Марк 2:16 - Пак Калам

¹⁶ Харж кӀватӀдайбурухъни гунагькаррихъ галаз санал Исади фу нез акурла, фарисейрин арадай акъатнавай тавратдарри Адан тилмизриз лагьана: – Ада харж кӀватӀзавайбурухъни гунагькаррихъ галаз вуч лагьана фу незва?

Марк 2:16 Iomraidhean Croise

МатӀай 18:17

Стхади-вахари гьабурузни яб тагайтӀа, адакай иманийрин кӀватӀалдиз лагь, ада кӀватӀалдизни яб тагайтӀа, адаз мажусидиз, я тахьайтӀа харж кӀватӀзавайдаз хьиз килиг.

МатӀай 5:46

Квез куьн кӀандайбур кӀандатӀа, идакай квез вуч суваб жеда? И кар харж кӀватӀдайбуруни ийизва.

МатӀай 9:11

Фарисейриз и кар акурла, абуру Адан тилмизривай хабар кьуна: – Куь Муаллимди харж кӀватӀзавайбурухъни гунагькаррихъ галаз вучиз фу незва?

Марк 2:15

Ахпа Исади Левидин кӀвале фу незвай. Исадихъ ва Адан тилмизрихъ галаз ана харж кӀватӀдайбурни гунагькарар гзаф авай. Адан гуьгъуьна абурукай гзафбур жедай.

ЛукӀа 18:11

Фарисейди кьилди акъвазна дуьа ийидайла, лагьана: «Я Аллагь! Ваз шукур хьуй, зун амай вири инсанар хьтинди туш: зун чапхун гвайбурукай, гунагькаррикай, зинабурукай ва и харж кӀватӀзавай хьтиндини туш.

ЛукӀа 19:10

Инсандин Хва и дуьньядиз, квахьнавай ксар жагъурна, абур хиласун патал, атанвайди я.

ЛукӀа 19:7

И кар акур вирибуру, Иса гунагькардин кӀвализ мугьманвилиз физва лугьуз, наразивал ийиз хьана.

ЛукӀа 5:30

Тавратдаррини фарисейри наразивал ийиз, Адан тилмизриз лагьана: – Куьне вучиз харж кӀватӀдайбурухъни гунагькаррихъ галаз санал ацукьна тӀуьнар-хъунар ийизва?

Крар 23:9

ЧӀехи гьарай-эвер акъатна. Фарисейрин патай тавратдаррикай са бязибур къарагъна хци гьуьжетар ийиз эгечӀна: – И касдай чаз са пис карни аквазвач. Низ чида кьван, адахъ галаз Руьгь ва я малаик рахазвачтӀа?

1-Каринфвийриз 2:15

Руьгь авай инсандивай виридакай веревирд ийиз жеда, адакай вичикай са касдивайни веревирд ийиз жедач,

Чувудриз 12:3

Гунагькаррин патай ихьтин душманвал эхи авур Адакай фикир ая, и карди квез руьгьдалди къуватдай ават тийиз ва бедендик чан хьуниз куьмек гуда.