Марк 7:2 - Пак Калам

^2-5 Адан бязи тилмизри чиркин гъилеривди чуьхуьн тавуна фу нез акурла, атанвайбуру Исадивай хабар кьуна: – Ви тилмизри вучиз бубайрин адетрал амал ийизвач? Абуру вучиз чиркин гъилеривди фу незва? (Фарисейри ва вири чувудри, бубайрилай инихъ адет хьанвайвал, фу недалди гъилер чуьхуьда. Базардай хтайлани, эл-адет тирвал, чин-гъил чуьхуьн тавунмаз, абуру фу недач. Идалайни гъейри, абуру гзаф маса адетар кьилиз акъудда, къаб-къажах, курар, къажгъанар ва чарпаяр чуьхуьда.)

Марк 7:2 Iomraidhean Croise

МатӀай 15:2

– Вучиз Ви тилмизри чи бубайрин адетрал амалзавач? Фу недайла, абуру чпин гъилер чуьхуьзвач.

ЛукӀа 11:38

Фу недалди Исади Вичин чин-гъил чуьхуьн тавурла, фарисей лап мягьтел хьана.

Крар 10:28

Ада абуруз лагьана: – Квез чизва хьи, чувудриз маса халкьарикай тирбурухъ галаз рафтарвал авун ва абурун кӀвалериз фин къадагъа авунва. Амма Аллагьди заз гьич са касни кьацӀайдай ва я чиркиндай кьун тавун лазим тирди къалурна.

Крар 11:8

«Гьич са чӀавузни, я Ребби! – жаваб гана за. – Зи уьмуьрда за чиркин ва я гьарам затӀ тӀуьрди туш».

Римвийриз 14:14

Вич вичелай чиркин са тӀуьнни авачирди заз, Ребби Исадихъ иман ийизвайдаз, чизва ва идахъ зун кӀевелай агъунва. Амма инсанди са вуч ятӀани чиркин яз гьисабзаватӀа, ам гьа кас патал чиркин я.

Чувудриз 10:29

АкӀ хьайила, куь фикирдалди, Аллагьдин Хциз кӀур гузвайди, вич Икьрардин Ивиди пак авунатӀани, а иви са квяйни такьазвайди ва берекатдин Руьгь русвагьзавайди гьикьван кӀеви жазадиз лайих я?

Керемат 21:27

Шегьердиз чиркинвал квай са затӀни гьахьдач, я аниз табвал квай ва чиркин са касни гьахьдач. Аниз анжах КӀелев гвай уьмуьрдин ктабда тӀварар кхьенвайбур гьахьда.