а чӀавуз ибур вири куьне лап хъсандиз эхзава.

ГалатӀвийриз 1:14

За чувудрин диндиз къуллугъзавай чӀавуз зун жуван юлдашрилай парабурулай вилик квай. Чи чӀехи бубайрин адетар хуьнин кардал зун рикӀин сидкьидай алахъзавай.

ГалатӀвийриз 2:21

Аллагьдин берекат за кьулухъ элкъуьрзавач. Гьахъ-михьивал Къанундал амал авуналди къачуз хьанайтӀа, им акӀ лагьай чӀал жедай хьи, Иса Месигь нагьахъ кьенва.

2-Саланиквийриз 2:4

Ам аллагь тӀвар алай ва пак я лугьузвай гьар са куьниз акси жеда ва вич абурулай вине кьада. Ада гьатта Аллагьдин КӀвале чкани кьада ва вич Аллагь я лугьуда.