Марк 6:2 - Пак Калам

² Киш югъ алукьайла, Исади синагугда чирвилер гуз гатӀунна. Адаз яб гайи кьванбуру гьейранвилелди лугьуз хьана: – Вичиз гьихьтин камал ганватӀа аку! Ада Вичин гъилералди гьихьтин аламатар къалурзаватӀа килиг! Икьван аламатар Адаз гьинай атанатӀа?!

Марк 6:2 Iomraidhean Croise

МатӀай 4:23

Иса вири Галилей тирвал къекъвезвай, Ада Цаварин Пачагьлугъдин вахт атуникай Шад Хабар гузвай. Ада синагугра чирвилер гузвай ва гьар жуьре азарарни начагъвилер квайбур сагъар хъийизвай.

МатӀай 7:28

Исади Вичин гафар лагьана куьтягьайла, Адан чирвилери вири мягьтеларнай,

Марк 1:39

Гьа икӀ, Ада, вири Галилейда къекъвез, синагугра Шад Хабардикай муштулухар гузвай ва жинерар хкудзавай.

Марк 10:1

Гьанай экъечӀна, Исани тилмизар Ярдан вацӀун муькуь патай яна Ягьудатдин чилерал акъатна. Исадал инсанар алтӀуш хьанай. Вичиз адет хьанвайвал, Исади абуруз мад чирвилер гузвай.

ЛукӀа 2:47

Исадин ван хьайибур Адан акьулдал ва Ада гузвай жавабрал гьейран тир.

ЛукӀа 4:15

Ада синагугра чирвилер гуз хьана, инсанрин сивера Адан тариф гьатна.

Ягья 6:42

– Ам Юсуфан хва Иса тушни кьван? – лугьузвай абуру. – Чаз Адан дидени буба хъсан чизва. Ада «Зун цаварилай эвичӀнавайди я» гьикӀ хьана лугьузвайди я?

Ягья 7:15

Чувудрин кьиле авайбуру мягьтел хьана лугьузвай: – КӀел тавуна, Калам икьван хъсандиз чир хьун гьикӀ жезвай кар я?