Марк 4:7 - Пак Калам

⁷ Са бязи тварар къалгъанар квай чкадиз аватна. Къалгъанри чӀехи жердавай цӀирер пӀуьрчӀуькьарна. Гьавиляй абуру майваяр гъанач.

Марк 4:7 Iomraidhean Croise

МатӀай 13:22

Къалгъанриз вегьенвай тум – гафунин ван къвезвайбур я лагьай чӀал я. Амма гьар йикъан къайгъуйри, девлетдихъ вил ичӀи хьуни ахьтинбурун рикӀера гьатнавай гаф пӀуьрчӀуькьарда, ам бегьер тагуз жеда.

МатӀай 13:7

Са бязи тварар къалгъанриз аватна. Къалгъанар чӀехи хьана, абуру акьалтзавай къацар пӀуьрчӀуькьарна.

МатӀай 13:8

Амай тварар мублагь чилел аватна ва абуру майваярни гъана – сада виш твар, муькуьда пудкъад, амайбуруни – къанницӀуд.

Марк 4:6

Рагъ экъечӀайла, цӀирер шуьткьвена, чӀварахар галачирбур хьиз, кьурана.

Марк 4:8

Амай тварар мублагь чилел аватна ва абуру цӀир авуна, хкаж хьана, майваярни гъана – сада къанницӀуд твар, муькуьда – пудкъад, амайбуруни – виш.

ЛукӀа 12:15

– Килиг, – хълагьна Исади халкьдиз, – пулунихъ-девлетдихъ къаних жемир, инсандин уьмуьр адан мал-девлетдилай аслу жедач.

ЛукӀа 21:34

Килиг гьа, куьн явавилерин, хъунрин, дуьньядин ката-галтугунрин гуьгъуьна гьатайтӀа, а югъ, желе хьиз, атайла, куьн ийир-тийир жеда:

ЛукӀа 8:14

Цацарин арайриз аватай тварар – абур гафуниз яб гудай, амма къвердавай чеб, эчӀелри хьиз, къайгъуйри, девлетрини лезетри буьркьуь авуна, цӀир гъана куьтягь тахьанмаз, Аллагьдин Гаф рикӀелай алуддайбур я. Абуру бегьерни гъидач.

ЛукӀа 8:7

Са бязибур къалгъанрин арайриз аватна. Къалгъанар чӀехи хьана, абуру акьалтзавай къацар пӀуьрчӀуькьарна.