Марк 7:11 - Пак Калам

¹¹ Амма куьне лугьузва: «инсанди вичин бубадизни дидедиз „за квев вахгана кӀанзавай бурж Аллагьдив ахгакьарда“ лагьайтӀа,

Марк 7:11 Iomraidhean Croise

МатӀай 23:18

Куьне вуч лугьузватӀа мадни са мисал гъин: «Ни къурбангандал кьин кьазватӀа, адавай кьин кьилиз акъуд тавуртӀани жеда. Ни къурбангандал алай къурбанддал кьин кьуртӀа, гьада гьа кьин кьилиз акъудун лазим я».

МатӀай 15:5

Амма куьне лугьузва: «Инсанди вичин бубадиз ва я дидедиз „За вав вахгана кӀанзавай бурж за Аллагьдив ахгакьарда“ лагьайтӀа, адаз диде-бубадиз гьуьрмет тийидай ихтияр ава». Гьа идалди куьне Аллагьдин гафар куь адетралди эвез ийизва.

Леви 1:2

«Исраилдин рухваяр хабардар ая: „Квекай сада Реббидиз къурбанд ийизватӀа, къурбанд гьам карч алай ири гьайванрикай, гьамни карч алай куьлуь гьайванрикай ийиз жеда.

МатӀай 27:6

ЧӀехи хахамри гимишар кӀватӀ хъувуна, лагьана: – Абур Аллагьдин КӀвалин хазинадик кутуна виже къведач, абур ивидихъ ганвай гьакъи я.

Марк 7:12

а касди вичин дидени буба патал са карни тавуртӀани жеда».